Diniwroko-konmakandra foe september

Wiki di e bigin 7 september

Singi 51

10 min: Wan toe sani foe a gemeente. Wan toe sani di teki poeroe foe Wi Kownoekondre Dienst. Taki foe a boksoe „Wan rai”.

15 min: „Wi kan doe moro bigi wroko”. Aksi nanga piki. Gi ala sma deki-ati foe poti marki di den man doro gi a njoen dienstjari èn foe wroko tranga foe doro den. — Loekoe a Bediening-boekoe, bladzijde 118-120.

20 min: „Pionier e jepi trawan”. Wan owroeman e froeklari dati boiti a leri di e gi na a theokrasia diniwroko-skoro, sani ben seti taki pionier o gi trawan persoonlek jepi na ini a diniwroko. A e poti aksi di gron tapoe na artikel èn e aksi a poebliki foe gi komentaar, spesroetoe den pionier nanga preikiman di abi foe doe nanga a programa. Loekoe fa foe kisi a moro boen wini foe en. Den pionier kan froeteri fa den ben njan boen foe a prati di den ben abi na ini a jepi foe trawan èn fa den ben kisi wini foe dati. Preikiman di kisi jepi kan froeteri fa den e warderi a lobi-ati seti disi èn den kan kari penti di jepi den foe kisi moro boen bakapisi nanga prisiri na ini a diniwroko.

Singi 76 nanga lasti begi.

Wiki di e bigin 14 september

Singi 69

10 min: Wan toe sani foe a gemeente. Raport foe moni afersi.

15 min: San Gado e aksi foe wi? Wan lezing. Tra wiki wi e bigin studeri a brochure disi na a boekoestudie. Gi ala sma deki-ati foe sreka densrefi na fesi èn foe fisiti ala den konmakandra so taki den kan kon sabi a brochure èn leri fa foe studeri en nanga tra sma. Leisi a paragraaf na ondro „Fa foe gebroiki a brochure disi”. Gebroiki a materiaal na ini A Waktitoren foe 15 januari 1997, bladzijde 16, 17, foe poti krakti na tapoe taki a prenspari foe gi leri nanga aksi, bijbeltekst nanga prenki na ini a brochure. Den boekoestudieleider moesoe gi wan boen eksempre na den wan di e hori oso-bijbelstudie, foe di den no e taki toemoesi foeroe èn den no e tjari toemoesi pikinpikin tori kon na ini a studie. — Loekoe Wi Kownoekondre Dienst foe juni 1996, bladzijde 3, paragraaf 5.

20 min: Fa a waka a jari di pasa nanga wi? A sekretarsi nanga a dienstopziener e loekoe a dienstbericht foe a gemeente nanga den nomroe foe fisitiman foe den konmakandra foe a jari di pasa. Den e tjari positief penti foe a raport kon na fesi èn e sori tapoe kontren pe sani kan kon moro boen. Ala preikiman ben abi wan prati na a diniwroko na ini a moen augustus? Tjari kon na fesi sortoe marki den owroeman sa poti prakseri na tapoe na ini den moen di e kon, èn taki so srefi dati den sa jepi ala sma foe kon de doronomo preikiman. Taki makandra foe penti di fiti foe a lasti raport foe a kringopziener.

Singi 61 nanga lasti begi.

Wiki di e bigin 21 september

Singi 4

10 min: Wan toe sani foe a gemeente. Theokrasia njoensoe.

15 min: Sani di a gemeente abi fanowdoe.

20 min: „Kon sabi den brada foe joe”. Aksi nanga piki. Teki komentaar toe foe A Waktitoren foe 1 oktober 1988, bladzijde 1, 2. Gi ala sma deki-ati foe bigin foe kon sabi makandra moro boen.

Singi 14 nanga lasti begi.

Wiki di e bigin 28 september

Singi 50

12 min: Wan toe sani foe a gemeente. Memre den preikiman foe gi den velddienstrapport foe september. Gi ala sma deki-ati foe meki plan foe doe moro oso-foe-oso wroko na ini oktober so taki moro tijdschrift kan prati. Sori go na Wi Kownoekondre Dienst foe oktober 1996, bladzijde 8, foe kisi rai fa foe sreka den pristeri. Demo wan pristeri nanga den njoen tijdschrift. Teki tijdschrift foe wroko nanga den na a kaba foe a wiki.

20 min: „Opziener e teki fesi — A dienstopziener”. Wan lezing di a dienstopziener e hori. Baka di a taki foe den wroko foe en, a e froeklari den spesroetoe fasi fa a gemeente kan wroko makandra foe bradi a diniwroko foe den èn foe meki a kon moro boen.

13 min: San e meki wan sma tron wan boen gemeente preikiman? Lezing pe a poebliki abi wan pikin prati na ini. A no de fanowdoe foe abi kefalek boen bekwaamfasi noso koni; na presi foe dati, a de wan sani di wi e winsi srefisrefi dati wi alamala abi a fasi taki wi de klariklari foe sori lobi, sakafasi, faja nanga warderi. Aksi a poebliki foe froeteri foe san ede den sani di e kon now na sani di wi moesoe wani so te: (1) wan prisiri jejefasi, (2) fisiti konmakandra doronomo èn teki prati na den, (3) dati wan sma de klariklari foe teki èn doe den toewijzing di a kisi, (4) wroko makandra nanga owroeman èn den sani di seti gi a gemeente, (5) troetroe belangstelling foe gi jepi na trawan, èn (6) teki prati doronomo na ini a velddienst èn meki raport wantewante ibri moen.

Singi 53 nanga lasti begi.