Boskopuman fu engel gi wi ten
’Gado . . . ben seni en engel go èn ben meki bekenti na ini marki [den sani di ben mu pasa djonsro]’. — OPENBARING 1:1.
1. Sortu fowtu prakseri de fu na nen Apocalyps, èn san na buku Openbaring e tyari kon a krin fu a ten di e kon?
APOCALYPS. O furutron na wortu dati no den de fu yere na ini na di fu twenti yarihondro disi — ma fa sma tapu wan sarifasi no ben frustan en bun! Na ini san a wani taki na sei fu bijbel a no abi fu du nanga wan pori krinkrin fu na heri libismafamiri ini wan nucleaire holocaust. Na presi fu dati na Griki wortu disi wani taki „tyari wan sani kon a krin”. Nanga yepi fu profeiti prenki na bijbelbuku Apocalyps ofu Openbaring e tyari kon a krin den sani di o pasa èn di e doro na heimarki fu den ini na kon fu wan pisiten fu tego koloku gi na libismafamiri. Jesus apostel Yohanes e bigin na Openbaring fu dati ede ooktu nanga den wortu: „Koloku a sma de di e leisi den wortu fu na profeititaki disi tranga èn den sma de di e yere den èn di e ondrow ala san skrifi na ini; bika na faste ten de krosibei.” — Openbaring 1:3.
2, 3. Fu san-ede disi de so wan ongoloku grontapu èn san de na prakseri fu Yehovah?
2 Na disiten grontapu no koloku. Dati a no de koloku, e kon fu san tanapu na ini wan singi di Moses ben meki sowan 3460 yari pasa kaba: „Den ben handri fu den sei na wan pori fasi; den no de en [Gado] pikin, na mankeri didon a densrefi. Wan kron èn ferdrai geslagti!” (Deuteronomium 32:5) O bun den wortu dati e marki na disiten geslagti, di den waarde fu en de so ferdrai èn kron! Na so na wortu a fesi fu World military and Social Expenditures 1987-88 sondro fu draidrai e taki: „Gi ala nasi libi hari kon skoinsi nanga na meki-moro-fetisani-streilon. Den Verenigde Staten èn na Sovyet Unie ben gi makandra sowan 1.5 milyard dollar wan dei fu srudati sani. Toku den Verenigde Staten tapu wan grontapu ranglijst e kon na di fu 18 presi ini na tori fu pikinnengre dede èn na USSR tapu na di fu 46 presi. Den ontwikkelingskondre e gi pikinmoro fo tron someni moro na wapen leki na a sorgu fu na gesontu fu den sma fu na kondre fu den. Toku hondrohondro milyunmilyun sma a ini den kondre dati e pina fu angri; 20 procent fu den pikin e dede bifi na di fu feifi frijaridei fu den.”
3 Ooktu tra sani e meki na pori pasi disi du kon — na fadon fu den moreel wet, na fadon panya fu na osofamiri wanfasi, na ogridu èn na skrekitiri di e waka lontu abra na grontapu, na sondro lobifasi, èn kruktudufasi fu na disiten geslagti. Fa wi kan de koloku taki Jehovah abi na prakseri fu „pori den sma di e pori grontapu”! (Openbaring 11:18) Tapu wan fasi di e gi yu fruwondru èn finifini a buku Openbaring e skrifi ini wan lo fu tinasiksi visioen fa a sa du disi.
