Tjari gobaka nanga boen bakapisi
1 A tjari foe gobaka na wan prenspari pisi foe wi diniwroko leki „kompe-wrokoman foe Gado” (1 Kor. 3:6-9). Wi no abi foe frede foe a fasi fa na ososma sa piki, bikasi wi e fisiti wan sma di ben sori belangstelling kaba gi a waarheid. Nanga wan boen sreka foe wi sei dan na takimakandra foe wan moi bijbel tori sa sori wi opregti persoonlijke belangstelling gi a sma di wi e fisiti.
2 Taki krin foe san a e go, poti aksi nanga takt.
Nanga den sani na prakseri di joe ben skrifi foe a fosi taki di joe ben abi, joe ben sa kan aksi:
◼ „Joe ben prakseri moro fara foe den pramisi foe Gado foe tiri grontapoe ini regtfardikifasi?”
Wan tra aksi ben sa kan de:
◼ „Joe denki taki joe begi, foe Gado kownoekondre, kon abi moro waarde sensi di wi ben abi a bijbeltakimakandra a wiki di pasa?”
Wan switi fasi tapoe joe fesi èn ini joe sten, e jepi foeroe foe meki wi opregti belangstelling kon a fesi te wi e poti den sortoe aksi disi.
3 No fetifeti, arki san a ososma e taki. Efoe wi e arki troetroe san na ososma e taki èn e poti serjoesoe prakseri bifo wi piki, dan a sa de krin taki wi abi troetroe belangstelling gi en leki aparti sma. Nanga san a e taki na prakseri, joe kan tjari wan prakseri foe bijbel kon a fesi di e fiti boen na a fosi fisiti. De srekasreka foe leri na ososma wan sani ibritron te joe go fisiti en. Efoe wan onfroewakti tori e tjari kon na fesi, dan meki gebroiki foe a Taki-go-taki-kon-boekoe foe feni den bodoi di de fanowdoe.
4 Efoe a sma ben teki „Na Waktitoren” foe 1 mei, dan joe ben sa kan taki:
◼ „A tra leisi wi ben taki foe na jari 1914. Na orlokoe di ben bigin a jari dati, ben tjari kenki kon ini foeroe tiri. Foe sensi a ten dati foeroe sani e kenki ete. Ma wan foe den kenki disi toe, ofoe alamala makandra, ben satisferi den fanowdoe foe libisma troetroe, noso den kan djaranti wi vrede di e tan? [Gi okasi foe a sma piki.] Loekoe pikinso fa Jesus ben leri den bakaman foe den begi foe wan tiri di kan loesoe den kefarlek bigi problema troetroe nanga san wi abi foe doe ini a ten disi. [Leisi Mateus 6:9, 10]. San joe e denki taki Gado kownoekondre sa kan tjari kon? [Gi okasi foe a sma piki.] Na froeklari di a bijbel e gi, de toemoesi moi toe.” Leisi moro fara Danièl 2:44. Kande joe wani gebroiki a prenki na bladzijde 12 èn 13 foe a Têgo libi-boekoe foe meki a sma si sortoe situwâsi wi e froewakti ondro Gado kownoekondre.
5 Efoe a sma ben teki na „Ontwaakt!” foe 8 mei, joe ben sa kan taki:
◼ „Di mi ben fisiti joe a tra leisi, wi ben taki foe sma di ben libi a kondre pe den ben gebore foe kan lowe gi onregtfardiki fasi èn skin-ati. Joe denki taki Gado e broko en ede troetroe nanga san libisma abi foe froedrage foe a kompe libisma foe den?” A e anga foe a piki efoe joe ben sa kan go leisi Preikiman 4:1 èn Psalm 72:12-14 gi na ososma. Moro fara joe ben sa kan opo bladzijde 14 èn 15 foe a „Loekoe”-brochure èn leisi noso froeteri sjatoe foe den paragraaf 27-29, èn baka dati dan joe ben sa kan poti den aksi gi ibri paragraaf.
6 Meki wi tan sori persoonlijk belangstelling èn hori moi bijbeltori foe takimakandra na prakseri so dati den gobaka foe wi sa abi boen bakapisi.