Graboe na howpoe di poti na joe fesi
1, 2. Foe san-ede joe moe go denki tranga foe na fanowdoe foe graboe na howpoe di joe ben poti na joe fesi?
NA APOSTEL Paulus skrifi dati ’wi de tron troetroe sma di e teki prati nanga Kristus wawan efoe wi hori na fertrow di wi ben abi na na bigin, stéfi go te na a kaba’ (Hebr. 3:14). A ben taki toe dati a de fanowdoe gi wi „foe graboe na howpoe di de na wi fesi”. — Hebr. 6:18.
2 Kande a no langa psa kaba joe ben tron wan kotoigi foe Jehovah èn joe de sondro foe seki séker ini overtoigi. Ofoe kande joe de wan toe tintron jari kaba wan kristen kotoigi èn joe abi na méne dati joe tanapoe faste na tapoe na pasi foe waarheid. Ini ala toe geval kande séker joe sabi wantoe sma di stop foe waka na pasi foe na waarheid, soleki disi ben de ook toe na a fosi jarhondro (Fil. 3:18; Tori. 20:30). Son sma kande safrisafri den lasi den bribi foe di den ben kisi en toemsi druk na a afersi goedoe ofoe den ben gi pasi na tesi èn ben sondoe.
3-5. Fa na boekoe Hebrewsma kan de wan jepi ini a tori foe wi howpoe?
3 San wi kan doe foe sorgoe dati disi no miti wi? Meki wi go prakseri na rai na ini na boekoe Hebrewsma. Foe na getrow horidoro foe foeroe disiten kotoigi foe Jehovah di ben kisi tranga nanga sowan rai e kon na krin fa na rai disi fiti gi wi ten.
4 Na brifi gi den Hebrewsma ben skrifi gi kristen di „de teki prati na a hemel kari”. Den ben kisi salfoe nanga Gado jeje èn den ben abi na boen howpoe foe waka baka na fesiman Kristus go te ini hemel. Soleki joe kan tjari kon na ini joe prakseri ’dan na howpoe disi leki wan ankra gi na sili de séker èn faste. Tokoe Paulus e poti na prakseri na tapoe na fanowdoe ’foe graboe na howpoe di de na wi fesi’ (Hebr. 3:1; 6:18-20). Efoe na fanowdoe disi ben de gi den, o moro foeroe disi de now na ini na tori foe na salfoe fikapisi èn na „bigi ipi” getrow wan di abi na howpoe foe psa libilibi na a „bigi benawtoe”. — Openb. 7:9, 15.
5 Na ini Hebrewsma Jehovah e poti wi prakseri na tapoe gevaar soleki na „drifi gwe”, ’fadon komoto’, ’kon lesi’, ’drai baka, san e tjari pori kon’ ofoe ’aksi foe kisi pardon’ (Hebr. 2:1; 6:6, 12; 10:39; 12:25). A boekoe e gi toemsi moi rai foe jepi wi „foe sori faja foe te na a kaba abi na heri sékerheid foe na howpoe” èn „foe de na sortoe sma di abi bribi, san e meki na sili tan na libi”. — Hebr. 6:11; 10:39.
„No de . . . na sortoe sma di e drai baka”
6. Gi sortoe sani den Hebrew kristen ben kakafoetoe, ma san ben de tog fanowdoe na ini a tori foe den?
6 A de krin dati foeroe foe den Hebrew kristen ben hori doro na ondro ferfolgoe. Den ben „hori doro na ondro wan hebi stré ondro foeroe pina”, foe di foe eksempre na ini wan Romein theater den ben poti den na fesi sma foe kisi sjen èn benawtoe ofoe den ben poti den na ini gevaar foe jepi den wan di ben de na ini doengroe-oso (Hebr. 10:32-34). Tokoe den ben wroko nanga a sabi dati den „no ben de a sortoe sma di e drai baka, san e tjari pori kon ma a sortoe foe sma di abi bribi, san e meki na sili tan a libi”. — Hebr. 10:39.
7. (a) Fa na kon foe ferfolgoe kan abi krakti tapoe wan kristen? (b) San joe moe aksi joesrefi?