„Engel” èn „marki”
4. Fa engel de ini a tori fu Openbaring, èn fa den visioen e prenki na Moro Prenspari engel?
4 Na Openbaring e trowe leti tapu na fosi profeititori fu na bijbel, na ini Genesis 3:15, te a meki wi si san na lusu de fu na feantifasi mindri Satan na a wan sei èn na organisasi fu Gado di yu kan teki gersi nanga wan uma na a tra sei èn mindri „a siri fu den tu”. Na buku e tyari Jehovah krutu kon na krin ini a tori fu en feanti èn ini a tori fu den di lobi en èn hori en Soevereiniteit hei. Na Openbaring tyari kon abra gi Johanes na ini „marki” nanga yepi fu wan engel. Tra engel, ofu boskopuman, abi wan prati na a meki bekenti èn a preiki fu den marki dati. A moro prensipari engel e tyari kon na a bigin na fesi na ini Openbaring 1:5 leki Jesus Krestes, ,na Getrow Kotoigi, na Fosi Geborewan fu den dedewan èn na Tiriman fu den kownu fu grontapu. Den „marki”, ofu visioen, ben prenki en ooktu leki wan „Lew”, leki wan „Lam”, leki „Michael” èn difrenti tron leki wan makti engel. — Openbaring 5:5, 13; 9:1, 11; 10:1; 12:7; 18:1.
5. San na fosi visioen fu Openbaring abi na ini en, èn san wi abi fu du nanga dati?
5 Na fosi visioen, ini Openbaring 1:10–3:22, abi boskopu di e gi sma faya èn di na glori Jesus seni gi den „engel” ofu opziener, fu seibi gemeente fu Asia di de wan prenki fu na heri gemeente fu Jehovah Kotoigi na a heri grontapu „na ini na dei fu Masra”. Den boskopu de so bun gi wi, na ini a ten disi! Wi musu poti wisrefi a tapu fu „yere san na yeye e taki gi den gemeente,” bika den warskow èn frumane disi de fu gi wi deki-ati, so dati wi mag tan getrow — fu den feni wi bun fu wi wroko èn fu wi „lobi nanga begi èn diniwroko èn horidoro” ede. — Openbaring 1:10; 2:7, 10, 19.
6. Fa yu kan nyanbun fu ibriwan fu den boskopu di ben seni go na den seibi gemeente fu Asia?
6 Netleki na gemeente na ini Efese na so wi ben wroko kande loyaal èn no ben wani si den wroko fu sektaris sma di fadon komoto fu bribi na ai, ma efu wi lobo ben flaw ini wan kontren, meki nanga berow wi drai go na wi fosi lobi, nanga ala en faya enthousiame! Leki den kresten na ini Smyrna di ben gudu na yeyefasi, meki wi feti sondro fu frede na baka na prijs, e buweisi taki wi de getrow srefi te na dede”, efu dati de fanowdu. Leki den sma di ben kisi na ini Pergamum tesi fu na sei fu Satan, na so wi musu abi berow fu ala dini fu kruktu gado, hurudu ofu sektarisme di kande wi ben gi wisrefi fositen abra na den! Den sma di ben libi na ini Tyatira ben kisi a tranga kari fu luku bun gi den sortu tesi disi, spesrutu na Isebèl sortu krakti. Ala sma di kon de na ini wan dede toestand na yeyefasi, soleki den krestensma na ini Sardis, musu wiki bifo a lati. Wan opo doro fu dienst de gi den sma di e libi na ini Filadelfia; meki a de so taki wi abi na krakti fu wini ini na yuru fu na tesi, soleki den ben du! Efu a mindri wi yu abi sma di kon brokokowru leki den sma fu Laodicea, dan wi musu kan sabi wi yeye sososkin fasi èn abi berow. Jesus tanapu na a doro èn e naki a doro. Meki wi alamala bari en wan switi kon èn nyan switi fu wan yeye nyanyan nanga en alaten na ini wi 55.000 gemeente na ini na heri grontapu! — Openbaring 1:11; 2:7, 10, 11, 17, 29; 3:6, 13, 22.
