A Waktitoren nanga Ontwaakt!—Tijdschrift gi den toemoesi prenspari ten foe wi!
1 Leki wan kontroe foe bijbel profeititori, sani e pasa di e seki grontapoe! Te wi e prakseri boen san e pasa lontoe wi ini grontapoe èn so srefi na ini a theokrâsia organisâsi, dan wi kan froestan krinkrin o prenspari a de, taki wi e preiki a „boen njoensoe” foe a Kownoekondre (Mark. 13:10). Disi e gi wi reide foe go doro nanga faja nanga wi diniwroko na ini a moen april.
2 A spesroetoe wroko a moen disi, e poti krakti na tapoe o prenspari a boskopoe foe wi de. Nanga fajafaja froewakti wi e wakti a tjari kon na doro foe a Kownoekondre njoensoe(-traktaat), di wi sa prati na ini april nanga mei. Foe meki wi de fajafaja gi a wroko disi èn so srefi foe kweki belangstelling ini wi gebied, A Waktitoren nanga Ontwaakt! sa abi artikel na ini di kon na a joisti ten, di e poti krakti na tapoe den sani di e pasa na grontapoe di e broeja sma èn san den wani taki na profeiti fasi. Fa wi kan sreka wisrefi gi wan pristeri di sa wiki a belangstelling gi den tijdschrift?
3 Kande joe sa man foe pristeri den tijdschrift nanga boen bakapisi, foe di joe e doe den fondamenti stap disi: (1) Teki wan artikel na ini wán foe den tijdschrift di joe denki taki a sa hari a prakseri foe sma na ini joe birti. (2) Teki wan froeklari noso wan bijbeltekst di skrifi na ini na artikel disi, di joe denki taki a sa wiki a belangstelling foe na ososma. (3) Sreka wan sjatoe pristeri di abi wan switi odi na ini, wan aksi noso wan froeklari di e poti krakti na tapoe wan bijbel prakseri di e wiki belangstelling, nanga wan opregti kari foe teki den tijdschrift. Soleki fa joe kan si, dan disi makriki srefisrefi èn a no moeilek. Kande joe ben sa kan kon makandra nanga wan tra preikiman nanga soema joe e wroko ini a diniwroko èn sreka wan pristeri.
4 Foe di na „Ontwaakt!” foe 22 april e tjari na aksi “Are These the Last Days?” kon na fesi, dan joe kan loekoe a materiaal na ondro na ede „Laatste dagen” na tapoe bladzijde 12 foe a „Redeneren”-boekoe (Taki-go-taki-kon-boekoe). Joe ben sa kan bigin foe di joe e taki:
◼ „Wi e kon na joe foe taki nanga joe san den broeja sani di e pasa lontoe wi, wani taki. Loekoe san na artikel disi e taki . . . ”
5 A „Waktitoren” foe 1 april e tjari na aksi kon na fesi: „Relisi—Wan sani di joe no mag taki foe en?” Te wi e pristeri a tijdschrift, dan wi ben kan taki:
◼ „Foeroe tron sma e taki dati relisi na wan sani di sma no moesoe taki foe dati foe di a e tjari so foeroe strei kon. San joe e prakseri foe a tori dati?” Dan sori go na wan froeklari ini na artikel.
6 Joe kan gebroiki „De Wachttoren” foe 15 april nanga na artikel “Is Religious Truth Attainable?” Joe ben sa kan kisi wan boen piki nanga na inleiding disi:
◼ „Foe di so foeroe relisi de na ini a ten disi, meki son sma e aksi densrefi efoe wi kan kon sabi sortoe relisi abi a waarheid. Na artikel disi e tjari wan fasi kon na krin, so taki joe nanga mi kan feni wan tevrede piki tapoe na aksi disi. . . . ”
7 Foe san ede joe no oefen a pristeri nanga wan tra preikiman foe kon gwenti a pristeri bifo joe e go na a preikiwroko? Kande joe sa man gi makandra rai di sa jepi joe foe abi moro boen bakapisi èn sa gi joe moro foeroe froetrow.
8 O moro a kaba foe a sistema e kon krosibei, meki wi doe moro moeiti foe jepi opregti sma foe lowe foe Babilon a Bigiwan (Openb. 18:4). A Waktitoren nanga Ontwaakt! e plèi wan prenspari ròl ini a wroko disi di no sa kon noiti moro. Wi de nanga tangi, taki Jehovah gi wi den moi wrokosani disi di wi kan gebroiki!