16 නමුත් ඔවුහු ඔවුන්ට සරදම් කරමින්,+ දෙවි තම අනාගතවක්තෘවරුන් මාර්ගයෙන් පැවසූ දේවල් හෙළාදුටුවෝය.+ ඔවුහු ඒ කිසිවක් පිළිගත්තේ නැත.+ එහි ප්‍රතිඵලයක් ලෙස අන්තයටම පිරිහී ගොස් සිටි ඔවුන්ට+ විරුද්ධව යෙහෝවා දෙවිගේ උදහස ඇවුළුණේය.+

14 සියොන්හි වෙසෙන පව්කාරයෝ තැතිගෙන සිටිති.+ දෙවිව අත්හැර ගිය ද්‍රෝහියෝ භයෙන් වෙවුලමින්+ මෙසේ කියති. ‘දැවෙන ගින්නක් ළඟින් සිටිය හැක්කේ කාටද?+ බුරබුරා නඟින ගිනිදලු ළඟ බොහෝ වේලා නැවතී සිටිය හැක්කේ කාටද?’+

20 එබැවින් මාගේ උදහස මේ ස්ථානය පිට වගුරුවන්නෙමි.+ එහි මිනිසුන්, සතුන්, ගස් කොළං+ සහ එහි පලදාව පිට මාගේ උදහස වගුරුවන්නෙමි. එය නිවා දැමීමට කිසිවෙකුට හැකි වන්නේ නැත.+ මේ දේ පවසන මා විශ්වයේ පාලකයා වන යෙහෝවා දෙවිය.

27 “‘“නමුත් සබත් දවස ශුද්ධ දවසක් ලෙස සලකමින් එදින බර උසුලාගෙන යෙරුසලමේ දොරටුවලින් ඇතුල් නොවන්න කියා මා දුන් ආඥාවට ඔබ කීකරු නොවුණොත්+ යෙරුසලමේ දොරටු සියල්ල දැවී යන ලෙස මම ගින්නක් අවුළුවන්නෙමි.+ එහි බලකොටු සියල්ල ඒ ගින්නෙන් පිලිස්සී යනු ඇත.+ එය නිවා දැමීමට කිසිවෙකුටවත් නොහැකි වන්නේය.”’”+

48 සියල්ලට ගිනි අවුළුවා ඇත්තේ යෙහෝවා දෙවි වන මා බව සියලුම මනුෂ්‍යයෝ දකිනවා ඇත. ඒ ගින්න නම් කිසි ලෙසකින්වත් නිවී යන්නේ නැත.”’”+