Waka baka wi lobi-ati herder
1 Jehovah, wi lobifasi Herder, sabi heri boen foe den fanowdoe foe wi foe njanjan, tiri nanga kibri (Ezechiël 34:11-14). Na sani di a ben doe na ini a ten disi, e kotoigi alaten foe en safoe sorgoe gi na libismafamiri di e kisi kwinsi. A lobi foe en e tjari ibri jari tin doesoendoesoen sma kon na ini na sékerfasi foe wan krosbé matifasi nanga en èn na ini na diri wánfasi foe wi kristen bradafasi. Na ini Sranankondre wi e hori moro leki wan doesoen studi. Foeroe foe den bijbelstudenti disi ben de na a Avondmaal tapoe 15 april. Efoe den njoen sma disi di abi belangstelling wani gro na jejefasi, dan wi moe gi den lobifasi persoonlek jepi èn na so fasi e feti foe waka na baka Jehovah égi safoe sorgoe. — Jesaja 40:11.
2 Na ini akroederi nanga na tiri di Jehovah e gi na ini na ten disi na en pipel, meki wi moe hori na fanowdoe na ini prakseri foe (1) jepi njoen sma fisiti ala ten den gemeente komakandra èn (2) sreka den a fesi foe teki prati na a velddienst, efoe a de so dati den doro den marki (Hebrewsma 10:24, 25; Matt. 28:19, 20). Na prisiri frantwortoe disi aladi a de wan hebi wan e aksi dati wi ferteri njoen sma na tapoe wan lobifasi „ala na rai foe Gado” (Tori. 20:27). Omoro den e gro na ini sabi èn e tai densrefi na a gemeente, omoro den sa kisi warderi gi na safoefasi fa wi lobi-ati Herder e sorgoe gi en skapoe. — 1 Thess. 2:7, 11, 12.
JEPI DEN FOE FISITI KOMAKANDRA
3 Na belangstelling foe Jehovah gi wi e kon na krin na ini en seti foe gi wi njanjan alaten na en jeje tafra. San wi kan doe foe jepi wi bijbelstudenti nanga den sma di ben fisiti na Avondmaal foe kisi moro warderi gi den gemeente komakandra. Kari den fosi foe fisiti na tapoe wan geregelde basis den komakandra. Dan gi den dek’ati foe sreka densrefi na oso foe teki prati a den gemeente komakandra. Efoe na studenti en égi persoonlek overtoigi e kon na fesi na ini en égi Wortoe, dan a e sori dati a e go na fesi na a sé foe a teki prati na a velddienst.
SREKA EN AI NA VELDDIENST
4 Te wi e wroko makandra nanga organisaatsi foe Jehovah, dan joe e jepi foeroe foe sreka njoen sma tapoe na velddienst nanga na leri foe joe. Gi na prékiman di doro den marki, tranga nanga wortoe èn eksempre foe skrifi en nen na a theokratis diniwroko skoro, foe di na skoro disi e gi wan moi leri foe na diniwroko. Efoe joe abi na overtoigi dati na sma doro den marki, dan joe kan kari en foe go nanga joe na ini na velddienst. Ma bifo joe doe dati, dan joe moe kroetoe finifini a go na fesi foe na studenti, èn joe moe meki den aksi na tapoe bladzijde 100 nanga 101 foe Wi diniwroko-boekoe tjari joe. Disi sa jepi joe foe sabi séker efoe a de klari gi na toemsi prenspari sani disi. Efoe dati de so kari en dan foe go nanga joe na ini na velddienst. Sreka makriki pristeri na fesi, di a kan gebroiki efoe a e go nanga joe oso foe oso.
5 Den sma di boen foe doe disi, moe kisi tranga foe meki wan bigin a ini na congresmoen nanga na diniwroko nanga na pristeri foe na boekoe „Na libi disi de ala sani di de?” Meki den si fa na toemsi Boen Herder ben meki en papa bekenti na den libisma di ben de ini nowtoe, foe di a sabi disi ben sa de a ferloesoe foe den (Joh. 17:3, 4, 6, 26). Meki den si dati foeroe sma di mandi nanga falsi kerki ben drai baka gi Gado. A kon moro foeroe foe kroektoedoe èn den benawtoe na grontapoe meki dati tra sma trowe Gado èn go teki falsi leri di e tjari dede kon. Sori den den krakti bewijsi na ini den boekoe Na libi disi de ala sani san de? sodati na wan lobifasi den e meki densrefi fri foe na leri foe wan pina na ini hel di e pori wan sma bribi èn foe go leri sabi Gado. Disi sa tjari libi kon.
6 Te wi e gi leri na tra sma, dan na ferprekti de na wi tapoe foe doe disi nanga safrifasi ma tokoe nanga wan marki na ini prakseri. Net soleki Paulus na so ibri wan sma foe wi „no moe ferteri wawan na boen njoensoe foe Gado, ma ooktoe wi égi sili”, foe di wi e waka na baka wi lobi-ati Herder. — 1 Thess. 2:8.