Gi nanga prisiri leki pionier
1 „Gado lobi wan sma di e gi nanga prisiri” (2 Kor. 9:7). Na apostel Paulus ben warderi na bun-ati fu Yehovah fu gi sani èn ben sori disi ini en wroko sondro fu weri a mindri den Thessalonikasma. Ini akruderi nanga dati a ben skrifi bakaten gi den: „[Wi] nanga ala prisiri ben ferteri unu na bun nyunsu fa Gado.” — 1 Thess. 2:8.
2 Wi e denki na asrefi fasi fu na prati fu na yeye gudu disi nanga trawan? Efu dati de so, dan na wan seryusufasi wi kan go luku den fruwakti fu wi fu dini leki yepi-pionier na ini den mun yuli nanga augustus èn kande na ini september ini na gewone pionierdienst.
SAN YU KAN DU
3 Meki wan bigin nanga wroko leki yepi- ofu gewone pionier seiker no sa psa efu yu sa libi sani abra fa sani go a sa go. Positief muiti komoto fu wan ati di kisi yoisti buweigi sa tyari Yehovah blesi kon nanga en. Poti na afersi na ini begi na fesi fu Yehovah. Tyari kon na en fesi na winsi fu yu ati (1 Yoh. 5:14; 2 Thess. 3:1). Meki wan eerlek ondrosuku fu yu omstandigheden fu si pe yu kan tyari kenki kon fu doro den vereiste. Opo mamanten pikinso moro fruku fu go nanga tra pionier na ini na velddienst, de kande ala san de fanowdu gi yu fu doro wan schema fa wan pionier. Ofu kande bakadina preiki sa yepi yu fu doro disi.
4 Wan krin takmakandra nanga tra pionier, yu dienstopziener ofu gemeente bukustudie-leider, ben sa kan tyari bun rai kon (Odo 15:22; 16:3). Osofamirman kan de ooktu wan dek’ati, spesrutu efu den de kompe anbegiman. Furu yepi- nanga gewoon pionier ben ondrofeni na ini na sorgu fu osofamiri ferplekti dati osofamirman tanapu na den sei èn e prisiri fu na moro betre yeye sfeer na ini na osofamiri di de a bakapisi fu a sani disi, dati wan memre de ini a pionierdienst.
KWEKI WAN BUN ROUTINE
5 Fu leri fu du yu activiteit akruderi wan schema de tumsi prenspari. Srefi ini a tori fu gi na skinfasi Paulus ben rikomanderi den brada na ini Korinte fu waka na baka wan regelmatig patroon fu sabi seiker fu du den bun prakseri fu den ati fu den (1 Kor. 16:2). Fu hori yusrefi steifi na wan bun routine di yu go prakseri bunbun fu teki prati na a tranga fanowdu preikiwroko de srefi moro prenspari. Trangaleri gi yusrefi, teki fesi nanga wan faste bosroiti de fanowdu. — 1 Kor. 9:23, 25, 27.
6 Luku sani fa den de trutru ini a luku fu yu tapu na yepi- èn gewoon pionierdienst. Yu no sa feni na ini na owru seti disi totaal bun omstandigheden. Yesus ben taki dati den sma di poti na Kownukondre tapu na fosi presi ben sa mu fruwakti benawtu makandra nanga pramisi prisiri nanga blesi now, èn „ini na seti fu sani di e kon tego libi” (Mark. 10:29, 30; Tori. 14:22). A bun fu waka na baka na bribi nanga na eksempre fu den furu sma di e pionier awinsi den abi wan takru gesontu, skotu ini monisani ofu tra seryusu problema. Den e tan farawe fu en fu sortu sani ooktu na ini na owru seti disi tron na moro prenspari sani ini den libi (1 Kor. 7:29-31). Soleki wantu pionier taki en, dan den ben leri ’fu wroko densrefi psa den probleem fu den’ fu kan pionier. — Teki gersi nanga 2 Kor. 12:7-10.
7 Fu tru, ala sma di de klarklari fu gi komoto fu wan bun ati èn akruderi den eigi omstandigheden, Yehovah e ferklari den koloku (Yes. 65:14). Den e koti pasa marki na ini na vorm fu inisei vrede nanga vredefasi èn den e tyari moro froktu kon fudi den e yepi sma fu kon na a sei fu Yehovah. Den sortu blesi disi, èn furu moro ete, kan kon de fu yu efu yu teki na kari fu gi nanga prisiri leki yepi ofu gewoon pionier. — 2 Kor. 9:6; Odo 11:25.