„Boskopoeman foe a vrede foe Gado”-distriktkongres foe Jehovah Kotoigi 1996
1 Wi ben kisi opregti wortoe foe tangi foe jere, foe foeroe foe den 3809 sma di ben fisiti a programa di ben gi krakti na jeje fasi baka foe den „Prisiri Prèiseman”-distriktkongres di ben hori na ini Sranan na ini 1995. Wi ati ben foeroe nanga prisiri foe si den 71 preiseman foe Jehovah simbôliseer a gi di den e gi densrefi abra na Jehovah nanga jepi foe dopoe ini watra. Wi ben prisiri foe kisi toe njoen poeblikâsi Jehovah’s Getuigen en het onderwijs nanga Sabi di e tjari joe go na têgo libi. A njan di wi njan boen a jari di pasa foe so wan programa di gi deki-ati, troetroe moesoe gi wi krakti foe meki ala moeiti foe fisiti a programa di sreka gi den „Boskopoeman foe a vrede foe Gado”-distriktkongres na ini 1996. A no de foe taki, dati wi alamala moesoe gi den bijbelstudenti foe wi wan kari èn jepi den foe de nanga wi drape. Den kongres disi sa de troetroe wan fonten foe kisi deki-ati nanga krakti, ala di wi e go doro foe dini Jehovah nanga prisiri na ini den lasti dei disi.
2 Sorgoe taki joe e sreka sani di joe e seti gi a kongres boen na fesi, so taki joe kan de drape foe njan boen tapoe ala den dri dei foe a switi jeje programa, foe a bigin singi te nanga a lasti begi. Teki den wan nanga spesroetoe fanowdoe na wan lobi fasi na ini den plan foe joe, spesroetoe den njoenwan di abi belangstelling, so taki den toe kan de na a heri programa. A ben sa de wan bigi jepi foe loekoe a bodoi na ini na inlegvel foe a kongres makandra nanga den bijbelstudenti di kande abi a prakseri foe kon fisiti a kongres (Gal. 6:6, 10). A programa e bigin 9.30 mamanten nanga pokoe tapoe freida èn e tapoe wan sani foe 4.30 bakadina. Tapoe satra a programa e bigin 9.30 mamanten èn e tapoe wan sani foe 4.30 bakadina. A sonde mamanten programa e bigin 9.30 èn a programa foe a dei e tapoe wan sani foe 4.00 bakadina. A bodoi di e kon now sa jepi joe foe sreka sani na fesi.
3 Spesroetoe fanowdoe: A gemeente, di sma nanga spesroetoe fanowdoe e fisiti, moesoe sreka sani gi den èn no skoifi a froeplikti disi go na tapoe a kongres organisâsi. Owroeman nanga tra sma di sabi den situwâsi disi foe den, kan pristeri foe jepi den na wan lobifasi. Foeroe tron, disi e aksi taki preikiman e loekoe san na den fanowdoe foe den wan na ini foeroeten diniwroko, den owroe sma, den sikiwan èn kande trawan. Preikiman kan gi jepi foe di den e teki den sma disi nanga den noso sorgoe gi den fanowdoe foe den tapoe tra praktis fasi. — Jak. 2:15-17; 1 Joh. 3:17, 18.
