Sreka yusrefi now tapu moro bigi activiteit ini a ten di e kon
1 INI na koti-ten dan den wan di de ini a tori, abi en moro druk leki fa den ben gwenti. Ini wan ten fu nowtu libisma e span den srefi na wan krakti fasi èn de moro fayafaya e wroko leki fa den gwenti. Wi e libi ini wan koti ten èn wan ten fu nowtu. Furu de fu du. Yu sreka fu du ala sani di den e aksi fu yu? — Matt. 9:37, 38; 13:39; Luk. 13:24; 1 Tim. 4:10.
NA AVONDMAAL
2 Na ten lontu Na Avondmaal de na moro prenspari ten fu na yari gi Yehovah pipel. Na yari disi na Memrefesa sa hori tapu dride-wroko 22 maart. Yu e seti den fanowdu regeling, sodati noti sa tapu yu nanga yu osofamiri fu de drape? Ga a de nanga den sma na den sma na ini yu gebied di abi belangstelling, unu bijbelstudi nanga sma nanga suma unu ben studeri fosi? — Luk. 22:19; Openb. 22:17.
3 Fu taki en leki fa a gwenti de, dan den owruman e seti regeling bifo a Avondmaal gi wan finifini krin fu na Kownukondrezaal, sodati ala sani sa de klari. Sani seti gi na Avondmaaltakiman, den symbool èn den sma di sa prati den, so ooktu gi ekstra sidon preisi èn nofo zaalwaktiman fu na spesrutu okasi disi?
WAN MORO BIGI PRATI NA A VELDDIENST
4 Na pis-ten lontu na Avondmaal e memre wi na Yesus ofrandi fu na bun fu wi. A de gi wi sobun wan bisondru ten di fiti fu luku fa wi kan hei wi activiteit ini na velddienst. Disi de wan fu den fasi fu sori warderi gi na no-ferdini bunfasi fu Yehovah na anu fu en Manpikin.
5 Yu kan dini leki yepi-pionier na ini maart ofu april, ofu ini ala tu mun? Den mun disi, èn so ooktu na mun mei, sa abi leki marki wan bigi veldtocht fu ala sma makandra fu meki na krakti boskopu fu na Openbaring kon bekenti Ini april wi fosi veldtocht nanga na Openbaring-buku sa bigin èn ala Kownukondrepreikiman sa wani gi den srefi fu na activiteit disi. A weer di sa de moro bun sa de wan yepi gi disi. April abi feifi weekend. Fa disi de wan bigi okasi fu meki den feifi satra di e kon baka makandra de tijdschriften-dei. Èn fu pristeri na krakti Wachttoren-uitgave di e taki fu Babylon na Bigiwan! Fu den uitgave disi Na Wachttoren fu 15 april sa abi na volledig tekst fu na krakti lezing di ben go fu „Na takru barinen huru-uma” èn fu na resolutie di ben naki sma ati èn di ben kon bakadati na a ten fu wi „geregtigheid fu Gado”-kongres. Nanga sortu wroko di e gi tranga wi ben sa kan de bezig den feifi weekend dati, efu a kan leki yepi-pionier, dan fu panya na dinamis boskopu disi someni leki wi kan! Èn leki wan pisi di kon na a boskopu disi di e gi krakti na Ontwaakt! fu 8 april sa tyari artikel kon na fesi fu na holocaust fu na Nazi-pis-ten, di sa meki den ai fu libisma opo.
6 Fu abi wan moro bigi prati na a velddienst dan a de fanowdu fu span wisrefi ekstra. Srefi efu yu no kan pionier, a ben sa fiti fu poti gi yu srefi wan persoonlek yuru marki gi den mun maart, april nanga mei. Yu ben sa kan regel en so dati yu kisi, moro ten gi na velddienst fudi yu e drifi persoonlek afersi nanga ontspanning go na baka? Meki muiti fu dati. Aksi Yehovah fu tranga yu èn fu blesi yu. Den wan di abi skotu na skinfasi kande e si dati nanga yepi fu trawan den kan abi ooktu wan ekstra prati na a veldtocht disi.
7 Gi wi alamala den mun maart, april nanga mei musu de wan tumsi druk ten ini Yehovah dienst. Den owruman sa de fayafaya fu orga ala sani bun. Den mu bepaal na fanowdu fu lektuur èn langaten a fesi bestreri mu du. De seker dati ekstra tijdschrift de fu kisi, spesrutu Na Wachttoren fu 15 april. Seti regeling gi gebied meki plan fu wroko en finifini. Sorgu gi velddienstregeling di fiti makandra na gi fu kotoigi na den neti yuru. Meki wi, aladi wi e begi fayafaya fu Yehovah en blesi, meki wan frustan gebroiki fu wi ten, fu na prijse fu en.