Overzicht gi a Theokrasia Diniwroko-skoro
Overzicht nanga tapu buku, di abi en fondamenti tapu a materiaal fu a theokrasia diniwroko-skoro fu den wiki fu 1 mei te nanga 21 augustus 2000. Gebroiki wan aparti pisi papira fu skrifi den piki fu someni aksi di yu man piki na ini a ten di den gi yu pasi fu du dati.
[Wan tu sani fu hori na prakseri: Soso Bijbel wan sma mag gebroiki fu gi piki tapu ibri aksi na ini a ten fu a schriftelijk overzicht. Den bodoi di tanapu baka den aksi de fu yu ondrosuku sani yusrefi. Den bodoi di e sori na sortu Waktitoren yu musu go, no e kari ala ten den bladzijde nanga den paragraaf.]
Gi piki na tapu ibriwan fu den fruklari di e kon now efu den Bun noso Fowtu:
1. Den man fu Efraim ben krutu Gideon sondro taki den ben sabi san ben pasa trutru. A fasi fa Gideon ben piki den man ben tyari kon na krin taki a ben abi safri-atifasi nanga sakafasi. Na so fasi a no ben meki a krutu di den ben krutu en sondro taki den ben sabi san ben pasa trutru abi krakti na en tapu èn dati meki den ben tan libi ini vrede nanga makandra (Krut. 8:1-3). [Alawiki leisipisi fu Bijbel]
2. Ala di Manoa ben taki „na Gado wi si”, dan san en nanga en wefi ben si trutru na a takiman fu Gado di ben de na ini libisma skin. A no Yehovah srefi den ben si (Krut. 13:22). [Alawiki leisipisi fu Bijbel; luku wO88 15/5 blz. 23 par. 4.]
3. Na ini Krutubakra 5:31, den wortu „den sma di lobi yu” e taki na wan profeiti fasi fu den 144.000 erfgenaam fu a Kownukondre. [si blz. 50 par. 28]
4. Den no ben feni no wan pisi fu a buku Rut na mindri den Dede Se Lolo. [si blz. 51 par. 3]
5. Krutubakra 21:25 e taki fu wan pisi ten di Yehovah ben libi a nâsi Israèl sondro iniwan sma noso sani fu tiri den. [Alawiki leisipisi fu Bijbel; luku wSR95 15/6 blz. 25 par. 16.]
6. Den popki fu den kerubim na tapu na ark fu a frubontu ben prenki Yehovah en denoya leki kownu, di Bijbel ben taki fu en dati a ben „sidon na tapu [noso, „na mindri”] den kerubim” (1 Sam. 4:4, futuwortu). [Alawiki leisipisi fu Bijbel; luku wO81 1/2 blz. 29 par. 2.]
7. Den srudati fu Saul ben nyan brudu di den ben de na ini wan situwâsi di ben meki den lasi-ati èn den no ben kisi strafu gi dati. Disi ben sori taki, te wi wani tan na libi, dan wan tu sani kan de di e meki taki a no de fanowdu ala ten fu du san a wet fu Gado e taki (1 Sam. 14:24-35). [Alawiki leisipisi fu Bijbel; luku wSR94 15/4 blz. 31 par. 7-9.]
8. Ala di wan tu sma e taki dati a wortu „overtoigi” abi fu du nanga konifasi èn nanga a meki di yu e meki wan sma du san yu wani, toku a wortu kan gebroiki na wan bun fasi. A kan wani taki fu meki sma bribi èn fu kenki a prakseri fu den fu di yu abi wan bun takimakandra nanga den (2 Tim. 3:14, 15). [wSR98 15/5 blz. 21 par. 4]
9. „A saka fu libi” wani taki, wan sani di Gado seti fu kibri èn fu hori sma, di ben o de fu a bun fu David efu a ben e luku fu no kisi brudu-paiman leki fa Gado e si dati (1 Sam. 25:29). [Alawiki leisipisi fu Bijbel; luku wSR91 15/6 blz. 28 par. 3.]
10. A Kownukondre frubontu nanga David, di 2 Samuèl 7:16 e taki fu dati, ben skotu a lin fu a Siri moro soifri di ben tyari go na a Mesias. A frubontu ben gi wan dyaranti akruderi wet tu taki wan sma ben sa komoto kon fu a geslaktilin fu David di ben sa tiri „te ten di no skotu”. [Alawiki leisipisi fu Bijbel; luku wSR89 1/2 blz. 12 par. 21-22.]
Piki den aksi di e kon now:
11. Sortu dyaranti Psalm 34:18 e gi? [wSR98 1/4 blz. 31 par. 2]
12. San ben tyari kon na krin di Yosef ben kisi a nyunman-nen Barnabas? (Tori. 4:36) [wSR98 15/4 blz. 20 par. 3, futuwortu]
13. Fu san ede a Bijbel tori e taki dati Eli ben tan gi den manpikin fu en moro grani moro leki san a ben gi Yehovah? (1 Sam. 2:12, 22-24, 29) [Alawiki leisipisi fu Bijbel; luku wSR96 1/9 blz. 23 par. 14.]
14. Fu san ede a buku Rut musu tranga a frutrow di wi abi na ini den pramisi fu a Kownukondre? [si blz. 53 par. 10]
15. Soleki fa 1 Samuèl 1:1-7 e taki, dan sortu tumusi aparti eksempre na osofamiri fu Samuèl ben gi? [Alawiki leisipisi fu Bijbel; luku wSR98 1/3 blz. 16 par. 12.]
