„De faja na ini jeje”
1 Foe prati wan boen sani nanga tra sma, e meki krakti wroko doe kon. Wi abi foe dat’ede wan boen réde foe de nanga faja na ini mei efoe wi o pristeri na up to date boekoe di abi moi prenki: Troe vrede nanga sékerfasi — Fa joe kan feni dati? Te wi loekoe den toestand na grontapoe dan vréde nanga sékerfasi de wan tori di abi na prakseri foe foeroe sma. Doesoendoesoen jari foe a misi di libisma misi foe doe sani ben tjari foeroe sma gro so fara foe erken dati libisma no abi wan loesoe gi den moro tranga fanowdoe sani foe den. Ma wi sabi dati Gado kownoekondre de a piki. Foe di wi kan sori disi nanga jepi foe a Wortoe foe Gado èn kan pristeri na toemsi moi boekoe disi, meki dati disi moe jepi wi ini mei „foe de faja ini jeje” na ini wi diniwroko. — Rom. 12:11.
2 Ma a prati foe na Troe vréde-boekoe de soso na fosi stap foe doro a marki foe wi, dati wani taki foe jepi sma di e soekoe waarheid foe teki a sé foe Gado kownoekondre. Wi moe go esesi baka èn jepi sma di abi belangstelling foe ferstan dorodoro den sani di wi ben taki nanga den a fositron. Noso na gevaar de dati na ogriwan e kon a mindri èn e hari poeroe san wi ben sai na ini den ati. — Matt. 13:19.
A WROKO FOE WI BAKA A MEMREFESA
3 Ooktoe wi moe poti prakseri moro fara na den sma di ben kon na a Memrefesa. A nomroe foe sma di ben de a tapoe na Memrefesa na ini Sranan de moro leki dri tron someni leki na nomroe foe prékiman, èn na ini na heri grontapoe na nomroe fisitiman de srefi moro leki toe tron a nomroe foe prékiman. Fa disi de wan boen fundamenti foe moro discipel! Na presi foe wi gi pasi dati den activiteit di ben abi foe doe nanga a Memrefesa kon flaw, dan wi moe tan jepi den sma di ben de a tapoe na Memrefesa foe go moro a fesi na jejefasi. Ala den sma di joe ben gi wan kari persoonlek e kisi bijbelstudie? alamala? Efoe wan sma ini a ten di ben psa ben kisi studie foe wi, dan a no ben sa de now a joisti momenti foe taki a punt foe disi nanga en tapoe wan fri fasi nanga jepi foe na bijbel, sodati a pasi e kon fri baka foe bigin wan bijbelstudie nanga en, di kan tjari froktoe kon? San joe kan doe foe jepi den sma disi, now di ten de ete?
MEKI WAN BOEN GEBROIKI FOE A TEN
4 Wan jeje foe faja ben bewegi na ini april foeroe sma foe dini leki jepipionier. Joe ben meki plan foe tranga na ini a moen mei disi na groepoe foe pionier? Son sma di e doe disi man kande foe tan doe dienst leki jepipionier te na a congres ofoe srefi go na ini na gewone pionierdienst.
5 Ete wan kontren foe doe moro ini na kownoekondrewroko de na prékiwroko na den neti joeroe. Na ini den froekoe neti joeroe a gersi dati den ososma e teki bro èn e firi foe arki moro. Sondro degedege dan someni prékiman sa wani meki gebroiki foe den boen ten disi foe miti sma di te den taki en normaal den no ben miti a fesi na a dé dati na oso.
„NO DOE JOE WROKO SLOW”
6 Disi no de wan ten foe doe wi wroko slow, ma foe de joisti „faja na ini jeje”. Meki wi alamala sori taki wi de faja wrokoman di wani doe sani nanga wi heri ati (Heb. 6:11, 12). Te wi e meki plan now foe di wi wegi en go-kon, dan na ini jejefasi a kan tron wan ten di warti foe memre. Foe di wi de „faja na ini jeje”, dan disi sa tjari positief bakapisi kon na inisé èn dorosé foe na gemeente.