7 Na gevaar de toe dati wan kristen san kon frede foe ferfolgoe, sa man tjari en kon so fara „foe drai baka” ofoe foe sroto wan skeki. Fa a de nanga wi? Kande na wan pikin fasi wi ben ondrofeni gens soleki na a sé foe mede skoromati noso sma na wi wrokope. Sonwan srefi ben moe hori doro na ondro mishandeling na skinfasi, soleki foe wan trowpatna di no de na bribi ofoe wan papa ofoe mama. Tokoe a de psa ini foeroe kontren weiniki dati wan kotoigi e kisi hebi ferfolgoe foe en bribi ede. Disi sa abi leki baka pisi dati a sreka ensrefi moro mendri boen tapoe hebi ferfolgoe èn abi na firi moro foe drai baka ’te ferfolgoe broko loesoe. A ben sa boen foe aksi wisrefi: „A ben kan psa dati baka mi ben abi wan makriki libi, kori kon so fara foe drai baka te den tapoe skreki gi mi ernstig, soleki na lasi foe mi oso, wroko ofoe kontakti nanga wi osofamiri, ofoe foe poti mi na doengroe-oso ofoe fonfon na skinfasi?”
8. Sortoe rai foe na kakafoetoe gi ferfolgoe Hebrewsma e gi wi?
8 Di Paulus ben taki dati wi moe sori bribi na ondro ten di sani no e waka boen, dan a ben gi wi dek’ati foe poti prakseri fa Jezus ben hori doro (Hebr. 12:2, 3). Moro fara Paulus e memre wi dati efoe hebi ferfolgoe e kon, wi moe si disi leki wan boen tranga leri. A no de foe taki dati Gado no e tjari ferfolgoe kon; a de gi pasi nomo dati disi kon. Tokoe a de so dati ferfolgoe kan oefen wi ofoe jepi wi foe gro ini fenowdoe kristen égifasi, soleki horidoro, pasensi, loyaliteit nanga fertrow tapoe Jehovah. — Hebr. 12:4-11; Jak. 1:2-4.
9. (a) Fa wi sabi dati onvolmaakti sma kan horidoro na ondro ferfolgoe? (b) San ben psa na ini den jari 60 nanga wantoe sisa na ini wan communistisch kondre?
9 Foe wi no ben sa abi na firi dati soso wan volmaakti sma, soleki Jezus, kan hori doro, dan ini na boekoe Hebrewsma prakseri e poti tapoe onvolmaakti man nanga oema soleki wi di nanga jepi foe bribi ben hori doro (Hebr. 11:35-40; 12:1). Na „wolkoe foe kotoigi” di ben hori doro nanga jepi foe bribi, ben kon moro bigi ini disiten. Na ini augustus 1992 ben kon ini wan Zwitsers koranti wan artikel pe den ferteri fa wan oema ben ondrofeni nanga Jehovah Kotoigi di wan toe tintron jari psa kaba ben de na ini wan oemasma kampoe ini wan communistisch doengroe-oso. Djaso de wan toe edeprakseri foe wantoe sani di a taki:
Soso den moro bigi kerki e kisi wen gedeelteleke fri, foe di den e préki san na kondre e gi pasi. Disi no de so nanga den moro pikin groepoe foe bribi di e konmakandra na ini oso. Jehovah Kotoigi den e ferfolgoe moro hebi. Foeroe Kotoigi te den ben miti wantoe Wachttoren na den oso den ben gi tin jari strafoe. Wan sma foe dat’ede ben sa kan tjari kon na ini prakseri foe san-ede den kampoe autoriteit ati e bron di a ben luk den kotoigi tapoe wan ofoe tra fasi foe abi bigi veelheid boekoe. Ibri kotoigi den ben firi en skin èn den ben poeroe en krosi sodati a ben de nanga sososkin èn den ben ondrosoekoe den krosi te tapoe na laatste draad. Sosrefi toe ala den strafoeman di ben wroko tapoe na gron waktiman di ben abi gon ben loekoe den èn e firi den skin te den kon baka na inisé psa na doro. Tokoe ete boekoe ben kon na inisé. A ben de neleki engel na neti e fré abra èn e meki den boekoe fadon. A moro bigi pisi foe den kotoigi ben de jongoe oe-masma. Na fosi strafoe ben de féfi te go miti sébi jari, na a tweede strafoe dan disi ben langa no mendri leki tin jari Den kotoigi ben kisi na moro takroe behandeling na ini na kampoe. Te moro leki dri foe den ben kon makandra dan den ben kisi komando foe gwe libi makandra.
