සිහි කිරීමට ආරාධනා කරන්නේ මාර්තු පළවෙනිදා ඉඳන්
1. සිහි කිරීමට ආරාධනා කරන්න පටන්ගන්නේ කවදාද? මේ අවුරුද්දේ එය කලින්ම පටන් අරන් තියෙන්නේ ඇයි?
1 මේ අවුරුද්දේ යේසුස්ගේ මරණය සිහි කරන්නේ මාර්තු 26වෙනිදා. මේ අවුරුද්දේ ආරාධනා පත් බෙදන්නේ මාර්තු පළවෙනි සිකුරාදා ඉඳන්. මෙදා සැරේ කලින් අවුරුදුවලට වඩා වැඩි කාලයක් වෙන් කරලා තියෙන්නේ හුඟදෙනෙකුට ආරාධනා පත් ලබා දෙන්නයි. විශේෂයෙන්ම විශාල ප්‍රදේශයක් තියෙන සභාවලට මේ සැලැස්ම ගොඩක් ප්‍රයෝජනවත්.
2. ආරාධනා පත් ලබා ගැනීම හා බෙදාහැරීම ගැන දී ඇති යෝජනා මොනවද?
2 සැලසුම් කරන්න: තැන හා වෙලාව සඳහන් කළ ප්‍රමාණවත් ආරාධනා පත් ප්‍රමාණයක් සඟරා හෝ පොත් කවුන්ටර මත තබා තිබෙන බවටත් සියලුම ආරාධනා පත් එක විට නොතබන බවටත් සේවා සංවිධායක වග බලා ගත යුතුයි. එක වරකදී ප්‍රචාරකයන් ලබා ගන්න ඕනේ සතියකට අවශ්‍ය ආරාධනා පත් ප්‍රමාණය විතරයි. නිවැසියා ගෙදර නැත්නම් ආරාධනා පත් ගෙදර තියලා යනවද නැද්ද, හැමෝටම ආරාධනා කරන්නේ කොහොමද වගේ දේවල් ගැන වැඩිමහල්ලන් දැනුම් දෙයි. ගෙයින් ගෙට සේවයේදී ආරාධනා පත් බෙදා දී අවසන් වුණාට පස්සේ තවත් ඉතිරි වෙලා නම් අවිධිමත් සේවයේදී ඒවා පාවිච්චි කරන්න පුළුවන්.
3. ආරාධනා පත් බෙදාහැරීමේදී මතක තියාගන්න ඕනේ මොනවද?
3 කියන්නේ කොහොමද? කෙටියෙන් කියන තරමට හොඳයි. එතකොට තමයි ආරාධනා පත් හුඟක් අයට දෙන්න පුළුවන් වෙන්නේ. ඒ සඳහා හතරවෙනි පිටුවේ යෝජනාවක් තියෙනවා. හැබැයි නිවැසියා මිත්‍රශීලී නම් මොකක් හරි ප්‍රශ්නයක් ඇහුවා නම් එයත් එක්ක ටිකක් කතා කරන්න අපිට පුළුවන්. සති අන්තයේ සුදුසු අවස්ථාවලදී සඟරාවක් වුණත් දෙන්න පුළුවන්. මාර්තු දෙවෙනිදා බයිබල් පාඩම් පටන්ගන්න දවස වුණත් අපි ඒක කරන්නෑ.
4. ආරාධනා පත්‍රිකා බෙදාදීම සඳහා උපරිම වෑයමක් දැරිය යුත්තේ ඇයි?
4 මේ අවුරුද්දෙත් යේසුගේ මරණය සිහි කිරීමට හුඟක් අය එයි කියලා අපි බලාපොරොත්තු වෙනවා. එදාට දෙන කතාවෙන් යේසුස් ඇත්තටම කවුද කියන එක පැහැදිලි කර දෙනවා. (1 කොරි. 11:26) ඔහු ඇයි අපි වෙනුවෙන් මිය ගියේ කියලත් ඔහුව සිහි කරන එක වැදගත් ඇයි කියලත් පැහැදිලි කරනවා. (රෝම 6:23; යොහ. 17:3) ඒ නිසා අපේ උපරිමයෙන් ආරාධනා පත්‍රිකා බෙදා දෙන්න වෑයම් කරමු.