Pionierwroko — Wan diniwroko di e pai pasa marki
1 Jehovah wani meki wi prisiri èn si a boen foe ala oen tranga wroko (Pred. 5:18). A moro prenspari wroko di wi kan doe na a Kownoekondre-preiki nanga a meki disipel aktiviteit. Paulus ben gi Timoteus na deki-ati: „Doe a wroko foe wan evangelipreikiman, doe joe diniwroko dorodoro” (2 Tim. 4:5). A ben gi Timoteus deki-ati, èn Paulus wortoe e gi wi alamala now deki-ati foe de nanga wi heri ati ini wi diniwroko. Gi sonwan, dienst nanga joe heri ati kan abi na ini taki den e dini leki wan gewoon pionier. Foe san ede joe no e go loekoe joe situwâsi na ondro begi foe si efoe disi sa gi joe pasi foe teki na foeroe ten dienst na joe tapoe?
2 Positief handri de fanowdoe: Foe teki na pionierwroko na joe tapoe a e aksi taki wi moesoe teki stap ini akroederi nanga wi begi. Bow wan opregti angri gi na dienst foe Jehovah, makandra nanga lobi gi sma. Wroko moro tranga ini a veld, wroko foe kisi gobaka nanga bijbelstudie. Wroko na a meki foe wan praktis schema; si sani leki fa den de. Proeberi den boen rai foe owroeman nanga pionier. Hori fasti na wan gwenti foe san joe prakseri boen, foe teki prati na a diniwroko. Poti skotoe gi joesrefi, teki fesi ini a doe foe sani, nanga a teki foe bosroiti di de fanowdoe (1 Kor. 9:23, 25, 27). Ala disi na den positief stap di moro leki 100 sma, na ini wi kondre, di ben gi densrefi foe pionier den moen di pasa.
3 Efoe wi poti fasti marki gi wisrefi èn wroko tranga na den, dan dati sa jepi wi foe go na fesi safrisafri ini wi preikiwroko ala di wi sa meki wi bekwaamfasi kon moro boen. Wi kan meki wi inleiding na den doro noso a fasi fa wi e handri genstaki kon moro boen? Wi e meki dorodoro gebroiki foe ala den boekoe di wi e kisi? Wi e lèi wan bijbelstudie di safrisafri e go a fesi? Wi kan bigin now nanga a jepi pionierdienst nanga na ini prakseri foe go bakaten ini a gewoon pionierdienst? Den marki moesoe de praktis èn den moesoe de ini akroederi nanga san wi man foe doe. Te wi doro den marki disi, dan dati sa meki a boen bakapisi foe wi wroko kon moro boen èn a sa gi wi foeroe satisfaksi. — 1 Tim. 4:15, 16.
4 Wan fasi foe libi di e pai: Pionier nanga wan joisti boeweigi foe ati èn nanga a bosroiti foe meki jeje go na fesi e tjari foeroe wini. Wi e kweki wan moro tranga froetrow ini Jehovah. Wi sa kisi moro bigi bekwaamfasi ini a gebroiki foe a wortoe foe Gado efoe doronomo wi e meki gebroiki foe en ini a diniwroko. A sa abi wan gosontoe krakti tapoe na gemeente, èn wi eksempel foe faja kan gi trawan deki ati foe abi wan moro bigi prati ini a diniwroko. Pionier kan meki wi kisi wan moro betre jeje loekoe na tapoe a libi èn sa de leki wan kibri gi wi kontrari den grontapoe ambisi, lostoe nanga kompe.
5 Jesus ben taigi en bakaman: „Na koti bigi, ma den wrokoman de pikinso. Begi foe dati ede a meester foe a koti tangitangi, foe a seni wrokoman foe go koti” (Mat. 9:37, 38). A fanowdoe foe wrokoman bigi now moro leki a ben de ini den dei foe Jesus. A pionierwroko e gi wi na okasi foe abi wan dorodoro prati ini a prenspari, kibri-libi wroko disi. Noti no de di kan gersi na tevrede fasi nanga na satisfaksi di e kon foe di wi e gebroiki wi libi ini a foeroe ten dienst foe wi Gran Mekiman. — Odo 10:22.