10. Sortoe faste bosroiti ini a tori foe ferfolgoe na boekoe Hebrewsma e jepi wi foe teki?
10 Ini na boekoe Hebrewsma den e taki foe den owroe eksempre foe bribi ondro ferfolgoe dati ’grontapoe no ben de waarti den’, ma dati Jehovah ben e loekoe dati den ben tjari go na ini na grontapoe paradijs ini volmaaktifasi. Soema ben sa kan aksi moro? Meki foe dat’ede wi poti prakseri na tapoe den eksempre foe bribi foe owroeten èn na disiten. Na presi foe ’drai baka, san e tjari pori kon’, dan wi moe de nanga wan fasti bosroiti foe ’abi bribi, san e meki na sili tan na libi’. — Hebr. 11:38, 40; 10:39.
No meki wi „drifi gwe”
11. Fa „dribi gwe” ben sa kan de wan gevaar gi wan sma di de wan heri pisi ten kaba wan kristen?
11 Soleki na boekoe Hebrewsma e sori, dan na „drifi gwe” de ete wan gevaar (Hebr. 2:1). Loekoe pikinso fa dati kan psa. Wan sma — a ben kan de ibriwan foe wi — ben tron ini na ten di psa wan kristen èn a ben de baka dati kefarlek nanga faja. Nanga prisiri a ben teki prati na a velddienst, srefi aladi a ben abi soso wan pikinso sabi ete (Tori. 3:1-9; 8:39; 13:48, 49). Baka wantoe jari dan en faja ben sa moe gro kon tron wan faja èn wan dipi frede foe Gado. Ma dati ben psa toe? A de si na kristen diniwroko leki wan fasi, fa a kan sori en lobi gi Gado èn kan jepi trawan soleki ensrefi ben kisi jepi wan dé? Ofoe na dienst de wan routine wan fanowdoe wroko? Efoe a abi pikin, a de gi den tranga alaten a enthousiasme foe de wan foeroe ten bedinari? Ofoe a de taki soso wawantron foe dati èn nanga mendri overtoigi dan te ai taki foe den fanowdoe dati den moe kisi moro héskoro leri, wan wroko di e pai boen ofoe foe abi wan moi oso? — Openb. 2:4.
12. (a) San Hebrewsma e gi wi leki rai, sodati wi sa lon komoto foe „dribi gwe”? (b) Sortoe aksi wi ben sa kan loekoe ini na tori foe na poti prakseri tapoe na Wortoe?
12 Wan stap foe „komoto na fasi foe „drifi gwe”, de „foe poti moro leki gewoon prakseri na den sani di wi ben jere” (Hebr. 2:1). Sonwan foe den Hebrew kristen ben misi tapoe na punt disi. Baka di den ben „leri na gronleri foe Kristus”, dan den no ben go doro foe kon lepi”. Aladi den „ben moe de leriman”, den ben gi densrefi njanjan te now ete nanga elementaire sani (Hebr. 5:12-6:2). Fa a de nanga wi? Wi e doe en safri-safri ofoe wi e go na fesi foe di wi e poti prakseri na tapoe persoonlek studie? Wi e proberi aladé foe lési wan pisi foe na bijbel? Wi e stoeka den kristen boekoe nanga troetroe belangstelling, ala di wi e taki nanga trawan foe den njoen sani di wi ben leri? Wi e jepi wi pikin foe go moro na fesi leki na ’merki foe na Wortoe’? Den kan tjari kon na krin nanga jepi foe na bijbel na waarheid foe na sili, na opo baka, na Dri-wanfasi, na paradijs grontapoe? Den e doe dati na ini na velddienst, sodati den no e tan tanapoe na tapoe na marki foe na jari na fesi? — 1 Petrus 3:15.
13. Sortoe eksempre den sisa foe wi di ben poti na ini doengr’oso ben gi ini a tori foe studi, èn sortoe rai disi wani taki gi wi?