A troon fu Gado, wan bukulolo èn wan aksi
7. Sortu wortu fu prijse den e singi na ini na di fu tu visioen, èn fa yu e teki disi?
7 Ini na di fu tu visioen Johanes e si Jehovah glori hemel troon. Wi glori Gado e sori ensrefi a mindri fu wan moro hei leki grontapu moifasi, nanga lontu en fo cherub, wan bigi ipi engel èn den kresten diniman di opo fu dede. Fu na preisesingi fu den e gi deki-ati: „Yu Jehovah, ija mi Gado, de warti fu kisi na glori èn na grani èn na krakti bika yu ben meki ala sani èn fu yu wani ede meki den de èn den ben meki den!” Jehovah e langa wan bukulolo gi na sma di warti fu opo en — na Lew fu na lo fu Juda, na Lam di ben srakti, na sma di tron wi Lusuman. Heri na mekisani e preise Jehovah èn na Lam. — Openbaring 4:11; 5:2-5, 11-14.
8. San wi e si na ini na di fu dri visioen fu Openbaring, èn san a abi fu du nanga wi ten?
8 Èn now na di fu dri visioen! Na Lam ben go abra fu opo den seibi zegel fu na bukulolo. San wi e si? Fosi na Jesus di tron kownu pas e hari pasa ini hemel, e rij tapu wan weti asi di de wan prenki fu wan regtfardiki feti. Dan na rijasiman fu wan faya kloru asi e dompu na grontapu go ini wan bigi feti. Dan na blaka asi fu angriten e kon èn baka dati na geri asi fu pestsiki, di na rijasiman fu en den e kari Dede. Hades e waka na e baka fu swari milyunmilyun sma di dede. Ala disi e bigin nanga den „helu fu na banawtu” di ben miti na libismafamiri na ini 1914-1918 èn di den bigisma di de a libi ete fu na geslagti dati kan memre heri bun ete (Mateus 24:3-8). Den rijasiman disi e rij te now ete! Èn nanga na opo fu na di fu feifi èn na di fu siksi zegel den sani di e pasa e buweigi densrefi go na a sei fu ’na bigi dei fu na atibron fu Jehovah èn na Lam’. Na aksi e kon: „Suma kan tan tanapu? — Openbaring 6:1-17.
Den sma „di kan tan tanapu”
9. Sortu span tyari kon a krin e kon na ini na di fu fo visioen?
9 A di fu fo visioen e kon a krin èn e sori suma sa pasa libilibi na dei fu Gado atibron, èn fu san ede. Engel e hori fo winti fu no pori sani na grontapu so dati na poti fu wan zegelmarki tapu na yeye Israèl — 144.000 — kan doro en marki. „Baka den sani disi” na visioen e tron wan prenki di e gi yu frede: „Luku! Wan bigi ipi, di nowan sma kan teri, fu ala nasi èn lo èn pipel èn tongo, tanapu na fesi na troon fu Gado èn fu na Lam, e weri langa weti krosi èn palmtaki ben de na ini den anu. Èn den ben bari nanga wan tranga sten èn e taki: ’Frulusu wi abi fu taki tangi na wi Gado, di sidon na tapu na troon, èn na a Lam!’” (Openbaring 7:1-10). Yu e si yusrefi na ini a prenki disi?
10. (a) San te yu teki den bericht fu na Memrefesa ini 1935 gersi nanga di fu 1987 e tyari kon a krin fu na kontru fu na di fu fo visioen? (b) Sortu aksi ibriwan fu wi abi te make nanga en?
10 Na ini 1935 na nomru fu sma di ben de tapu na Memrefesa fu Jesus dede na a heri grontapu ben de 32.795. Fu den sma disi 27.006 ben gebroiki fu den symbool èn nanga datiden ben sori taki den de fu na fikapisi fu den 144.000 di abi wan hemel howpu. Bakaten na ini na srefi yari dati na kon sabi fu na bigi ipi ben kon wantronso na krin. Den safri-atisma disi di e luku fu kisi tego libi tapu wan paradijs grontapu e poti ooktu bribi na ini Jesus brudu di lon; den e kon na Jehovah fu di den e gi den libi abra, e saka densrefi na ondro na dopu na ini watra èn e dini Gado fayafaya nanga na koloku fruwakti fu pasa libilibi na „bigi banowtu”. Na nomru fu den sma di ben de na a Memrefesa fu 1987 ben de 8.965.221, nanga soso 8808 di ben gebroiki den symbool. Fu disi ben kon a krin taki na ini a ten disi milyunmilyun sma de di de fu a bigi ipi ofu abi belangstelling na ini fu de wan pisi fu den. Yu sa ’kan tan tanapu’ leki wan fu den na ini a ten fu ’na bigi dei fu na atibron fu Jehovah èn fu na Lam’? A wani taki fu tan a libi efu yu du stap fu kon so fara. — Openbaring 6:15-17; 7:14-17.
