Ivyibukijwe Vyerekeye Icibutso

Ihimbazwa ry’Icibutso uyu mwaka rihurirana no ku w’Iyinga igenekerezo ry’8 Ndamukiza. Abakurambere bakwiye kwitwararika ibi bintu bikurikira:

◼ Mu gushinga igihe iryo koraniro rizoberako, murarabe neza ibimenyetso ntibizotemberezwe imbere y’uko izuba rirenga.

◼ Umuntu wese, dushizemwo n’uwuzoshikiriza insiguro, akwiye kumenyeshwa isaha nyayo iryo himbaza rizoberako n’ahantu rizobera.

◼ Umukate be n’umuvinyu bibereye bikwiye kuba vyabonetse kandi vyateguwe.—Raba Umunara w’Inderetsi (mu Gifaransa) wo ku wa 15 Ruhuhuma 1985, urupapuro rw’19.

◼ Amasahani, ibirahuri, imeza be n’igitambara c’imeza bibereye bikwiye kuba vyazanywe ku ngoro bigashirwa mu kibanza cavyo hakiri kare.

◼ Ingoro y’Ubwami canke ikindi kibanza c’iryo koraniro bikwiye kuba vyasukuwe bikanozwa imbere y’igihe.

◼ Abakira abantu n’abatembereza ibimenyetso bakwiye gucagurwa kandi bagasigurirwa hakiri kare ivyerekeye ibikorwa bashinzwe hamwe n’uburyo bubereye bw’ukubirangura.

◼ Hakwiye kugira ibiringanizwa kugira ngo nimba hari abo mu basizwe bamugaye kandi badashoboye kuhashika babashire ibimenyetso.

◼ Igihe hari amashengero menshi azosangira Ingoro y’Ubwami imwe, ibintu bikwiye kuyoborwa neza hagati y’ayo mashengero kugira ngo birinde umurundano udakenewe mu ngoro, mu rugo, n’ahahagarikwa imiduga.