„Jepi na a reti ten”
1 O switi a de te wi e kisi jepi leti na a ten te wi abi en fanowdoe! (Hebr. 4:16) Na a „Boskopoeman foe a vrede foe Gado”-distriktkongres, wi ben prisiri di wi ben kisi toe spesroetoe jepisani leti na a reti ten.
2 A njoen boekoe, A sroto gi wan kolokoe osofamiri, ben kon na wan joisti ten. A e poti prakseri na tapoe fo prenspari sani di e jepi foe meki wan kolokoe osofamiri libi: (1) A dwengi di wan sma man dwengi ensrefi, (2) na erken di wan sma e erken na edeman-wroko, (3) boen komunikasi, nanga (4) lobi. A froemane di gi na ini a Kolokoe osofamiri-boekoe sa jepi ala osofamiri di e gebroiki en, foe feni a vrede foe Gado. Poti ten na wan sei foe leisi a njoen boekoe finifini èn foe studeri en makandra nanga na osofamiri. Leri sabi heri boen a fasi fa a skrifi, so taki joe sa man foe gebroiki en boen te joe sa pristeri en gi a fosi leisi gi sma, na ini maart.
3 A njoen brochure, San Gado e aksi foe wi?, kon na a reti ten foe meki disipel, moro esi. Ala di wi kan gebroiki en spesroetoe foe jepi sma di no man leisi boen, tokoe foeroe bigisma nanga jongoe pikin di sabi leisi nanga skrifi sa abi wini toe foe a makriki fasi fa a e froeklari fondamenti bijbel leri. A kan de joisti a sani di de fanowdoe foe bigin wan studie leki wan jepi foe go na a Sabi-boekoe. A jepisani disi seiker sa jepi moro sma foe froestan fa den kan kisi foeroe blesi te den e doe san Gado e aksi foe den.
4 David ben taki den firi foe wi na wan heri boenfasi di a ben froeklari taki ’a no ben mankeri noti’, en sili ben kisi kowroe-ati, èn en beker ben foeroe pasa marki’! (Ps. 23:1, 3, 5) Nanga prisiri wi e angri foe gi a kefalek moi jepi disi na jejefasi, na foeroe tra sma di abi na opregti angri foe sabi èn foe dini a troe Gado, Jehovah.