Trompeti babari e meki den krutu fu Gado bekenti
11. Sortu krutu na ini a di fu feifi visioen trompeti babari e meki bekenti èn san den abi fu du nanga wi ten?
11 Na di fu seibi zegel e kon opo! Èn san e koti faya kon a doro, de na di fu feifi visioen fu Openbaring. Seibi engel tanapu na fesi Gado. Den e kisi seibi trompet èn nanga disi den e meki sma yere boskopu di sensi 1919 Jehovah pipel na grontapu ben taki den baka. Den fosi fo e fruteri fu krutu di e kon tapu „na di fu dri pisi” fu na libismafamiri, a de krin taki a de den sma di libi na ini na krestenhèit. Den trompeti e sori taki na pisi fu „na grontapu” (na seti fu sani fu Satan di gersi leki a de stabiel) di de wan pisi fu na krestenhèit èn fu na „se” (na wunyuwunyu pisi fu na libismafamiri) èn ooktu en ’liba nanga watrafonten’ (den leri èn filosofie fu na krestenhèit) èn en dungru hemelleti (den kerki leriman, di no abi nowan enkri yeye leti), alamala de a marki fu na atibron fu Gado. Na ini na mindri fu hemel wan „aka” di e frei e sori ensrefi, èn di e gersi wan engel nanga na boskopu taki na tra trompeti babari di e kon ete tapu den dri trompeti di libi sa wani taki „helu, helu, helu”, gi „den sma di e libi na grontapu” — Openbaring 8:1-13.
12. Suma opo na peti fu na peti di no abi gron, èn fa wan ipi „sprenka” ben sutu na ini wi ten den kerki leriman?
12 Èn na so na di fu feifi engel e bron sobun tapu en trompeti. Luku! „Wan stari” — Masra Jesus — ben opo na peti di no abi gron èn di e gi smoko, èn wan ipi sprenka e kon na doro. Heri moi disi e prenki fa Jesus na ini 1919 e fri Gado salfu Kotoigi komoto fu wan tustand fu no de aktief. Nanga makti di den kisi fu Gado den e pori den weigron fu den kerkileriman, aladi den e puru den falsi leri èn hoigrifasi fu den kon a dori a ini a ten fu wan pisiten fu „feifi mun”-— na normaal libiten fu wan sprenka. Disi e sori a tapu taki a de so taki na geslagti fu disiten sprenka „no sa pasa kwetikweti” teleki Jehovah èn Krestes sa ben klari na krutu fu den nasi. Nownow kaba na sprenka grupu disi ben libi milyardmilyard publikasi di abi den fundamenti tapu a bijbel, na a publiki nanga faya krutu boskopoe di e sutu leki na tere fu wan skorpiun. Johanes e taki: Na wan helu pasa gowe. Luku! Tu helu e kon ete baka den sani disi. — Openbaring 9:1-12; Mattéus 24:34; 25:31-33.
13. (a) Suma den fo engel di ben lusu komoto fu den katibo ini a birti fu na Eufraat liba e agersi, èn na wroko fu den de sortu sani? (b) Suma de den asiman nanga asi di de milyardmilyard, èn fa a makti fu den de na ini „den mofo èn den tere”?
