Pristeri na boen njoensoe — Na ini kontren pe wi wroko foeroetron
1 Na preiki na ini kontren pe wi e wroko foeroetron e poti joe na fesi spesroetoe tjalensi. Fa joe kan meki na boskopoe de nanga njoen tori èn e hari sma kon? Fa joe moesoe go tapoe den sma di sori taki den teki den bosroiti kaba èn e taki dati den no abi belangstelling kwetikweti? San wi kan taigi den sma di feni taki wi e kon toemoesi foeroe na den doro?
DE POSITIEF
2 Kontrari san sonwan e denki kande, wi abi moro boen bakapisi ini algemeen na ini kontren pe wi wroko foeroetron leki na ini kontren pe wi no e wroko so foeroetron. Wan foe den fosi hendri di wi moesoe wini, so boen na foe denki negatief foe a naki ten na ten na a srefi doro. Sma moesoe kisi ala okasi foe jere na Kownoekondre boskopoe. A ben sa de fowtoe foe wi sei foe denki taki, den sma di no e piki boen ala di foeroetron wi ben go na den doro, taki Jehovah kroetoe den leki sma di no warti noti.
3 Na ini kontren pe den wroko foeroetron, a de spesroetoe prenspari foe sori taki joe abi firi gi sma. Foe di wi e tjari wan boskopoe di abi spesroetoe foe doe nanga san, na ini den eigi kontren pe den e libi, e poti den sma foe prakseri, dan dati sa meki wan toe sma, di ini tra kefal no ben sa arki, doe boen na tapoe dati. Joe e tan abi sabi foe den afersi di e feni presi now èn joe sreka joesrefi foe sori den fa a bijbel boskopoe kan jepi sma foe loesoe den problema di den e miti?
TJARI KENKI KON INI A FASI FA JOE E BIGIN TAKI NANGA A SMA
4 Tjari kenki kon ini a fasi fa joe e bigin taki nanga a sma na ini kontren pe wi wroko foeroetron. A wan leisi kande joe e gebroiki na ini joe inleiding wan traktaat. Na wan tra okasi joe kan fiti wan foe den pikinmoro fotenti inleiding foe na Taki-go-taki-kon boekoe, di joe e feni tapoe bladzijde 9-15, na a fanowdoe foe a birti. Kande joe wani sori go srefi na a fosi tron di joe ben fisiti a birti, so taki den no kan teki dati so gaw leki gron gi wan genstaki. Efoe joe ben skrifi prenspari sani di a ososma ben taki na a fosi fisiti foe joe, dan joe kan gebroiki dati leki wan bigin foe taki go moro fara foe wiki na belangstelling.
5 Si sma so leki fa Jehovah e si den, èn tan sori taki joe e broko ede nanga den sma di kande taigi wi taki den no abi belangstelling kwetikweti. Jehovah foeroetron baka ben tan aksi na pipel foe en ini owroe-ten nanga tranga, ala di den ben sori wan mi-no-kefasi kontrari den boskopoeman foe en (2 Kron. 36:15; Jer. 7:13). Foeroe sma di na a bigin no ben abi belangstelling, de now wi brada nanga sisa. Srefi faja-ati gensman den ben boeweigi foe teki na waarheid. Den sma dati de grantangi now taki nanga pasensi wan sma ben tan kon na den doro nanga a boen njoensoe.
SKRIFI SANI BOEN
6 A de toemoesi prenspari foe skrifi sani boen na tapoe a oso-foe-oso-raport. Te wi e go loekoe den sma baka di no ben de na oso dan dati sa djaranti taki wi e wroko a kontren boen èn sa langa a ten a mindri den fisiti di wi e fisiti den sma di de na oso. Sonwan ben feni en wan prisiri sani toe foe kenki den raport foe sma di no ben de na oso a den mindri wiki velddienst aktiviteit, nanga di foe den wan di e go na a kaba foe a wiki na velddienst. Disi e tjari toemoesi boen kenki kon na ini den ten te den e fisiti den osofamiri, èn disi e bigi na okasi foe miti den sma na oso di noiti no de na oso na bepaalde ten foe a dei èn tapoe bepaalde dei foe a wiki. Moro rai joe kan feni na ini Na Waktitoren foe 15 juli 1988, blz. 6-10.
7 Jehovah sabi oten nofo moeiti ben doe foe miti ala sma di wani arki. Ondro na tiri foe Krestes wi sa go doro foe gi jesi na en, nanga foeroe froetrow taki a wroko sa kon na wan kaba na ini a ten di wi ben kisi foe doe dati.— Esek. 9:11.