Fa wi kan kweki belangstelling
1 Foe wan wortoeboekoe wi leri dati „wiki” wani taki, sreka sani gi noso sorgoe gi gro. Ma a wortoe disi kan wani taki so srefi foe go na fesi nanga jepi foe wroko, sorgoe noso studeri. Meki disipel na wan prenspari marki foe wi diniwroko (Mat. 28:19, 20). Foe dati ede, a de fanowdoe foe wi doe moeiti foe wiki a belangsteliling di wi feni na ini a velddienst.
2 Foeroetron fisiti de fanowdoe foe sorgoe gi a gro na jejefasi, foe aparti sma di abi wan eerlijk ati. Gobaka di e gi boen froktoe moesoe abi leki bakapisi wan doronomo bijbelstudie.
3 Joe e gobaka soso na den sma di sori bigi belangstelling? A no de fanowdoe taki sma moesoe teki boekoe na joe foe joe kan go baka. Wan pionier di no gwenti foe libi foeroe boekoe na a fosi fisiti e go baka na ibri wan sma di abi switifasi. Wan boen takimakandra na ini san joe e prati wan bijbelprakseri e gi wan moi fondamenti foe tjari wan gobaka.
4 Gebroiki traktaat foe bigin bijbelstudie na gobaka: Den difrenti tori foe den traktaat foe wi e fiti ini a ten foe wi. Den e sori go na a fanowdoe foe teki sabi foe bijbel èn gebroiki disi.
Joe ben kan taki:
◼ „A leisi na fesi wi ben taki foe wantoe reide di de, foe poti froetrow ini bijbel. Foe sortoe ten di e kon bijbel e taki?” Bigin foe leisi foe a di foe toe paragraaf na bladzijde 3 foe a traktaat Libi ini wan njoen grontapoe foe vrede. Soekoe den tekst. Aksi na ososma san a abi foe taki a tapoe san joe e leisi. Tapoe nanga a loekoe foe a materiaal ondro na ondro-edepenti „Fa a man de so gi joe?”
5 Na wan srefi sortoe fasi joe kan gebroiki a traktaat Sortoe howpoe de gi den lobiwan di dede?
Joe ben sa kan taki:
◼ „Leki fa wi ben si sjatoe na fesi, dan foeroe sma no abi nofo bribi ini Gado. Foe eksempel, den e aksi: ’Efoe Gado abi someni makti, dan foe san ede a e gi pasi foe sma e dede?’ A traktaat disi kan jepi foe gi piki tapoe na aksi disi.” Aksi den foe poti prakseri tapoe a pisi di e bigin nanga a di foe fo paragraaf na bladzijde 2. Aksi na baka ibri paragraaf wan aksi di e fiti, èn go loekoe den tekst di den kari ma di den no teki skrifi. Efoe now joe gemeente abi wan ipi foe a njoen brochure Gado e broko ede troetroe nanga wi?, dan a kan gebroiki na a srefi fasi.
6 Foe go doro nanga a studie: Te wi sa waka na baka den rai di gi djaso, dan joe e bigin wan oso-bijbelstudie. Foe meki a takimakandra go moro fara doronomo, dan aksi na ososma na a kaba foe joe fisiti: „Joe ben si taki wi ben gi piki tapoe prenspari aksi ini wan toe miniti nomo? Tra wiki wi sa gi pikinso moro ten foe taki foe a howpoe foe a opobaka foe dede noso wan tra tori gi san joe abi belangstelling.” Joe ben kan gebroiki soso wan foe den aksi, di kari ini na artikel disi, ibri tron te joe tjari wan fisiti. Tapoe wan ten di fiti, joe kan abra go tapoe wan brochure noso bigin wan studie ini a Libi foe têgo-boekoe.
7 Fa a e gi satisfaksi foe hori wan bijbelstudie nanga wan sma di e soekoe waarheid opregti! Meki wi kisi a blesi foe wan diniwroko di e gi froktoe foe di wi e gebroiki den rai di gi foe na fasi fa wi moesoe kweki a belangstelling di wi feni.