Aksi Boksu

◼ Suma musu kisi wan lapelkarta fu a distrikt kongres?

Lapelkarta fu a kongres kan de wan bigi yepi fu sori suma na wi brada èn fu sori sma taki wan kongres e hori. Toku den karta no musu prati somarso na ala sma. Den karta e sori taki a sma di e weri en, abi wan bun nen na ini wan fu den gemeente fu Yehovah Kotoigi.

Na tapu a karta, presi de pe a sma kan skrifi en nen èn so srefi a nen fu a gemeente. Fu dati ede, furu sma ben sa denki taki a sma di weri a karta, abi wan sani fu du nanga a gemeente di skrifi na tapu a karta. A Genootschap e seni karta go na ibri gemeente. A ben sa fiti fu gi ibri preikiman di dopu èn di no dopu ete wan karta. Pikin-nengre nanga trawan di e kon na gemeente konmakandra doronomo èn di e meki go na fesi fu man teki prati na a diniwroko, kan kisi wan karta tu. A no ben sa fiti fu gi wan sma di den puru na a gemeente wan lapelkarta fu a kongres.

Te den karta kon kaba, dan den owruman musu sorgu taki den karta e prati leki fa den tirilin disi e sori taki den musu du dati.