Pristeri a boen njoensoe — Nanga wan geest di wani èn di de nanga friwani
1 Joe ben kon si taki son sma noiti e lasi den faja gi na waarheid? Srefi baka tintin jari getrow dienst den de te now ete klarklari foe ferteri tra sma foe na boen njoensoe. Wi alamala moesoe meki moeiti toe foe kweki nasrefi positief fasi disi foe prakseri (1 Tim. 1:18; teki gersi Hebrewsma 3:14). Pristeri a boen njoensoe na ibri okasi di fiti, e tjari kon a krin wan geest di wani èn di de nanga friwani.
2 Na ini november wi sa pristeri abonnement tapoe Na Wachttoren nanga Ontwaakt! Wi wani sori wan geest di wani èn di de nanga friwani foe di wi no e pristeri den abonnement wawan oso foe oso ma sensi a de mogelek nomo.
NA IBRI OKASI
3 Wi alamala e kon na ala sortoe fasi foe toeka nanga sma. Ini wi ibridé libi, efoe a e go now taki wi e tjari wisrefi leki boen birti ofoe dati wi e tanapoe ini lin na a groentoe-wenkri, wi e kon ini kontakti nanga sma di no de Jehovah Kotoigi. Foeroe foe den okasi dati kan gi wi heri moi mogelekheid foe ferteri tra sma foe na boen njoensoe. Kande sontron wi e draidrai foe bigin taki nanga sma foe di wi no sabi san wi moe taki noso fa wi moesoe bigin na takmakandra. A de fanowdoe foe sreka a fesi èn foe loekoe a fesi foe beni ibridé sani di e psa foe kon tron okasi foe taki foe na boen njoensoe.
4 Kande wi abi wan mofo nanga datra èn wi sabi taki wi sa abi foe tan wan pisten na ini na kamra pe joe e wakti. Kande wi kan tjari den lasti tijdschrift nanga wi èn wi kan de srekasreka a fesi foe takmakandra foe wan artikel di kande kan interesseer wan sma di wi e miti. Ini so wan kontren wi ben sa kan bigin foe loekoe dati o switi a ben sa de efoe siki no ben sa de moro, èn dan go abra tapoe na howpoe tapoe na Kownoekondre foe di wi e teki wan spesroetoe punt ini Na Wachttoren noso Ontwaakt! A didon na den omstandigheden èn na belangstelling di sori, efi wi ben sa kan pristeri wan abbonement. Efoe wi de bereid èn klarklari foe taki foe wi howpoe di gron na ini na bijbel, wi no sa meki nowan okasi psa foe jepi tra sma foe kon leri sabi na waarheid.
5 Wi jongoe brada nanga sisa kan teki na bosroiti foe gi kotoigi na den kompe skoro-pikin nanga meester. Sonwan ben meki boen gebroiki foe fri lesjoeroe. Sonwan, tra skoropikin ben bigin taki nanga den foe di den ben poti Na Wachttoren nanga Ontwaakt! so daniki tapoe den tafra dati sma ben kan si den. Ooktoe meester ben si den tijdschrift èn ben sori belangstelling (Prék. 11:6). Foe san-ede joe na sa loekoe ini na moen november foe kisi fasi foe pristeri joe meester nanga kompe skoropikin wan abonnement?
6 Den wan a mindri wi di abi wan grontapoe wroko, kande abi na okasi foe gi den kompe wrokoman kotoigi. Wan brada gi soema a ben waka boen ini na sroto foe abonnement na en kompe wrokoman, ben gebroiki foe doe disi wan eenvoudige, wante-wante fasi foe bigin taki, foe di e ben e aksi nomo na en kompe wrokoman efoe den ben lobi foe lési boen boekoe. Efoe den ben e piki nanga ija, dan a ben pristeri den wan abonnement. Wan tra brada ben kon si taki wan foe en kompe wrokoman ben e begi bifo a ben bigin njan. A meki gebroiki foe na okasi foe gi kotoigi èn a man ben teki na waarheid gawgaw. Bakaten a man disi ben wroko tapoe wan foe den bijkantoro foe na Genootschap. Son brada nanga sisa e teki boekoe nanga den foe lési ini den pauze. Foe di den e taki nanga den kompe wrokoman foe san den e lési, den e gebroiki a ten dati foe wiki belangstelling foe na waarheid. Na a fasi disi den ben kan sroto abonnement. Ooktoe djaso na sroto de wan geest di wani èn di de nanga friwani, èn de srekasreka a fesi foe gi kotoigi. Joe e meki na difrenti okasi gebroiki foe Redeneren aan de hand van de Schrift?
7 Joe kan kisi na ini joe prakseri tra okasi pe joe kan pristeri wan abonnement? Foe san-ede joe no sa doe ekstra moeiti foe feni okasi ini november foe nanga na abonnementpristeri na ini prakseri foe taki nanga trawan?