Meki na kownoekondre foe Gado bekenti na alasé
1 „Nowan sma di poti anoe na a ploegoe èn e loekoe na den sani di de na en baka de boen gi na kownoekondre foe Gado”. Na a piki disi Jezus ben gi na wan sma di ben wani kon fri foe waka na en baka (Lukas 9:59-62). Ma fa Jehovah pipel ben opo doe sani ini a ten disi tapoe na kari foe Jezus?
2 Na dienstjari 1986 ben bigin nanga wan njoen hé punt ini na nomroe foe gewone pionier. Foe sensi a ten dati joe ben abi wan njoen hé marki sodati a totaal nomroe now de moro leki 50! Wi ben prisiri ooktoe foe si na moi fasi fa sma ben teki na jepi-pionierdienst na ini na mofo-jari. Gemeente prékiman ben wroko na ini april gemiddeld moro leki 16 joeroe! A totaal nomroe foe prékiman ini Sranankondre ben doro ini april wan njoen hémarki foe 1236. Ooktoe a ben de wan moi sani foe si dati na Memrefesa tapoe 24 maart soso kaba ini Sranankondre ben abi 3.888 sma a tapoe. A gro disi ben meki a de fanowdoe dati ini a dienstjari disi njoen gemeente èn groepoe ben moe opo.
POTI PERSOONLEK MARKI FOE A TEN DI E KON
3 A wroko foe oenoe di de na ini a préki foe a Kownoekondre èn a meki foe discipel e hari go na a kaba foe en. Djonsro a sa kon klari „èn dan a kaba sa kon” (Matt. 24:14). Wi sa de a mindri den sma di e kisi satisfaksi foe a sabi, dati wi ben doe ala moeiti na ini Jehovah dienst? (Teki gersi nanga 2 Petrus 3:11, 14.) Te wi poti persoonlek marki ini na dienst, dan disi sa jepi wi foe abi wan prati dorodoro na ini na meki bekenti foe na boen njoensoe foe na Kownoekondre na ala sé. San wi kan doe persoonlek foe meki wi srakti-ofrandi foe prijse gi Jehovah gro èn kon moro boen? — Hebresma 13:15.
4 Gi son sma dati ben sa wani taki foe go na a fosi sonde foe ibri moen getrow na a velddienst. Efoe wi doro a marki disi kaba dan wi e kon si kande dati wi kan meki wi fri ooktoe tapoe tra ten foe a moen foe go geregeld ini na velddienst. Efoe te nanga na dé foe tide soso wan toe joeroe wi ben psa ibri moen na ini na velddienst, dan kande wi ben sa kan poti gi wisrefi wan marki foe gi moro ten ini na veld èn tin ofoe moro joeroe ini na velddienst? Gi trawan na mindri wi a kan de redelek foe teki na pionierdienst ofoe na gewone pionierdienst na den tapoe.
5 Na ini oktober wi sa presteri na boekoe Libi — Fa a doe kon? nanga Evolutie ofoe foe di Gado meki sani? Foedi wi ben gebroiki na boekoe disi, dan Jehovah nen nanga en prakseri ben kon a fesi, soleki e kon na krin na ini na ondrofeni di e kon now. Ini wan foe den zuidsé district foe den Verenigde Staten foe Amerkankondre wan prékiman ben teki fesi foe fisiti sébi skoro foe kisi moro hé leri èn a tjari kon na den ferstan na waarde foe na Gado meki sani-boekoe. Tapoe ibriwan foe den skoro dati studenti èn den méstri ben sa moesoe sabi dati a boekoe disi de. Sébi skoro ben poti a boekoe foe sma kan si. Ala sébi ben poti a boekoe a tapoe a lijst ini a bibliotheek foe den. Joe sa abi wan prati na ini oktober foe prati na Gado mekisani-boekoe moro fara? Na boekoe disi nanga moi kloroe e wiki esesi na belangstelling èn a prati foe en de makriki nanga a tractaat Kownoekondrenjoensoe nr. 33.
6 Poti marki gi joesrefi èn gi joe osofamiri. Teki na faste bosroiti foe abi a moen disi wan prati dorodoro na a pristeri foe na Gado mekisani-boekoe. Meki wi alamala tan doe wroko positief tapoe na kari foe Jezus: „De mi bakaman.” Meki wi alamala poti wi ai leti na fesi, foe di wi ’poti wi anoe na a ploegoe’ èn go doro ’meki a boen njoensoe foe Gado bekenti na alasé’.