13 Na ini na artikel e taki moro fara foe den kotoigi di den ben poti na strafoe:
Ini na pikinso fri ten di den ben abi, den ben poti densrefi na tapoe foe leri pisi foe na bijbel na den ede. So toe den ben doe moeiti foe leri tra tongo, spesroetoe Ingrisi, Fransi nanga Doisri tongo. Den boekoe di den ben kisi, ben de sontron ini den tongo disi, èn den wan di ben leri den tongo disi, ben kan vertaal na materiaal na so fasi gi den tra sisa.
Den kan taki foe wi, ala di pikinso foe wi foe ondro dwengi neleki den foe wroko joeroe langa tapoe pikinso njanjan, dati wi e gebroiki wi fri ten net so boen „foe poti moro leki gewoon prakseri na den sani di wi ben jere”?
No fadon komoto
14. San kan psa srefi nanga sma di de kristen wan heri pisi ten kaba?
14 Baka te na boekoe Hebrewsma ben gi wi tranga foe go na fesi, a ben warskow dati den sma „di wan dé ben kon ini leti” kan „fadon komoto”, sodati kande den e doro srefi na marki dati den no kan abi beraw moro (Hebr. 6:4-8). Ija, kristensma di wan pisiten kaba e dini Gado, srefi salfoewan di „ben tron sma di e teki prati na santa jeje”, ben kan hari gwe na ini na disiten seti foe sani nanga jepi foe wan kori sani.
15. Fa son sma fadon komoto ini a tori foe seks nanga bisnis activiteit?
15 Wan toe sma ben fadon foe na lostoe foe na skin ofoe foe na lostoe foe goedoe ede (1 Joh. 2:16). Te jongoesma e gi densrefi a sekslibi bifo den trow, dan a no de foe taki dati sekslostoe de ini a tori. Ma loekoe pikinso wan tra sani. Son sma ben abi nofo foe den trowpatna, ma ben miti wan tra sma di ben sori moro moi gi den, di e hori moro moi takimakandra ofoe abi moro winimarki ini a grontapoe disi. Na wan sari sani dati disi ben tjari broko-trow nanga njoen trow di de ini hoeroedoe. Trawan ben „fadon komoto” foe di den ben feti na baka goedoe, èn den ben tjari go so fara foe doe bisnes di ben de soifri bidrigi fasi ofoe den ben poti wet foe lanti tapoe a tori foe vergunning nanga belasting na wan sé (Matt. 22:21). Ofoe ala sortoe degedege moni tori den seti di nanga den pramisi foe esesi makriki wini didon tapoe den pikin moni foe foeroe sma baka den de wan kori sani gi kristen foe njan boen foe den brada nanga sisa na wan gridifasi (Teki gersi Tori foe den Apostel 20:33; 2 Thessalonicasma 3:10, 11.) Den activiteit disi, sondro foe loekoe dati den e poti den kownoekondre afersi foeroe tron a wan sè, e tjari sontron firi foe bita-ati ofoe kesekese ofoe srefi gi nen na trawan ofoe bedrigifasi. A bijbel a leti: „Den . . . di teki a bosroiti foe kon goedoe e fadon go na ini wan tesi èn wan trapoe.” — 1 Tim. 6:9.
