Tan hori wi faja gi na diniwroko
1 O langa joe ben tan hori joe faja gi na prékiwroko foe na boen njoensoe? Féfi jari, tin jari, noso moro langa? Son brada nanga sisa ben préki kande twenti noso dritenti jari langa kaba noso kande moro langa srefi èn te now ete den de nanga faja troetroe. Fa a doe kon dati den no ben kon weri foe en? Fa wi kan go stap foe stap nanga Jehovah organisaatsi èn nanga a wroko di en e meki a ’go moro gaw ten na ten’? — Jes. 60:22.
PRENKI A FAJA FOE JEHOVAH
2 Den di e teki prati na a Kownoekondredienst e loekoe densrefi nanga leti leki Gado kompe wrokoman (1 Kor. 3:9). Den e si en faja gi regtvaardikifasi èn e waka na en baka. Doesoendoesoen jari a fesi kaba Jehovah ben bariwroko gi na boen njoensoe na a fositron, èn na wan fajafasi a ben loekoe taki en pipel ben préki èn go moro fara (Gal. 3:8). Srefi na tapoe na lati momenti disi ini libisma historia Jehovah belangstelling gi en kownoekondreprakseri no ben lasi faja. Presi foe dati, „na faja foe Jehovah” e meki ala san en ben pramisi kon foe de, nanga na ini na internationale Kownoekondrekotoigiwroko di ben taki a fesi. — Jes. 9:7; Matt. 24:14.
3 Awasi o langa wi ben préki kaba, wi kan tan hori wi gadofasi faja foe di wi e tan hori den kownoekondre waarheid libilibi ini wi prakseri. Te wi e studeri na bijbel wi e teki na geest foe dati a ini wi, dati wani taki Jehovah geest. Nanga disi wi ten bron foe faja foe préki na boskopoe. — Rom. 12:11, 12; Ef. 5:1.
POTI PRAKSERI FINIFINI TAPOE JEZUS
4 Jehovah ben gi ini en Manpikin, Jezus na volmaakti eksempre foe wan faja bedinari. Jezus ben tan hori en faja te na momenti foe en ati ma glori kaba foe en grontapoe libi. Hebrewsma 12:2, 3 e sori tapoe wán sani san ben jepi Jezus foe tan stanfaste. Dati ben de a paiman di ben poti na en fesi gi en. Joe faja no e wiki opo te joe e prakseri na heri switi howpoe di Jehovah poti a joe fesi? Prakseri taki a no na ten di wi faja e teki ma na na hori doro foe wi te leki na kaba sa tjari wi kolokoe paiman foe tégo libi gi wi. — Matt. 24:13.
5 A doe foe na wroko foe Jehovah srefi kan meki wi faja kon moro bigi. Teki na eksempre foe Jezus soleki Johannes kapiter 4 e taki foe en. A ben weri foe troe. A ben abi broskin, njanjan nanga dringi fanowdoe. Den discipel ben go ini na ’dorpoe foe go teki njanjan, ma di den ben drai kon baka a ben sori leki den meester no ben abi angri noso no ben weri moro. San ben gi en na broskin èn ben gi en njoen krakti na skin? Na heri moi ondrofeni di ben meki a kon kolokoe na ini a dienst foe Gado. Wan Samaria-oema ben gi jesi wantewante na a préki foe Jezus èn nanga san en ben ferteri, tra sma foe en foto ben kon foe kon arki Jezus. Djaso sma ben de klarklari foe sma tjari den konmakandra foe tégo libi! Jezus ben handri nanga fri wani tapoe den nowtoe foe den sma. Na eksempre disi di e wroko tapoe wi geest e gi dek’ati foe tan abi faja. Wi sabi taki wan heri moi libi didon a fesi gi den sma di de klarklari foe arki èn handri akroederi nanga dati.
6 Ini a moen december wi sa pristeri na A libi disi-boekoe tege wan bijdrage foe nomo Sf 1,00. Sorgoe taki joe alaten abi na boekoe sofasi joe kan teki ala okasi foe gi den sma na dorosé, na ini den anoe na boskopoe di skrifi na ini a boekoe. Nanga aladi nofotron wi e miti sma di de tégen wi, no e handri gaw ofoe den no e bisi srefsrefi nanga Gado nanga a bijbel, wi no mag meki disi meki wi las’ati. Efoe wi e doe wi pristeri na wan libilibi fasi èn nanga faja, kande son wan foe den kan kisi jepi foe kon si sortoe krakti Gado Wortoe abi na tapoe den te den e teki en na ati (Hebr. 4:12). Meki den kon sabi dati nanga ala prisiri wi wani studeri Gado Wortoe di e wroko tapoe sma foe den handri nanga den, sodati den toe kan „tan a libi” foe „meki den wroko foe Jah kon bekenti”. — Ps. 118:15-17.
7 Wi abi na faste fertrow dati efoe wi tan hori wi faja ini na dienst, Jehovah, na fonten foe gadofasi faja, sa blesi wi wanfasi moeiti ini na diniwroko ini na moen december.