13 Na di fu siksi trompet e bari èn e tyari na di fu tu „helu” kon. Den e lusu fo engel di de na ini na birti fu na Eufraat liba, san heri moi e prenki fa na ini 1919 Gado salfu Kotoigi ben kon fri fu katibo ini Babylon. Den hori den klari fu „kiri a di fu dri pisi fu den sma”, ala di den e meki bekenti dati den kerkileriman fu na krestenhèit dede te yu sa luku en fu na sei fu Jehovah. Ma yepi de fanowdu fu meki na kotoigiwroko disi kon moro bigi. Èn Jehovah e sorgu fu dati fu di a e tyari wan bigi ipi kompe-wrokoman kon na ini. Den salfu Kotoigi èn den yepiman disi makandra e lon go leki rijman nanga asi di yu no kan teri, „tu milyard tron milyard”. Na makti fu den asi de „na ini den mofo” fu di den Kotoigi e taki Jehovah krutu boskopu na den oso fu den sma, èn na ini den „tere” na a fasi disi, taki bijbel lektuur e libi na den sma, pe na dei fu refensi fu en di e kon e meki bekenti. — Openbaring 9:13-21; Tori fu den Apostel 20:20, 21.
14. (a) Suma na a „tranga engel” ini na di fu siksi visioen, èn san a e du èn e taki? (b) San a e sori fudi na pikin buku-lolo de switi leki honi ma toku ’de bita ini na bere’?
14 Now a di fu siksi visioen e kon na krin. Wi e si wan „tranga engel”, a de krin, taki a de Masra Jesus Krestes na ini wan spesrutu rol. A abi wan pikin buku lolo na ini en anu. Yu kan yere sten nanga dondru èn dan na engel e sweri na wi Gran Mekiman: „Nowan puru fu ten sa de moro; na ini den dei te na di fu seibi engel e meki den yere fu en, te a de so fara fu bron tapu en trompeti, dan den santa kibri-tori fu Gado trutru e tyari kon na wan kaba.” Johanes e kisi fu yere taki a musu teki èn nyan na pikin buku-lolo èn na ini en mofo a de „switi leki oni”, precies soleki den kownukondre boskopu, nanga den pramisi blesi di de fu wan „nyun hemel èn wan nyun grontapu” de so switi gi na salfu Johanes klasse nanga den kompe fu den ini na ten disi. Na a tra sei na wroko fu meki Gado dei fu refensi bekenti” gi folku nanga nasi nanga tongo èn furu kownu”, de muilek fu son sma frustan. Ma abi deki-ati! De tranga na ini na bribi taki Jehovah sa gi na fanowdu krakti efu yu bariwroko gi en dei fu refensi. — Openbaring 10:1-11; 21:1, 4; 1 Yohanes 5:4; Yesaya 40:29-31; 61:1, 2.
Na di fu seibi trompeti èn na di fu dri helu
15. (a) San e psa te na di fu dri helu e meki bekenti èn na di fu seibi engel e bron tapu en trompeti? (b) Na sortu fasi na Kownukondrepreikiwroko de wan helu?
15 Baka te a tyari kon a fesi fu na feanti ben sa pruberi na ini 1918 fu kiri Gado Kotoigi, èn baka te a ben fruteri tapu sortu aparti fasi „libi yeye fu Gado” ben meki den kon a libi baka na ini 1919 fu gi wan kotoigi na a heri grontapu, dan Johanes e skrifi: „Na di fu tu helu pasa kaba. Luku! Na di fu dri helu e kon esi.” Tapu sortu fasi? Na tori e go moro fara: „Èn na di fu seibi engel e bro tapu en trompeti.” A di fu drie helu e anga sobun makandra nanga a babari fu na laatste trompeti dati. Èn arki! „Tranga sten ben de fu yere na ini hemel, di ben taki: ’Na Kownukondre fu grontapu de na Kownukondre fu wi Masra [Jehovah] èn fu en Krestes, èn a sa tiri leki Kownu te fu ala tego ten.’” A de a Kownukondre fu Gado na ini den anu fu Krestes Jesus di makandra nanga en 144.000 kompe-erfgenaam e tyari Gado santa kibritori kon na wan kaba èn nanga dati e regtfardiki na tego Suvereiniteit fu Jehovah Gado, na Almaktiwan. Na Kownukondrepreiki disi de wan helu? Gi den godelowsuwan, ija! Dati wani taki a e sori fa „Gado sa pori den di e pori na grontapu” — Openbaring 11:1-19.