4 A no de foe taki, dati na afdeling huisvesting sa doe tranga moeiti foe sorgoe gi boen sribipresi gi preikiman nanga spesroetoe fanowdoe, efoe den sma foe a gemeente no kan jepi den. Den preikiman disi kan taki foe a situwâsi foe den nanga a sekretarsi foe a gemeente. A sekretarsi moesoe taki nanga den tra memre foe a dienstkomte foe a gemeente foe loekoe efoe a gemeente man jepi den sma disi foe sorgoe gi den eigi sribipresi. Efoe a gemeente no man foe gi a jepi disi, dan a sekretarsi kan gi den sma disi wan kopie foe a speciale Kameraanvraagformulier. Soso den wan nanga spesroetoe fanowdoe moesoe meki a formulier disi. A sma di e doe na aanvraag moesoe meki a formulier disi. A sekretarsi foe a gemeente moesi kisi en baka èn sa loekoe efoe ala sani skrifi, efoe ala sani skrifi boen èn efoe ala sani di a sma skrifi de troe foe loekoe efoe a sma doro den markitiki foe kisi sribipresi. A sekretarsi moesoe FROETERI FINIFINI na tapoe a spesroetoe presi foe a formulier san na a situwâsi foe a sma. Ala den sani disi moesoe sreka boen wan moi pisi ten fosi a kongres. Baka te a dienstkomte ondrosoekoe ala sani boen, dan a sekretarsi moesoe seni a formulier go na a coördinator foe na afdeling huisvesting. A sma di doe na aanvraag, ensrefi sa kisi boskopoe foe sribipresi.
5 Den wan nanga spesroetoe fanowdoe NO moesoe go na a kongres èn e aksi foe sribipresi te den doro drape, foe di na afdeling huisvesting moesoe kisi a boskopoe foe a dienstkomte foe a gemeente.
6 Sribipresi na sma oso no de gi den sma di kan pai hotel, ma di wani gratis noso boenkopoe sribipresi nomo foe kibri moni. Moro fara, a no e fiti taki den wan di e doe den aanvraag disi e gebroiki a lobi di den brada lobi foe teki sma na oso na wan fasi di no e fiti, foe di den e froewakti taki den brada sa hori den wan toe dei moro bifo noso baka a kongres. Den sribikamra disi de SOSO gi a pisiten foe a kongres. Den wan di kisi den sortoe sribipresi disi moesoe sorgoe taki den nanga den pikin handri tapoe wan respeki fasi nanga na oso foe a sma di gi den sribipresi, èn den no moesoe go troeboe den sani noso broko den sani foe na sma di hori den na oso, noso go na ini kamra pe joe no kisi primisi foe go. Ini wan momenti di den sma foe na oso e kisi den problema disi, dan den moesoe meki a opziener foe na afdeling huisvesting sabi dati wantenwanten tapoe a kongres.
7 Sma di de foe wan tra kongres: A kongres di joe kisi leki toewijzing foe fisiti de a moro krosibei wan gi joe gemeente. Di den brada ben seti sidonpresi, lectuur, huisvesting èn so moro fara, den hori na prakseri taki a moro bigi pisi foe den preikiman sa fisiti a kongres di den gemeente ben kisi leki toewijzing. Tokoe, efoe wan boen reide de foe san ede joe sa wani foe fisiti wan tra kongres boiti a wan di joe ben kisi leki toewijzing èn joe abi sribipresi fanowdoe, dan a sekretarsi kan gi joe na adres foe a kongres organisâsi.
8 A kongres organisâsi e wroko tranga foe feni sribipresi di e fiti èn foe meki den brada meki so mendri onkostoe leki a kan. A de foe dati ede, a moro boen sani gi wi alamala, foe wrokomakandra doronomo nanga a seti gi sribipresi di komoto foe a Genootschap. Nanga a seti disi wi abi leki marki, foe meki ala sma di e fisiti a kongres abi wan tanpe di de so makriki èn so boenkopoe leki a kan, so taki den kan njan boen doronomo foe a toemoesi boen jeje programa na a kongres. Wi e warderi srefisrefi a loyaal fasi fa joe e horibaka gi a sani disi di Jehovah seti nanga jepi foe a koni èn getrow srafoe.
[Faki na tapoe bladzijde 4]
Distriktkongres foe 1996
26–28 juli SRANANTONGO Gakaba
23–25 augustus BAKRATONGO Tweede Rijweg
30, 31 augustus, 1 september SRANANTONGO Tweede Rijweg
6-8 september INGRISITONGO Tweede Rijweg