Poti ten a wan sei gi theokratis seti
1 Yehovah e sori srefsrefi dati a lobi fu gi sma sani fu di a ben meki en pramisi kontru fu poti en so dati ini a ten disi en dienstknegti kan kisi koni fu Gado (Yes. 55:1; Dan. 12:4; Rom. 11:33; 1 Kor. 2:8-10). Wi e sori persoonlek waarderi fudi wi e poti ten a wan sei fu nyanbun dorodoro fu en programma fu leri wi na pasi fu waarheid?
2 Pikinso muiti nanga dwengi wisrefi wisrefi de fanowdu fu wi sei fu poti gi persoonlek-studie, nanga a sreka na fesi fu komakandra na ten dati a wan sei, pe wi kan studeri moro bun. Ma wi no e firi wisrefi nanga kowru ati, iya dati wi kisi furu, te ibri ten wi e bai na fanowdu ten gi theokratis opleiding (Ef. 5:15-17). San na wantu fu den wondru seti di Yehovah poti fu gi leri?
SAN A BEN SETI?
3 Ini a fosi presi èn spesrutu wi abi na bijbel leki wi prenspari leribuku. Gi ibri wiki wan tumsi moi bijbelleisiprogramma de. Wi e hori wisrefi na dati? A de fanowdu dati wi poti ten ini wi persoonlek schema gi disi? Wan tra sani de ete fanowdu, ofu a leisi fu a bijbel de nofo? (Yak. 1:5, 6). Wi abi ooktu na organisatie di wi kan si èn di Yehovah e gobroiki fu gi wi alaten yeye nyanyan pasamarki fanowdu. Na „yeye nyanyan na a reti ten” wi e kisi na ini a vorm fu publikatie di abi den fondamenti tapu a bijbel, regeling gi gemeentekomakandra, kringkomakandra nanga districtskongres. — Matt. 24:45.
4 Ete wan fu den seti fu Yehovah gi theokratis opleiding de di fu den lobi herder (Tori. 20:28). Te den owruman e fisiti wi, dan kande den abi spresrutu bodoi di den wani taki nanga wi. Wi de esesi fu poti den rai di den e gi na ini wi libi? Opziener di e du so nanga den heri konsensi e studeri fayafaya fu hori asrefi tempo nanga Yehovah organisatie (2 Tim. 2:15). Den e erken dati den e tyari na fesi fu Yehovah wan seryusu frantwortu fu gi na ipi fu skapu nyanyan èn fu kibri den. Wi alamala kan nyanbun fu na ondrofeni fu den èn na ten di den e gi na wi.
YEPI WI PIKIN NANGA TRAWAN
5 Spesrutu na gi leri na wi pikin na ini a waarheid de wan prenspari pisi fu wi theokratis opleiding. Kristen papa nanga mama no e si disi leki wan sabi di te den man dan den e du en. A de tumsi prenspari dati na tapu wan bekwaam fasi ’den e gi tranga leri èn e fermane na wan seryusufasi’ (Ef. 6:4). A e bepaal nofotron a difrenti na mindri gro kon kisi yeye lepi fasi ofu na bosroiti fu den fu gwe libi waarheid krinkrin. Ten de fanowdu gi na leri disi. Gi disi wan tra sani no de fu kon ini en presi.
6 Nyun sma kan kisi yepi fu si na waarde fu poti ten na wan sei gi den alawiki bijbelstudi. Wi mu gi den dek’ati fu sreka densrefi bun tapu ibri studi. Wi wani dati fu sensi a bigin den kisi finifini leri ’ini na Wortu’ (Gal. 6:6). Te wi e du a pisi fu wi fu gi den yepi, dan a no sa teki langa ofu den e lostu fu teki prati nanga wi na a evangeliwroko. Na theokratis-opleiding fu den no e stop te den leri den „elementair sani” (Hebr. 5:12; 6:3). Wi wani leri den fu ’go doro ini lepifasi’. Disi e teki ten?
7 Disi de soso wantu fu Yehovah seti fu leri wi san wi abi fanowdu. Tra seti na a fisiti fu na kring-opziener, na pionierskoro èn Kownukondrediniwrokoskoro.
8 Ala tangi e go na Yehovah fu na gi fu na wan enkri opleiding di kan kibri wi èn di kan tyari wi psa den laste dei disi. Meki wi teki a faste bosroiti fu poti ten a wan sei fu nyanbun dorodoro fu den theokratis seti di wi Gran Leriman ben poti gi wi. Wi kan de seiker dati efu wi du disi, dan wi sa tan go doro a fesi tapu a pasi di e tyari sma go na tego libi. — Yesaya 30:20, 21; Fil. 3:13-16.