“දෙවි සමඟ ගමන් කරන්න” යෙහෝවාගේ සාක්ෂිකරුවන්ගේ දිස්ත්‍රික් සමුළුව 2004
1 අපේ වාර්ෂික දිස්ත්‍රික් සමුළුව ඔබට විශේෂ දෙයක් වන්නේ කුමක් නිසාද? “විශ්වාසවන්ත නුවණ ඇති දාසයා” විසින් පිළියෙල කර ඇති ගොඩනංවනසුලු කතා සහ නාට්‍යය නිසාද? (මතෙ. 24:45-47, NW) කාලෝචිතව ආත්මික පෝෂණයක් ලබා දෙන නව ප්‍රකාශන නිසාද? තමන්ගේ ජීවිත වඩාත් යහපත් තත්වයකට පත් කරගැනීමට බයිබලය උපකාරවත් වී ඇති ආකාරය ගැන සහෝදර සහෝදරියන් ඉදිරිපත් කරන අද්දැකීම් නිසාද? වෙනත් රටවල රාජ්‍ය දේශනා කිරීමේ වැඩයේ ප්‍රගතියක් ලබන අන්දම ගැන අසන්නට ලැබෙන වාර්තා නිසාද? සියලුම වයස් කණ්ඩායම්වල අයව ඇසුරු කිරීමට ලැබෙන නිසාද? මෙම හේතු නිසා සහ තවත් බොහෝ හේතු නිසා අපි ඉතා ආශාවෙන් අපගේ සමුළු දින එළඹෙන තුරු බලා සිටින්නෙමු! කොළඹ සහ යාපනයේ සමුළු දෙකක් පවත්වනු ලැබේ. පැවැත්වෙන ස්ථාන සහ දිනයන් පසුව දැනුම් දෙනු ඇත.
2 දවස් තුනටම සහභාගි වන්න: මෝසෙස් තුළින් යෙහෝවා අණ කළේ මෙයයි. ‘අසා ඉගෙනගන්නා පිණිස . . . ජනයාව රැස් කරන්න.’ (ද්වි. 31:12, 13) අපගේ සමුළුවේ එක් එක් දවස සඳහා විශේෂ අධ්‍යාපනික වැඩසටහනක් යෙහෝවා විශ්වාසවන්ත නුවණ ඇති දාසයා තුළින් පිළියෙල කර තිබේ. ඔහු අපට “ප්‍රයෝජන ලබාගැනීමට” උගන්වමින් සිටින නිසා ඔහු දෙන සියලු උපදෙස් ලබාගැනීම සඳහා අප එහි සිටීම අවශ්‍යයි. (යෙසා. 48:17) ඔබට ඔබගේ රැකියා ස්ථානයේ ස්වාමියාගෙන් නිවාඩු ලබාගැනීමට අවශ්‍ය නම්, මේ කාරණය ගැන යෙහෝවාට යාච්ඤා කරන්න. මේ සම්බන්ධයෙන් ඔබට නෙහෙමියාගේ නිර්භීත ආදර්ශය අනුකරණය කළ හැකියි. (නෙහෙ. 1:11; 2:4) තවද, සමුළුවට යෑම සඳහා ඔබ කර ඇති සැලසුම් ගැන හැකි තරම් ඉක්මනින් ඔබේ පවුලේ සිටින ඇදහිල්ලේ නොවන අයටද දැනුම් දීම හොඳය.
3 මීට වසර 2,500කට පමණ ඉහත යෙහෝවාගේ ජනයා එක් රැස් වූ අවස්ථාවක, එස්රා සහ ඔහුගේ සෙසු ලෙවීවරු දෙවිගේ වචනයෙන් කියවා රැස්ව සිටි ජනයාට එය පැහැදිලි කර දුන්හ. එහි ප්‍රතිඵලය කුමක් වීද? නෙහෙමියා 8:12හි අපට කියන්නේ, “මුළු සෙනඟ . . . බොහෝ සේ ප්‍රීති වෙන්ටත් ගියෝය. මක්නිසාද තමුන්ට දන්වන ලද වචන ඔවුහු තේරුම්ගත්තෝය.” එස්රා සහ ලෙවීවරුන් මෙන් අභිෂේක ලත් පංතිය දේවවචනය භාවිත කරමින්, එය පැහැදිලි කරමින් එය අපගේ ජීවිතවලට අදාළ වන ආකාරය අපට පෙන්වීම ගැන අප කෘතඥපූර්වක වන්නේ නැද්ද? එසේ කිරීමෙන්, එම දාසයා, යෙහෝවාගේ ජනයා උදෙසා ඔහුට ඇති අව්‍යාජ ප්‍රේමය සහ සැලකිල්ල පිළිබිඹු කරයි. එසේනම්, “දෙවි සමඟ ගමන් කරන්න” දිස්ත්‍රික් සමුළුවේ එක දවසක්වත් අතපසු නොකිරීමට අදිටන් කරගන්න!
[Box on page 3]
වැඩසටහන් පැවැත්වෙන වේලාවන්
සිකුරාදා සහ සෙනසුරාදා
පෙ.ව. 9:30 - ප.ව. 5:10
ඉරිදා
පෙ.ව. 9:30 - ප.ව. 4:05