16. Sortu dramatis kon a krin e kon na fesi na ini na di fu seibi visioen?
16 Na di fu seibi visioen e koti faya kon na ini na prenki! Luku drape na getrow hemel organisasi fu Gado, en uma. A de nanga bere èn na ini pen fu meki na pikin di sma ben fruwakti langa ten kaba. Fu na fosi tron — èn no na laatste tron — na faya kloru draak e sori ensrefi na ini Openbaring, „na fosi sneki, di den kari Didibri nanga Satan di e kori na heri grontapu pe libisma e libi na tapu”. Èn a de klariklari fu swari na pikin na a ten di a sa gebore. Na ’feantifasi mindri [na sneki] èn na uma’ e buweigi ensrefi go na wan marki fu krakti di sa kon na wan bosroiti! Na uma e gi libi na „wan manpikin, wan mannengre”, di wantronso e hari puru go na a troon fu Gado. — Openbaring 12:1-6, 9; Genesis 3:15; Danièl 2:44; 7:13, 14.
17. (a) Suma na Michaël èn fa sensi 1914 a ben mu piki tapu san en nen de? (b) Tyari na difrenti kon a krin a mindri den dri helu nanga na helu gi na grontapu fu Openbaring 12:12.
17 Disi na a Kownukondre di wan mannengre pikin e agersi èn di ben opo na ini na historia yari 1914. Na Kownu fu en, Krestes Jesus, den e kari ooktu Michael, san wani taki, „Suma de leki Gado?” A e piki na aksi dati sondro draidrai fu di a e feti teige Satan, èn e trowe na owru draak dati nanga en ogri yeye go na grontapu. Sensi 1914 yu abi ooktu wan „helu gi na grontapu èn na se, bika Didibri saka kon na unu, èn a abi bigi atibron, fu di a sabi taki a abi soso wan syatu pisiten.” Èn na helu disi, di yu kan si na ini na sari tustand fu na libisma famiri na ini na ten disi wi no musu bruya nanga den ’dri helu’ di Jehovah e tyari kon na tapu den godelowsuwan fu di a e krutu den. — Openbaring 12:7-12.
18. (a) Sortu helu Satan Didibri bifo èn ini a ten fu na di fu Tu Grontapufeti ben proberi fu meki kon tapu Yehovah loyaal srafu? (b) Sortu bosroiti Didibri abi te now ete, èn san den visioen di tan abra ete kan tyari kon a krin?
18 Didibri ben pruberi ooktu fu meki wan helu kon gi Jehovah loyaal srafu na grontapu. Bifo èn ini a ten fu na di fu Tu Grontapufeti a ben braak wan bigi frudu fu frufolgu kon ini wan muiti fu tyari wan kaba kon nanga dati na a wroko fu „den wan di tan abra” fu na uma fu Gado di kan teki gersi nanga wan organisasi — den sma fu 144.000 di e dini ete a mindri libisma. Jehovah ben sorgu taki na grontapu, Satan eigi seti fu sani ben swari na frudu dati. Wan atibron Satan de te now ete fu feti teige Jehovah Kotoigi (Openbaring 12:13-17). San sa de na bakapisi? Ete neigi visioen e kon èn den dati sa fruteri wi en! — Habakuk 2:3.
Aksi fu luku san wi ben leri
◻ Fa Yehovah ben gebroiki engel ini a tori fu na buku Openbaring?
