Diniwroko-konmakandra foe december

Wiki di e bigin 2 december

Singi 134

10 min: Wan toe sani foe a gemeente. Wan toe sani di teki poeroe foe Wi Kownoekondre Dienst.

15 min: „Soema sa arki a boskopoe foe wi?” Aksi-nanga-piki takimakandra. Kari so srefi penti foe na Ontwaakt! foe 22 maart 1987, bladzijde 5, di e taki foe san ede a boskopoe foe wi e hari a belangstelling foe sma.

20 min: „A Wortoe foe Gado e gi wi tiri” (Paragraaf 1-6). Gebroiki paragraaf 1 nanga 2 leki inleiding. (Taki so srefi foe Redeneren-boekoe [Taki-go-taki-kon-boekoe], bladzijde 68-70, ala di joe e taki sjatoe foe fo „Redenen om de bijbel te onderzoeken”) (Reide foe san ede wi moesoe ondrosoekoe bijbel). Meki bekwaam preikiman demo den pristeri di gi leki rai na ini paragraaf 3-6. Aksi den arkiman foe gi komentaar tapoe (1) fa den aksi di den ben poti ben jepi foe wiki belangstelling, (2) fa den tekst di ben gebroiki, e fiti a tori di den e taki, (3) fa a gobaka ben tjari na baka a fosi takimakandra, soleki fa a gwenti de, èn (4) fa den ben pristeri wan studie.

Singi 75 nanga lasti begi.

Wiki di e bigin 9 december

Singi 100

10 min: Wan toe sani foe a gemeente. Verslag foe moni afersi.

15 min: Jepi den owroewan foe teki prati na a diniwroko. Foeroe getrow owroe preikiman abi wan tranga angri foe teki prati foe preiki nanga a gemeente, ma den abi sani na skinfasi di e skotoe den, sani di abi foe doe nanga a jari foe den èn a gosontoe foe den. Fasi de fa wi kan hori den na prakseri, soleki foe teki den ini a groepoe di e preiki: Aksi den efoe joe kan sorgoe gi transport; sreka sani gi den so taki den kan fisiti oso pe moro pikinso trapoe de foe kren; parkeer a wagi krosibei foe a kontren pe oenoe e wroko, so taki den kan rostoe na ini a wagi te den weri; aksi den foe tjari den go na den gobaka foe den; taigi den taki joe sa tjari den go na oso te den e firi taki den no man go moro fara. Den owroewan de tangi gi a jepi di wi e gi den. Kari tra fasi fa joe kan hori den na prakseri na ini a gemeente. Taki foe den moro prenspari penti na ini na artikel „Wij waarderen de ouderen” (Wi e warderi den owroewan) na ini De Wachttoren foe 1 februari 1986, bladzijde 28, 29.

20 min: „A Wortoe foe Gado e gi wi tiri” (Paragraaf 7-9). Taki foe „Wan fanowdoe foe kisi tiri” na ini A Waktitoren foe 1 mei 1993, bladzijde 3. Taki foe san ede den pristeri foe wi moesoe poti krakti na tapoe a prensparifasi foe soekoe jepi na wan moro hei fonten — Gado. Meki wan preikiman demo den pristeri na ini paragraaf 7, 8. Poti krakti na tapoe taki a marki foe wi moesoe de toe foe kaba, foe bigin wan bijbelstudie na ini a Sabi-boekoe.

Singi 197 nanga lasti begi.

Wiki di e bigin 16 december

Singi 209

10 min: Wan toe sani foe a gemeente. Gi wan toe idea fa wi kan piki na wan konifasi na tapoe odi di sma e gi wi na tapoe fesadei. Taki foe den spesroetoe sani di seti gi velddienst tapoe 25  december.

15 min: „De klariklari foe gi wisrefi”. Aksi-nanga-piki takimakandra. Taki so srefi foe De Wachttoren foe 1 augustus 1984, bladzijde 23.

20 min: „Prisiri nanga a gro di Gado e gi”. Wan faja lezing foe wan owroeman. Kari ondrofenitori noso boeweisi foe a gro di de ini den kondre di kari, soleki fa a de ini den jariboekoe foe no so langa pasa.

Singi 41 nanga lasti begi.

Wiki di e bigin 23 december

Singi 93

10 min: Wan toe sani foe a gemeente. Sori wan toe penti ini den njoen tijdschrift di wi kan taki foe den na ini a diniwroko a wiki disi. Taki foe den spesroetoe sani di seti gi velddienst tapoe 1  januari.

15 min: Sani di a gemeente abi fanowdoe. Noso wan owroeman e gi wan lezing foe „Pensionering — Een open deur naar theocratische activiteit?” (Pensioen — Wan doro di opo gi theokrasia wroko?) na ini De Wachttoren foe 15 juli 1996, bladzijde 24, 25. — Loekoe Insight, Volume 2, bladzijde 794, paragraaf 2, 3.

20 min: „Gi joe nen na a theokrasia diniwroko-skoro”. Lezing di a skoro-opziener sa hori. Gi a nomroe foe sma foe a gemeente di de tapoe a skoro, èn gi ala sma di man, a deki-ati foe gi den nen. Loekoe den bodoi gi den toewijzing foe den studenti, di gi na ini a „Schema gi a theokrasia diniwroko-skoro foe 1997”.

Singi 166 nanga lasti begi.

Wiki di e bigin 30 december

Singi 223

10 min: Wan toe sani foe a gemeente. Efoe joe gemeente moesoe kenki den ten foe den konmakandra gi a njoen jari, dan gi deki-ati na wan switi fasi foe meki ala sma tan fisiti den konmakandra doronomo nanga a gemeente na tapoe a njoen ten.

20 min: „Jepi na a reti ten”. Poti prakseri na tapoe na artikel èn sori wan toe warti edepenti foe ibriwan foe den njoen poeblikâsi.

15 min: Loekoe a pristeri gi januari. Pristeri ibri boekoe di abi 192 bladzijde èn di kon na doro bifo 1984. Efoe a gemeente no abi nowan foe den moro, gebroiki Overleving en daarna een nieuwe aarde (Pasa libilibi go na ini wan njoen grontapoe). Sori sortoe boekoe a gemeente abi. Gebroiki toe noso dri boekoe di ben sa boen foe gebroiki na ini joe kontren. Gebroiki a brochure Fa foe bigin èn go doro nanga bijbel takimakandra, bladzijde 2-7, èn loekoe den inleiding sjatoe di fiti gi ibri boekoe. Demo wán noso toe pristeri.

Singi 137 nanga lasti begi.