16. Sortoe boen eksempre den sisa di ben poti na doengr’oso ben gi ini na kontren foe kakafoetoe gi tesi?
16 Efoe wi e erken nanga sakafasi dati wi no de so tranga dati wi no ben sa kan fadon, dan wi moe teki na faste bosroiti foe no fadon ini na bigin foe kori nanga sondoe (Rom. 12:3; 1 Kor. 10:12). Den sisa ini na wrokokampoe ben gi wi wan boen eksempre:
Sonwan foe den wan froe wan ben tjari go na wan bigi foto pe supermarkt, kino nanga tra prisir-okasi ben de. Na so toe memre foe na dekta-skowtoe ben tjari wan sisa go na wan supermarkt pe boen foeroe njanjan de foe kisi. Den ben taigi en: ’Teki nomo san joe wani,’ A sisa ben taki dati a no abi noti fanowdoe, A ben de wan toemsi takroe sani foe meki wan sma di ben weri, èn di jari baka makandra no ben abi nofo foe njan, si planga di foeroe nanga vers brede nanga koekoe sani. Na srefi fasi foe tesi den ben proeberi na ini den bigi wenkri nanga kino. Ala di den ben hori en drape wiki baka makandra èn den ben pramisi en na fri efoe a ben sa drai baka gi en bribi, tokoe a moeiti foe den no ben abi winimarki. Soso wán sisa den ben kan tjari so fara foe libi en bribi. Someni moen na baka a sisa ben drai kon baka na ini na kampoe; a ben kon moro fatoe èn a ben weri modokrosi. Toe joeroe langa a taki na wan vermane fasi nanga en fosten sisa, di no ben taki en odi srefi. Den dekta skowtoe ben prakseri, èn dati ben de krin, dati disi ben de wan konifasi foe den, èn dati den sisa ben sa opo doe wan sani wantenwanten foe drai baka gi na bribi foe den, ma na precies na tra sé foe a tori den ben kisi.
17. Fa wi moe prakseri foe tesi di wi e kisi foe doe nanga den?
17 Joe denki dati joe ben sa teki na faste bosroiti te den ben poti joe na fesi den tesi disi? Ma fa a de nanga den tesi di joe moe kakafoetoe gi den now? Paulus skrifi: „Loekoe boen brada, dati na ini no wan sma foe oenoe noiti wan ogri-ati, di no e bribi gro kon, foe di a de hari ensrefi poeroe foe na lobi foe Gado ma tan vermane makandra ibridé, solanga wi kan kari en ’Tide’, sodati no wan sma foe oenoe ati kon tranga nanga jepi foe na bedrigi krakti foe sondoe” (Hebr. 3:12, 13). Efoe wi wani tan farawe foe fadon komoto ofoe hari wisrefi poeroe, dan wi moe poti wi prakseri na tapoe „Tide”.
„Sori bribi „tide”
18. Foe san-ede den Israëlsma no ben go ini na rostoe foe Gado?
18 Paulus ben abi leki fundamenti gi den wortoe „Tide” foe wan sani di a ben teki poeroe foe Psalm 95:7-11 (Hebr. 3:7-11). Soleki na pisi tekst dati e taki, dan den Israëlsma na ini den dé foe Mozes ben meki den ati kon tranga. Baka di den Israëlsma ben kisi njoensoe foe jere foe na pramisi kondre foe na mofo foe Jozua nanga Kaleb, den ben sori mankeri foe bribi (Num. 13:17-14:8) Awansi den Israëlsma ben kan prisiri densrefi drape na ini vréde èn blesi, na ini a ten foe na rostoe di foe Gado di ben go doro, tokoe den ben wégri foe na tranga fasi foe den ati ede, èn na bribi di den no ben bribi foe hari go ini na kondre foe libi drape. Na foe dat’ede meki Gado ben meki den waka lontoe fotenti jari langa na ini na gran sabana. — Hebr. 3:17-19.
19. Oten èn fa wi kan go na ini Jehovah rostoe?
19 Na bigi Sabbatdé foe rostoe dé foe Gado e go doro (Gen. 1:31-2:3). Paulus ben skrifi dati „wan pramisi e tan foe go na ini en rostoe” (Hebr. 4:1, 9). Wi, kristen, e go na ini na „rostoe” dati now ofoe e tan na ini na rostoe dati. Fa so? Foe di wi e sori bribi, no na ini Jozua na owroeten, ma ini na moro bigi Jozua wi tiriman Jezus. Wi moesoe tjari wan kaba kon na den wroko foe no sori bribi, soleki den sma di no e bribi troetroe den tori, dati noiti wan njoen seti sa kon. Na ini na libi foe den ontspanning ofoe a feti baka prisiri de nomroe wan. Den wani de kande „wan sma”, foe di foe eksempre den wani kisi wan positsi ofoe wan titel. Ofoe kande den e feti baka na filosofie dati nanga ala prisiri den wani dati sma feni den :boen”.
20, 21.(a) Sortoe wroko wi moe tan farawe foe den? (b) Wi moe teki prati na sortoe boen wroko, soleki na eksempre foe den sisa di den ben poti na doengr’oso ben sori?
