Pristeri na boen njoensoe — Nanga Na Moro Bigi Man di oiti ben libi
1 Omeni jari langa kaba, dan na ini pikinso moro ala boekoe foe wi den ben taki na a wan noso tra fasi foe a libi nanga diniwroko foe Jesus Krestes. Dati ben fiti, foe di „ini no wan tra sma moro jepi [de], bikasi ondro hemel no wan tra nen ben gi na mindri libisma, di nanga jepi foe en wi kan kisi froeloesoe” (Tori. 4:12) A boekoe disi de aparti foe di na foe a fosi tron taki wan boekoe foe wi ben go soso foe a libi foe Jesus.
2 Pristeri en na tra sma: San na wan toe moi edepenti na ini a boekoe disi pe wi kan poti prakseri a tapoe? Ini kapitel 5 den e poti wan aksi di fiti gi a ten disi foe a jari. „Jesus geboorte — Pe èn oten?” Joe kan wiki na belangstelling foe wan jongoewan nanga a span tori ini kapitel 44, „Bedari wan hebi tranga winti.” Wan sma di siki noso swaki na skinfasi, seiker sa feni trowstoe ini kapitel 57, „Abi sari-ati nanga den mofinawan”. Kapitel 90, „Na opo baka howpoe”, sa meki ibriwan sma di oiti ben sari foe a dede foe wan lobiwan firi boen. Wan takimakandra foe na broeja grontapoe situwâsi kan tjari wi go na kapitel 111: „A marki foe den lasti dei.”
3 Kande joe kan taki disi na a doro: „San Gado e froewakti foe wi leki kresten? A bijbel e gi wi a deki-ati foe waka na baka na eksempel foe a moro bigi man na grontapoe, Jesus Krestes. [Leisi 1 Petrus 2:21.] A ben leri den bakaman foe en foe lobi den birti, tan krin na skin fasi, èn begi foe a kon foe Gado Kownoekondre. Wi jepi e anga foe na erken èn gi jesi na Jesus leki wi Jepiman. [Leisi Johannes 14:6.] Jesus no ben de wan gewoon man. Na boekoe disi e skrifi foe en leki a moro bigi man di oiti ben libi. Na ini kapitel 56 pe den sori taki disi de troe, den e meki wi kon sabi en leki ’na Krestes, na Manpikin foe a libi Gado.’ Foe di wi e anga foe en foe kisi froeloesoe, dan joe no e feni taki wan fanowdoe de gi wi foe leri someni leki a kan foe a wroko foe en èn foe san a gi sma leri? A boekoe disi ben sreka spesroetoe nanga a prakseri dati, èn mi sa feni en wan prisiri sani foe meki joe feni wan foe den boekoe disi foe wan bijdrage foe Sƒ 7,50 nomo.”
4 So leki fa a sori, joe sa feni foeroe opregti sma di sa teki a boekoe disi èn leisi en. Sorgoe taki joe e loekoe baka ala den adres pe joe libi boekoe. Ini son kefal joe kan teki a bosroiti foe bigin wan bijbelstudie nanga jepi foe a njoen boekoe disi. A sa boen spesroetoe gi wan osofamiri studie èn foe studie di e hori nanga jongoewan. Prati Na Moro Bigi Man di oiti ben libi nanga trawan kan jepi den foe feni a pasi go na têgo libi.