Verenigd door Goddelijk onderwijs​—Wan Video Di E Sori Taki Tru Wánfasi De na Mindri Brada

Wan kringopziener ben go na wan bijbelstudie di ben e hori nanga wan uma di no ben e go na den konmakandra ete. A gi na uma deki-ati fu luku a video Verenigd door Goddelijk onderwijs. A wiki dati na uma go na wan konmakandra èn a taki dati a ben breiti srefisrefi fu de drape. Fu san ede meki a video disi ben abi leki bakapisi taki na uma go na wan konmakandra so wan syatu pisi ten baka di a si en? A ben naki na ati fu en fu si a warti wánfasi di de na mindri wi leki brada nanga sisa, ala di wi e libi na ini wan ogri-ati grontapu di takru srefisrefi.​—Yoh. 13:35.

Luku a video disi so taki yu kan si èn firi a vrede nanga a lobi di de na mindri Yehovah Kotoigi na heri grontapu. Dan sidon prakseri den aksi disi:

(1) Fu san ede a thema „Leri fu Gado” ben fiti den kongres fu 1993-1994?​—Mika 4:2.

(2) San Bijbel waarheid wani taki gi son osofamiri? San a wani taki gi a di fu yu?

(3) Fu san ede a de prenspari taki Yehovah e gi wi leri?​—Ps. 143:10.

(4) Sortu problema den brada musu lusu te den e sreka sani gi bigi internationaal kongres?

(5) Na sortu fasi yu si taki san skrifi ini Psalm 133:1 nanga Mateus 5:3 e pasa na den Kresten kongres pe yu ben go?

(6) Sortu krinkrin buweisi de fu a bigi kenki di a leri fu Gado e tyari kon?​—Openb. 7:9.

(7) San ben de a moro bigi nomru fu tru Kresten di ben dopu oiti?

(8) Sortu wortu fu Mika, Petrus, nanga Yesus e kon tru na mindri Yehovah Kotoigi?

(9) San e buweisi yu taki wan koloku libisma famiri di de na ini wánfasi no de wan dren nomo?

(10) Suma yu o sori a video disi, èn fu san ede?

Baka di wan sisa si a video disi, dan a taki: „A video disi sa yepi mi moro nanga moro fu hori na prakseri taki nownowde so furu Kresten brada nanga sisa na heri grontapu e dini Yehovah getrow. . . . A wánfasi na mindri wi brada nanga sisa warti srefisrefi!”​—Ef. 4:3.