Go baka nanga a marki foe opo wan bijbelstudie
1 Baka te wi feni wan sma di abi belangstelling, dan foe wi sei wi moesoe wroko finifini foe hori a belangstelling disi na libi. A tjari foe gobaka kan abi wantewante leki bakapisi taki wi man hori wan bijbel takimakandra di e kibri sma libi èn bigin wan bijbelsudie. Prakseri pikinso foe den rai, di e kon now, foe a tjari foe gobaka nanga boen bakapisi.
Na a kaba foe a fosi takimakandra joe ben sa kan seti a fondamenti gi wan gobaka foe di joe e aksi:
◼ „Joe ben aksi joesrefi wan ten foe san ede someni relisi de?” Na a tra fisiti foe joe, joe ben sa kan taki: „A tra leisi di mi ben djaso a aksi ben opo kon, foe san ede someni relisi de. Wan toe reide de foe doe disi. Nanga prisiri mi ben sa wani leisi wan moi sani gi joe di mi ben miti di mi ben e soekoe wan sani di abi foe doe nanga na aksi disi.” Opo bladzijde 359 foe a Taki-go-taki-kon-boekoe èn leisi a pisi ondro a ede „Foe san ede someni relisi de?”
2 Sma kan feni Gado ini ala relisi? Efoe Gado moesoe de nanga wan relisi, dan disi moesoe gi den joisti froktoe.
Leki inleiding na wan gobaka joe ben sa kan aksi:
◼ „Sortoe krakti relisi ben sa moesoe abi tapoe a fasi fa wan sma e tjari ensrefi? Den wortoe foe Jesus Krestes ini Mateus 7:17-20 e gi wi den lin na san a troe relisi moesoe hori ensrefi.” Leisi a pisi foe bijbel langalanga komoto foe a lasti pisi foe paragraaf 19 na bladzijde 12 nanga 13 foe a boekoe A soekoe di libisma e soekoe Gado. Aksi na ososma dan san a e si tapoe a prenki na bladzijde 13. „Ala di miljoenmiljoen sma e boeweri taki den e bribi ini Gado, tokoe foeroe foe den e drai baka gi en nanga den wroko foe den. Leisi moro fara den toe fosi lin foe paragraaf 20. „Den sortoe tranga ogridoe disi meki sma sabi den relisi di no e waka baka Krestes leri foe lobi makandra — srefi den feanti foe wi. Na a tra fisiti foe mi di e kon, wi kan go taki makandra kande foe den sani nanga san wan relisi moesoe de bezig, efoe a wani meki boen froktoe.”
3 San a tamara sa tjari kon gi den sma di e soekoe a troe Gado? Wan wantewante takimakandra foe a aksi disi nanga jepi foe a boekoe A soekoe di libisma e soekoe Gado kan abi wan bijbelstudie leki bakapisi.
Foe bigin wan takimakandra, joe ben sa kan taki:
◼ „Soleki fa den ekonomia situwâsi de noja, dan foeroe sma e aksi densrefi efoe den kan abi wan positief loekoe tapoe a ten di e kon. Mi si taki a bijbel e gi deki-ati srefisrefi te den e taki na ini foe a ten di e kon. Kande mi mag sori joe a pramisi foe Gado ini Jesaja 65:21, 22, 25. [Leisi den tekst èn gi sjatoe komentaar.] Ini a boekoe A soekoe di libisma e soekoe Gado den e gi piki foe bigin foe paragraaf 17 na bladzijde 372, tapoe wan toe moi aksi foe a tori disi.” Demo moro fara, foe di joe e meki gebroiki foe paragraaf 17-20, a bijbelstudie seti. „A wiki di e kon mi ben sa wani taki nanga prisiri foe na aksi: ’„San de a fondamenti foe a njoen grontapoe di den e pramisi ini bijbel?”
4 Meki gebroiki na wan froestan fasi foe a ten di tan abra ete gi wi foe abi wan prati na a gi foe dorodoro kotoigi, di e gi now na ini ala nâsi na grontapoe. (Teki gersi Tori foe den Apostel 20:21.) A tjari foe gobaka nanga a marki foe opo wan bijbelstudie, ben sa kan wani taki têgo libi gi den sma di wi e preiki gi den.