20 Efi troetroe wi e poti bribi na ini Jezus èn na ini san poti na fesi gi na pipel foe Gado, dan wi moe sori dati nanga jepi foe den activiteit foe wi. Paulus skrifi: „Wan sma di ben go na ini na rostoe foe Gado ben rostoe sosrefi foe en égi rostoe soleki Gado ben rostoe foe en” (Hebr. 4:10). Soboen na presi dati wi e broko wi ede nanga wroko foe na sori bribi ofoe wroko di nanga jepi wi e proeberi foe krin wisrefi wi moe abi wroko di e sori a bribi foe wi.
21 Wan toemsi prenspari kristen wroko de na taki abra Jehovah Gado èn en Manpikin. Ini a tori foe Masra Jezus, Paulus ben gi tranga foe „hori faste na a taki foe en” (Hebr. 4:14). A no de foe taki, dati wi kan èn moe doe dati tapoe kristen konmakandra, pe drape wi e meki na publiki bekenti na howpoe foe wi (Hebr. 10:23-25). Ma na ini na „meki bekenti na publiki” de ook toe, dati wi moe taki foe wi overtoigi nanga wi howpoe na fesi foe sma na dorosé. Wi moe meki sondro dati wan sani kan tapoe oenoe troetroe tjari „wan srakti-ofrandi foe prijse, namkoe na froktoe foe den mofo boeba di e meki a nen foe Gado bekenti na publiki” (Hebr. 13:15; 1 Kor. 9:16). Na oema di ben skrifi foe na artikel di kaba ben ferteri foe wan takimakandra nanga wan sisa:
Mi ben taki: ’Dati den autoriteit poti oenoe alamala na doengr’oso no kon foe oen overtoigi nanga bribi, ma foe di oenoe e préki gi trawan. Efoe oenoe ben sa tan na oso èn ben sa begi rustig drape san no wan sma ben sa sabi.’ A ben piki: ’Dati de troe, ma wi abi na verprekti foe taki nanga tra sma èn wini njoen brada nanga sisa. Wi no kan lobi wisrefi nomo èn sreka sani nomo gi wi égi libi nomo na grontapoe na ini na Millenium. Ala sma moe kisi foe jere foe dati fa a libi sa de dan drape.’
22. Sortoe overtoigi joe abi tapoe na gron foe san tanapoe na ini na boekoe Hebrewsma?
22 Joe kan si dati na srotoprakseri na ini Hebrewsma de dati foe doe ala moeiti foe go na ini a rostoe foe Gado sodati no wan sma fadon go na ini . . . trangajesi (Hebr. 4:11). Wi kan abi na dipi satisfaksi dati now kaba wi de na ini na rostoe dati èn dati wi abi ook toe na séker froewakti dati wi sa tan na ini na rostoe dati te alasma di de na grontapoe e libi e anbegi Gado. No wan degedege de foe na de klari di Jehovah de klari foe blesi den sma èn kibri den di e go now nanga jepi foe bribi èn gi jesi na ini en rostoe. En de, na sma di ben „pai den sma di e soekoe en ernstig” (Hebr. 11:6). Efoe wan degedege sa de dan disi sa kon foe wi sé. Ma srefi foe wi sé sowan degedege no afoe de. Nanga jepi foe wi bribi èn wi horidoro wi kan graboe na howpoe di de na wi fesi! — Hebr. 6:18.
Joe ben njan boen foe na takimakandra disi?
□ Sortoe spesroetoe rai ofoe leri joe ben leri na ini Hebrewsma?
□ Fa joe kan njang boen foe na eksempre foe wan toe sisa di ben de na ini doengr’oso?
□ Sortoe tranga Hebrewsma 2:1 e gi joe foe komoto foe a pasi foe drifi gwe?
□ Fa joe kan go na ini na rostoe foe Gado?
[Prenki na tapoe bladzijde 8]
Den Israëlsma jere na bericht foe Jozua nanga Kaleb, ma den no sori bribi. Foe dat’ede meki den no ben man foe go na ini na Pramisi Kondre foe njan boen foe Gado rostoe drape