A Waktitoren—Jeje njanjan na a reti ten
1 Pikinmoro 114 jari A Waktitoren ben gi deki-ati na den leisiman foe en foe tan na ai na jeje fasi. A tijdschrift Ontwaakt! di de leki wan sisa foe en e bow a froetrow ini a pramisi foe a Mekiman foe wan njoen grontapoe foe vrede nanga seikerfasi ini a ten foe den sma foe wi ten. Den toe poeblikâsi disi ben de ala toe wrokosani di ben de foe froetrow, di ben leti wi pasi ini a doengroe grontapoe disi (Jes. 60:2). A waarheid foe Gado Wortoe no e kenki noiti, ma a froestan di wi e kon froestan en e kon moro krin foe di Jehovah e gebroiki disi nanga tra wrokosani foe gi wi „jeje njanjan na a reti ten”.—Mat. 24:45; Odo 4:18.
2 Meki boen gebroiki foe den tijdschrift: Wi kan sori taki wi de grantangi foe na jeje leti di wi kisi, foe di nanga faja wi e gi sma deki-ati foe leisi A Waktitoren nanga Ontwaakt! Leki fa wi gwenti, wi no ben sa pristeri wan abonnement na a fosi fisiti na ini a oso-foe-oso wroko noso te wi e gi okasi preiki. Foeroe sma e teki pikinmoro doronomo loesoe eksemplaar foe den tijdschrift èn a de krin foe si taki nanga prisiri den e leisi den. Kande den sma disi sa warderi na okasi foe teki wan abonnement foe siksi moen. Ma a de moro betre foe pristeri loesoe eksemplaar foe na tijdschrift na sma di no sabi wi lektuur so boen èn di kande abi pikinso warderi nomo gi na wartifasi foe dati.
3 Fa joe kan si efoe troetroe belangstelling de? Te joe e poti a sma prakseri tapoe wan noso toe penti ini wan tijdschrift, wan traktaat noso wan brochure, loekoe dan fa na ososma e piki a tapoe. A e arki nanga boen prakseri? A abi respeki gi bijbel èn e leisi makandra nanga joe te joe e leisi a bijbeltekst? A e gi piki fa en e prakseri tapoe aksi di e poti? Efoe dati de so, joe kan meki mofo dan foe go baka ini a wiki noso moro esi èn njanboen foe wan takimakandra di e go doro na a ten dati. Efoe a de krin foe si taki na ososma e leisi a boekoe di joe ben libi a baka èn e warderi en foe taki foe jeje sani, dan joe kan aksi en efoe a sa feni en boen foe kisi den tijdschrift doronomo.
4 Loesoe eksemplaar foe den tijdschrift kan pristeri na kompe wrokoman, skoro-mati èn famiri. Den tijdschrift kan pristeri toe na sma di joe sabi ini bisnis nanga na stratiwroko.
5 So esi te den njoen tijdschrift tjari go na a gemeente den preikiman moesoe man foe kisi den. Te joe kisi wan njoen tijdschrift, joe moesoe sabi finifini san tanapoe na ini. Nanga sortoe tori den sma foe joe gebied e broko den ede troetroe? Vrede nanga seikerfasi na heri grontapoe? Ekonomia? Wan boen tiri? A libi kontren? A de wan bisondroe sani, foe si taki A Waktitoren e poti sma prakseri tapoe a wan enkri loesoe di e tan, Gado Kownoekondre (Dan. 2:44; Mat. 6:10). A de troetroe wan diri presenti foe wi „Gran Leriman”.—Jes. 30:20.
6 April nanga mei e gi toemoesi moi okasi foe gi moro ten na a velddienst. Foe di mei abi feifi foeroe weekend, meki foeroe sma sa gi densrefi foe a jepipionierwroko. Wi alamala kan poti nownow kaba marki gi wisrefi foe bradi wi velddienst ini den toe moen disi èn gi nanga faja deki-ati na ala sma di wi e miti foe leisi A Waktitoren nanga Ontwaakt!