16. Fa wi kan taki dati ’a makti fu gudu e kori sma’? (Mat. 13:22) [wSR98 15/5 blz. 5 par. 1]
17. Fa Yonatan di ben de moro owru, sori taki a ben erken David, a salfuwan fu Yehovah? San disi e prenki na ini a ten disi? (1 Sam. 18:1, 3, 4) [Alawiki leisipisi fu Bijbel; luku wSR89 1/1 blz. 31, 34 par. 4, 13.]
18. Yob ben de wan man „sondro fowtu èn opregti”. Fa a buku Yob e tyari kon na krin taki disi no wani taki dati Yob ben de volmaakti? (Yob 1:8) [wSR98 1/5 blz. 31 par. 1]
19. San den wortu „span unsrefi bun tranga” wani taki? (Luk. 13:24) [wSR98 15/6 blz. 31 par. 1, 4]
20. Tu Samuèl 12:26-28 e leri wi wan prenspari sani di wi musu du te wi e wroko makandra nanga tra sma. San na a prenspari sani dati? [Alawiki leisipisi fu Bijbel; luku wSR93 1/12 blz. 12 par. 19.]
Poti a (den) wortu noso a pisi fu a prakserilin di de fanowdu fu klari ibriwan fu den fruklari di e kon now:
21. Fu di Yehovah ben krutu a Bâ-al anbegi, meki wi musu tan fara fu den sani na ini a ten disi di de a srefi, soleki ․․․․․․․, ․․․․․․․ nanga ․․․․․․․ (Krut. 2:11-18). [si blz. 50 par. 26]
22. Na ini a ten fu Samuèl, wan kaba ben kon na a pisi ten fu den ․․․․․․․ èn a pisi ten fu ․․․․․․․ ben bigin. Na ini a pisi ten disi Israèl ben o lasi a bun nen di den ben abi na Yehovah. [si blz. 53 par. 1]
23. A nen fu Gado, Yehovah, wani taki „․․․․․․․” èn dati wani taki dati Yehovah kan meki ensrefi tron awansi san a musu tron, so taki a kan du den sani di a abi na ․․․․․․․ [wSR98 1/5 blz. 5 par. 3]
24. Eli nanga Saul no ben du ala sani na wan bun fasi, fu di Eli no ben ․․․․․․․ èn Saul ben du sani di ․․․․․․․ [si blz. 57 par. 27]
25. Na agersitori fu Yesus fu a Samariasma di ben du bun gi wan tra sma, e sori taki wan trutru opregti sma no e hori ensrefi na den ․․․․․․․ fu Gado wawan, ma a e waka baka den ․․․․․․․ fu en tu (Luk. 10:29-37). [wSR98 1/7 blz. 31 par. 2]
Teki a yoisti piki na ini ibriwan fu den fruklari di e kon now:
26. Taki Yehovah e sori en (koni; makti; lobi) na ala sortu sma de fu si na a teki di a ben teki na uma fu Moab (Rut; Naomi; Orpa) di ben anbegi (Bâ-al; Kamos; Dagon) fosi, ma di ben teki a tru bribi èn ben tron wan afo fu Yesus Krestes (Mat. 1:3, 5, 16). [si blz. 51 par. 1]
27. Wan kaba ben kon na a pisi ten di krutuman ben tiri Israèl di (Samuèl; David; Saul) ben tron kownu èn di a ben wini a feti teige den (Amonsma; Moabsma; Filistiasma) nanga yepi fu Yehovah (1 Samuèl 11:6, 11). [Alawiki leisipisi fu Bijbel; luku wO95 15/12 blz. 9 par. 2–blz. 10 par. 1.]
28. A ben de (na apostel Paulus; en papa; en mama nanga en granmama) di ben teki fesi fu leri Timoteus „den santa buku” te leki a kon tron wan bun zendeling nanga opziener (2 Tim. 3:14, 15; Fil. 2:19-22). [wSR98 15/5 blz. 8 par. 3–blz. 9 par. 5]
29. A du di (David; Samuèl; Yonatan) ben du diniwroko na ini en yongu yari musu gi den yonguwan deki-ati fu go du a diniwroko nownowde, èn a go di Samuèl ben go doro nanga a wroko te leki en dede, musu gi deki-ati na den sma di weri fu di den kon owru. [si blz. 58 par. 30]
30. Tu Samuèl e taki fu a ten bigin fu (1077 te go miti wan sani fu 1040; 1077 te go miti wan sani fu 1037; 1070 te go miti wan sani fu 1040) b.G.T. [si blz. 59 par. 3]
Luku sortu fu den tekst di e kon now abi fu du nanga den sani di skrifi na ondrosei:
Krut. 11:30, 31; 1 Sam. 15:22; 30:24, 25; 2 Kow. 6:15-17; Yak. 5: 11
31. Yehovah e gi a dyaranti taki a sa gebroiki den legre fu en di de na hemel, fu kibri a pipel fu en akruderi a wani fu en. [wSR98 15/4 blz. 29 par. 5]
32. Gemeente opziener abi a frantwortu fu hori densrefi na kruderi di den meki, ala di disi kan de wan tranga sani fu du son leisi èn kan meki taki den musu tyari bigi ofrandi. [wSR99 15/9 blz. 10 par. 3-4]
33. Efu wi e tan hori wi soifri retifasi te tesi e miti wi, dan Yehovah sa pai wi bogobogo. [wSR98 1/5 blz. 31 par. 4]
34. Trutru lobi gi Gado wani taki dati wi musu gi yesi na den tirilin fu Gado èn taki wi no e tyari srakti-ofrandi wawan gi en. [Alawiki leisipisi fu Bijbel; luku wSR96 15/6 blz. 5 par. 1.]
35. Yehovah e warderi trutru den sma di e du a wroko na ini en organisâsi na ini a ten disi fu horibaka gi trawan. [Alawiki leisipisi fu Bijbel; luku wO86 1/9 blz. 28 par. 4.]