Schema gi a Diniwroko Konmakandra

Wan Sani Fu Hori Na Prakseri: Ini Wi Kownukondre Dienst wán Diniwroko Konmakandra sa seti gi ibri wiki ini den mun yuli, augustus, nanga september. Den gemeente kan tyari kenki kon te a de fanowdu so taki den kan go na a „Duman fu a Wortu fu Gado” Distrikt Kongres. Pe a de fanowdu, gebroiki 15 miniti fu a lasti Diniwroko Konmakandra bifo wi go na a kongres, fu taki fu spesrutu rai ini na inlegvel fu a mun disi. Gi ala sma deki-ati fu teki wan tu miniti fu leisi a programa ibri dei fosi a mamanten nanga bakadina programa e bigin èn poti prakseri na den sani di den takiman ben sa tyari kon na fesi. Disi sa meki en moro makriki fu poti prakseri na a programa èn fu skrifi syatu penti di wi sa man gebroiki bun. Tu te go miti fo wiki baka a kongres, sani musu seti so taki 30 miniti fu a Diniwroko Konmakandra e gebroiki fu taki fu den heimarki fu a kongres programa. Na a konmakandra disi iniwan sma sa de klariklari fu gi wan syatu komentaar, te den dri bekwaam brada di musu hori a pisi disi sa gi den na okasi fu du so. Den komentaar disi kan sori fa wi kan gebroiki den sani di wi ben leri na a kongres na ini wi eigi libi èn so srefi na ini a diniwroko fu wi. Den arkiman kan fruteri wán noso tu spesrutu ondrofenitori di syatu. A de prenspari taki wi alamala sreka sani bun so taki a Diniwroko Konmakandra fu a wiki disi sa hari wi prakseri èn sa bow wi so srefi.

Wiki Di E Bigin 8 Mei

Singi 33

12 min: Wan tu sani fu a gemeente nanga wan tu sani di teki puru fu Wi Kownukondre Dienst. Wan owruman sa taki finifini fu a sani di skrifi na tapusei di abi fu du nanga den kenki na ini a Diniwroko Konmakandra.

18 min: „Yu E Warderi Santa Sani?” Lezing di wan owruman e hori. Poti krakti tapu o prenspari a de fu de na a distrikt kongres ala dri dei.

15 min: Wan bekwaam owruman e hori wan lezing fu na artikel: „San Wi Kan Du te Wi Lasi-ati?” Na artikel disi teki puru fu A Waktitoren fu 15 november 1999, bladzijde 28-31.

Singi 89 nanga lasti begi.

Wiki Di E Bigin 15 Mei

Singi 43

10 min: Wan tu sani fu a gemeente. Raportu fu moni afersi.

16 min: „Poti Prakseri na Santa Wortu”. Aksi nanga piki. Poti krakti tapu den reide fu san ede wi alamala musu sidon tapu wi presi te a mamanten programa nanga a bakadina programa e bigin.

10 min: „Gi Gado Glori Nanga a Bun Fasi Fa Yu E Tan Tyari Yusrefi”. Wan owruman e taki fu na artikel nanga wan osofamiri. Den e taki fu den sani di den musu du fu sani waka bun, fu sori bun maniri, fu hori sani krin, èn fu de wan tumusi bun eksempre ini a fasi fa den e tyari densrefi na publiki presi.

9 min: Wan bekwaam owruman e hori wan lezing fu na artikel „Wi Abi na Organisâsi fu Yehovah Fanowdu”. Na artikel teki puru fu A Waktitoren fu 1 yanuari 2000, bladzijde 30, 31.

Singi 80 nanga lasti begi.

Wiki Di E Bigin 22 Mei

Singi 65

12 min: Wan tu sani fu a gemeente. Taki fu na Aksi Boksu.

20 min: „Tan na Ai”. Aksi-nanga-piki takimakandra. Fruklari fu san ede a de tumusi fanowdu taki wi tan na ai na yeye fasi ala di wi no sabi a dei nanga a yuru.—Luku A Waktitoren fu 1 november, 1995, bladzijde 18.

13 min: San Na den Sani Di Yu Wani Du na ini a Fakansi? Wan osofamiri e taki fu den sani di den o du na ini a fakansi. Den e taki fu de na a distrikt kongres ala dri dei èn fu wroko leki yepi-pionier wán noso tu mun. Kande den kan go koiri, noso den kan du wan tu sani fu abi wan bun prisiri ten nanga makandra. Den alamala e agri taki den no musu libi a bun gwenti di den abi fu teki prati na theokrasia wroko.

Singi 59 nanga lasti begi.

Wiki Di E Bigin 29 Mei

Singi 56

12 min: Wan tu sani fu a gemeente. Memre ala sma fu gi den velddienst raportu fu mei. Hori wan syatu demonstrâsi fu den publikâsi di wi sa pristeri na ini yuni. Gebroiki les 13 ini a San Gado e aksi-brochure fu sori fa wi kan pristeri wan bijbelstudie.

15 min: „Feni Prisiri na ini Yu Santa Diniwroko”. Wan lezing. Taki fu den sani di e gi wi reide fu prisiri na ini a diniwroko fu wi.— Luku na Inzicht buku, Deel 2, bladzijde 1203.

18 min: A Leisi fu Bijbel Di Abi Bun Bakapisi. Wan lezing nanga wan demonstrâsi di abi en gron tapu a Handleiding-buku bladzijde 34, 35, paragraaf 6, 7. Den edepenti fu na alawiki Bijbel leisi-pisi abi den gron tapu a pisi fu a Theokrasia Diniwroko-skoro leriprograma (Wi Kownukondre Dienst fu december 1999, bladzijde 7). Meki wan osofamiri sori fa den ben kan leisi wan pisi fu a Bijbel leisi-pisi fu a wiki dati gi a skoro. Den e teki wán noso tu moi penti èn den e suku wan tu sani na ini na Index van Wachttoren-publikaties noso ini Inzicht in de Schrift. Sori fa wi kan leri moro furu fu di wi e leisi Bijbel èn fa wi kan kisi moro koni fu „gebroiki a wortu fu waarheid na wan reti fasi”.—2 Tim. 2:15.

Singi 71 nanga lasti begi.

Wiki Di E Bigin 5 Yuni

Singi 16

5 min: Wan tu sani fu a gemeente.

10 min: Sani di a gemeente abi fanowdu.

15 min: „Wan Grani Di den Moro Yonguwan Kan Kisi”. Wan lezing èn takimakandra nanga arkiman. Fruteri ondrofenitori di teki puru fu A Waktitoren fu 1 december 1996, bladzijde 12, paragraaf 15. Gi yonguwan na okasi fu fruteri fa den ben prisiri fu di den ben prati tijdschrift. Meki wán noso tu yonguwan hori wan oso-fu-oso pristeri di no muilek èn di e sori fa wi musu prati den tijdschrift. Gi mama nanga papa deki-ati fu du tijdschrift wroko makandra nanga den pikin fu den ibri wiki.

15 min: ” ’Luku Fosi fu Si Efu Den Bun Nofo’—Fa?” Wan lezing di wan owruman e hori. Taki fu a seti fu dinari ini a diniwroko na ini a gemeente di abi en gron tapu Bijbel. (Luku na Inzicht-buku, Deel 1, bladzijde 501, 502.) Sori sortu markitiki den musu doro fu kan du a wroko disi. (Luku a Bediening-buku, bladzijde 57, 58.) Sori sortu wroko dinari ini a diniwroko kan du, èn gi moro brada deki-ati fu du muiti fu kisi a grani disi.

Singi 37 nanga lasti begi.