Pristeri na bun nyunsu — Nanga yepi fu beybristudie
1 Na dienstyari di psa dan na ini Sranan gemiddeld furu beybristudie ben lèy. Kande so wan di fu dri pisi fu pikinso moro 1500 preykiman ben abi tapu wan ofu tra fasi wan prati na a prisiri wroko disi. Ma dati wani taki tu taki tu fu di fu dri pisi no teki prati na a wroko disi. Fa moro fu wi kan nyanbun fu na aparti satisfaksi disi di a gi leri fu na waarheid na wan tra sma e gi?
2 Fu di wi lobi Gado nanga wi naaste, meki wi wani prati na waarheid nanga trawan. Ma na ini wi diniwroko wi abi Yehovah yepi fanowdu (1 Kor. 3:6, 7). Fu dati-ede a no ben sa bun fu go na Yehovah na ini begi èn aksi en efu a wani yepi wi fu opo wan oso-beybristudie? (1 Yoh. 5:14, 15) Baka dati wi musu handri ini akruderi nanga san wi aksi èn akruderi den omstandigheid fu wi wi musu teki prati so furu leki wi kan na a velddienst èn pristeri wan oso beybristudie ibri yuru te na okasi de fu du dati.
FURU OKASI
3 Den yari di psa wi libi hondrohondro dusun buku nanga brochure a baka na sma ini na gebied. Na ini den oso fu dusundusun sma di no de Kotoygi fu Yehovah, buku de so leki a Têgo libi-buku, Na tru vrede-buku nanga na Waarheid-buku. Disi e gi na okasi psa marki fu opo nyun beybri studie.
4 Efu wan ososma e fruteri wi taki a sabi ala sani fu na wroko fu wi ofu taki a abi wi buku kba, dan wi musu meki a sabi o prisiri wi de fu dati-ede. (Luku na Taki-go-taki-kon-buku, blz. 20.) Efu a abi wan publikâsi, dan na wan switifasi wi kan gi ray taki a teki en èn taki wi sori en wantu tumusi moy penti na ini, di kan tyari wini kon gi en nanga en osofamiri. Efu a e du positief na tapu dati, dan wi kan pristeri wan osobeybristudie.
5 Wan tra fasi na fu yu srefi teki a fosi stap fu aksi na ososma efu a abi den buku fu wi. Disi kan abi spesrutu bun bakapisi ini gebied pe furu buku prati. Baka wan bigin wortu di e sori switifasi, wi kan taki taki fu di furutron wi e fisiti sma meki furu birti sma abi den buku fu wi. Wi e si nanga ala prisiri taki sma e feni wini fu den bodoy di tyari kon na doro. Baka dati wi kan aksi na ososma efu a abi kande buku fu wi. Efu a de so, dan na wan switifasi wi kan aksi en efu wi kan si den èn dan wi kan pristeri en fu sori en fa fu studeri den. Wan syatu demonstrâsi kande kan abi wan beybristudie leki bakapisi. Efu a no abi den buku fu wi, wi kan du na pristeri di wi e kobroyki now ofu aksi en langalanga efu en osofamiri ben sa wani wan beybristudie sondro fu pay.
KOBROYKI NA KONI FU SI FA FU DU
6 Fu di sma abi en druk, meki a de wan frustan sani fu sori switifasi èn no tan moro langa leki san switi gi na ososma. Yu ben sa kan hori den fosi tu studie so wan 15 miniti. Efu na ososma sabi taki a no sa teki furu ten fu en, dan kande a sa agri taki wi e fisiti en doronomo. Efu na studie e go moy kba èn na belangstelling fu na ososma gro, dan a studie ben sa kan hori pikinso moro langa. A no de fu taki taki son sma wantewante na a bigin kba sa wani studeri fu wan moro langa ten.
7 Yu abi sma di yu kan teki gersi skapu ini na gebied di abi wi yepi fanowdu èn furu fu den abi wi buku. Sondro degedege son wan fu den e soktu èn e geme fu den tegu sani di e du now na grontapu (Ezek. 9:4). Wi no abi soso na grani fu prati buku pe na ini den e taki fu na Kownukondre di sa tyari na lusu kon gi ala pina pe libisma de na ini, ma so srefi fu miti opregti sma nanga waarheid nanga yepi fu beybristudie. — Mat. 28:19, 20.