“පැරණි සඟරාවක් හෝ ඕනෑම මාසික නොවන සඟරාවක් ඉදිරිපත් කරන්න”
බයිබල් ඉගැන්වීම් පොත ඉදිරිපත් කර මුල් හමු වීමේදීම පාඩම් ආරම්භ කරන මාසවලදී, නිවැසියා සතුව එම පොත තිබෙනවා නම් හෝ පාඩමක් කිරීමට ඔහු අකමැති නම් ඔහුගේ “උනන්දුව අවදි කරන පැරණි සඟරාවක් හෝ ඕනෑම මාසික නොවන සඟරාවක් ඉදිරිපත් කරන්න” කියා දිරිගන්වනවා. ඒ ඇයි?
ජනයාගේ උනන්දුව අවදි කරන කාලීන විෂයන් ඒවායේ පළ වී තිබෙනවා. ඒවායේ තිබෙන යම් කරුණක් ඔවුන්ව කල්පනා කිරීමට පොලඹවන්න ඉඩ තිබෙනවා. ඒ නිසා ඔබ සේවයේ යද්දී පැරණි සඟරා හා මාසික නොවන සඟරා කිහිපයක් රැගෙන යන්න. ඔබ ළඟ පැරණි සඟරා නැත්නම් සඟරා අංශයෙන් ඒවා කිහිපයක් ලබාගත හැකියි. ඉතින්, බයිබල් ඉගැන්වීම් පොතක් ළඟ ඇතත් පාඩමක් කිරීමට කැමති නැති කෙනෙකු හමු වූ විට ඔබ ළඟ තිබෙන එම සඟරා පෙන්වා ඉන් කැමති සඟරාවක් තෝරාගන්න කියා ඔහුට ආරාධනා කරන්න. පසුව ඔහු දැක්වූ උනන්දුව වැඩි කිරීමට සැලසුමක් යොදන්න. ප්‍රතිඵලයක් ලෙස බයිබල් පාඩමක් කිරීමටත් ඔහු කැමති වෙන්න ඉඩ තිබෙනවා.