Na kownoekondrediniwrokoskoro e gi wi Theokrasia leri

Owroeman e tjari wan hebi lai foe frantiwortoe. Foe bigin na ini 1961, sani ben seti foe gi sma wan „spesroetoe skoro ini a wroko foe opziener foe jepi den foe sorgoe boen gi a hebi wroko disi (jpE blz. 292, 293; yb77 blz. 12, Bakratongo). Dinari na ini a diniwroko ben kisi kari foe go na a skoro disi foe a fositron ini 1984. Na lasti Kownoekondre Diniwroko skoro ben hori ini a dienstjari 1988, èn foeroe sma ben njanboen foe dati.

Sensi a ten dati moro gemeente ben kon opo ini wi kondre èn wan nomroe foe brada ben poti leki owroeman èn leki dinari ini a diniwroko. So srefi toe sani ben kenki na a sei foe a fasi fa sani ben orga. Foe dati-ede, na Tiri Skin ben sreka sani foe meki ala owroeman nanga dinari ini a diniwroko go na tapoe a Kownoekondre Diniwroko skoro ini a dienst jari disi. A njoen leri programa disi ben seti foe kan jepi nanga den fanowdoe di de now ini a veld. Bethel vertegenwoordiger nanga opziener di e rèis sa teki fesi ini a gi leri na a skoro disi. Boen bakapisi sa de gi ala gemeente te den owroeman nanga den dinari ini a diniwroko sa gebroiki san den leri foe a skoro.