„Doe boen na ala sma”
1 Wi e prisiri foe si dati someni njoen sma e hari kon na ini na gemeente (Jes. 60:8). Wan sani di e hari den kon na ini a waarheid, de a libi di de so krin foe si a mindri a pipel foe Jehovah (Joh. 13:34, 35). Foeroe foe wi no ben de dipi na ondro na indruk foe na waran nanga switifasi di wi ben ondrofeni di wi ben waka kon a fosi tron na ini na Kownoekondrezaal? Foedi wi ben ondrofeni a lobi foe Gado di nanga jepi foe Jezus Kristus èn na kristen gemeente e kon na oen, meki dat ben poesoe wi ’foe doe boen na ala sma’ foe di wi e jepi trawan èn e gi den tranga. — Gal. 6:10.
JEPI TRAWAN FOE GO A FESI
2 Efoe wi si wan sma foe a fosi tron tapoe a komakandra, wi e doe moeiti dan foe leri sabi en? Wi no moe denki dati na frantwortoe disi de wawan tapoe den owroeman nanga den dinari na ini a diniwroko. A de ooktoe na persoonlek ferprekti foe wi (Rom. 15:7; teki gersi nanga Galacia 5:14 èn Jakobus 2:8). Te foeroe sma na ini na gemeente e bari wan switi kon gi den njoen sma, dan den e kon na ondro na indruk foe na troe kristen lobi di de foe si. A Wortoe foe Gado e taki na wan boenfasi foe a sori foe lobi gi vreemde sma. (Loekoe Mattéus 25:35b nanga 1 Timotéus 5:10.) So wan sortoe waran nanga switifasi e sorgoe dati sma di joe kan teki gersi nanga skapoe e hari go na a gemeente. — Loekoe Jesaja 60:5, 11.
3 Ini a moen maart foeroe njoen sma ben de tapoe na Memrefesa èn den sma disi abi jepi fanowdoe foe go na fesi na jejefasi. Efoe joe sabi wan sma di ben de a tapoe a Memrefesa ma nownow no abi bijbelstudie, foe san-ede joe no ben sa proeberi dan foe opo wan bijbelstudie? Gi en tranga foe go na den komakandra èn pristeri en foe go nanga en makandra na a Kownoekondrezaal. Gi en tranga foe studeri ensrefi èn omoro ai kisi sabi nanga warderi omoro joe kan jepi en foe sreka ensrefi a fesi foe gi kommentaar tapoe den komakandra. Na lobi nanga pasensi belangstelling foe joe kan meki dati a kisi Jehovah blesi èn tego libi. — Rom. 15:1, 2.
4 Ooktoe jongoewan di de wan pisi foe na gemeente, de ’abi asrefi bribi leki wi’ èn abi a jepi nanga dek’-ati foe wi fanowdoe (Gal. 6:10). Srefi pikinnengre e feni en wan switi sani efoe bigisma e sori belangstelling gi den. Spesroetoe den pikin di den papa nanga mama no de na ini na waarheid abi na dek’ati foe wi fanowdoe. Jongoewan di na jejefasi de wési e ferdini a lobi prakseri nanga belangstelling foe wi. — Jak. 1:27.
GI DEK’ATI FOE GO NA INI A PIONIERDIENST
5 Wi alamala e warderi te tra sma e sori persoonlek belangstelling gi wi. Den wan di e wroko tranga na ini a dienst èn ooktoe den gewone nanga jepipionier, e njan boen foe en efoe wi e ferteri foe a warderi foe wi gi a toemsi moi eksempre nanga a offer di den e offer densrefi persoonlek.
6 Efoe owroeman nanga dinari na ini na diniwroko kan seti den afersi na sowan fasi dati ten na ten den kan de na ini a jepipionierdienst ofoe srefi kan teki na tapoe den na gewone pionierdienst, dan den winimarki e panja go tapoe na heri gemeente (2 Kor. 9:2). Efoe joe de wan owroeman ofoe wan dinari na ini a diniwroko dan fiti joesrefi na wan redelek fasi na ini na fasi foe joe libi ben sa jepi joe foe teki prati ten na ten na a jepipionierwroko ofoe kande go na ini na gewone pionierdienst? Efoe dati de so, dan joe sa ondrofeni boen foeroe blesi èn joe sa de moro boen ini na positsi foe ’doe boen na ala sma’. Efoe ibriwan foe wi aparti e soekoe fasi foe jepi trawan èn foe gi den tranga, dan Jehovah sa poti tapoe disi en blesi.