◻ Sortu krakti Yesus boskopu gi den seibi gemeente mu abi tapu wi?
◻ San na a bakapisi fu na bro tapu den seibi trompeti?
◻ San na ipi fu sprenka èn den asiman di no de fu teri e agersi?
◻ Fu san-ede na gebortu fu Gado Kownukondre e anga makandra nanga „na di fu dri helu”?
[Faki na tapu bladzijde 5]
KAPITEL NANGA VERS FU IBRI VISIOEN:
□ na fosi visioen 1:10—3:22
□ na di fu tu visioen 4:1—5:14
□ na di fu dri visioen 6:1-17
□ na di fu fo visioen 7:1-17
□ na di fu feifi visioen 8:1—9:21
□ na di fu siksi visioen 10:1—11:19
□ na di fu seibi visioen 12:1-17
□ na di fu aiti visioen 13:1-18
□ na di fu neigi visioen 14:1-20
□ na di fu tin visioen 15:1—16:21
□ na di fu erfu visioen 17:1-18
□ na di fu twarfu visioen 18:1—19:10
□ na di fu tinadri visioen 19:11-21
□ na di fu tinafo visioen 20:1-10
□ na di fu tinafeifi visioen 20:11—21:8
□ na di fu tinasiksi visioen 21:9—22:5
[Faki/Prenki na tapu bladzijde 8-11]
DEN 16 APOCALYPTIS VISIOEN — WANTU HEIMARKI
1. Yesus a mindri fu seibi kandratiki, gemeente, e seni boskopu fu lobi nanga yepi fu seibi stari, den salfu opziener
2. Na fesi fu na hemel troon fu Yehovah na Lam di ben wini e kisi wan bukulolo nanga krutu boskopu
3. Kristus Yesus e hari go fu wini, aladi tra rijasiman e pina a libismafamiri èn Gado dei fu atibron e kon krosbei
4. Aladi engel e meki taki na bigi benawtu no kon, dan na tyari kon makandra fu den 144.000 èn fu na bigi ipi e kon klari
5. Engel e meki nanga trompetibabari krutu boskopu bekenti, èn Yehovah Kotoigi e lon kon a doro leki sprenka èn e puru kon a doro san falsi fasi fu anbegi de
6. Te na di fu seibi trompeti e bro, dan Gado Kotoigi e kon baka na libi fu meki na Kownukondre fu Yehovah nanga en Kristus bekenti
7. Baka na gebortu fu na Kownukondre na ini 1914 Kristus e trowe Satan nanga en ogriyeye go na grontapu
8. Tu ogri meti e sori den srefi èn a di fu tu politiekmeti e gi libi na wan prenki fu na fosi meti, na politiek gemeenschap fu den Verenigde Naties
9. Den sma fu na libismafamiri di ’e frede Gado èn e gi en glori’, den e koti fu kisi tego libi, trawan fu kisi pori
10. Na kanti trowe fu seibi preti fu Gado atibron e doro wan heimarki na ini na kiri fu alasma di Satan doti „loktu” e pusu
11. Na bigi huru-uma, falsi fasi fu anbegi, na politiek „meti” e iti trowe, di e pori en dan
12. Baka na pori fu Babylon na Bigiwan dan den sreka e kon klari fu na trow fu na Lam nanga en bruid, 144.000
13. Bakate a bigi huru-uma komoto na pasi, dan Yesus e tyari en hemel legre fu pori a tra pisi fu Satan grontapu seti
14. Na tapu fu Satan na ini na peti di no abi gron e opo na pasi gi na dusun yari tiri fu Kristus nanga en bruid, den 144.000
15. Na ondro na „nyun hemel” fu Kristus Yesus nanga en bruid na „nyun grontapu”-libismamaatschappij sa nyan bun fu blesi fu Yehovah di sma no ben sabi ete
16. Den sani fu Gado di seti fu dresi sma èn libi e lon go na libisma via na glori nyun Yerusalem