Tokisetso ea Thuto ea Buka ea Phutheho

Karolo 5: Ketelo ea Molebeli oa Tšebeletso

¹ Molebeli oa tšebeletso e lokela ho ba ’moleli le tichere. O phetha karolo e ka sehloohong ho thuseng phutheho ho phethahatsa boikarabelo ba eona ba ho bolela le ho ruta litaba tse molemo tšimong eo e e abetsoeng. (Mar. 13:10) Ha a nka boikarabelo ba hae ka ho teba ’me e mong le e mong a sebelisana ’moho le eena, bahoeletsi ba tla hlaoleia tsebo e eketsehileng ho nehelaneng ka litaba tse molemo ’me tšimo e tla akaretsoa ka ho felletseng haholoanyane.

² Molebeli oa tšebeletso o amehile ka ho tsosa cheseho e khōloanyane tšebeletsong ea tšimo. Sena se finyelloa haho-lo-holo ka Thuto ea Buka ea Phutheho. Ka ho tloaelehileng, molebeli oa tšebeletso o abeloa ho khanna thuto ea buka. empa hang ka khoeli mothusi oa hae a ka ’na a mo tšoarela molepo ha a etela sehlopha se seng.—kmSU 12/81 maq. 1, 8.

³ Ho Lokisetsa Katelo: Pele ho beke ea ketelo ena, molebeli oa tšebeletso o lokela ho hlahloba likarete tsa ba kopanelang le sehlopha seo tsa Tlaleho ea Mohoeletsi ea Phutheho. O boetse o lokeia ho hlophisa ho teana le mokhanni oa sehlopha seo le ho hlanloba mosebetsi oa bahoeletsi ba abetsoeng sehlopheng seo. Mokhanni a ka ’na a beha molebeli oa tsebeletso leseling ka mathata leha e le afe a amanang le tšebeletso kapa ka litlhoko tse sa totobatsoang likareteng tsa tlaleho. Mokhanni oa thuto ea buka o lokela ho hopotsoa hore thuto e lokela hore e be feela metsotso e 45 e le hore a ka fana ka nako bakeng sa puo ea tsebeletso ea metsotso e 15 ka molebeli oa tšebeletso.

⁴ Puo ena e tla lebisa tlhokomelo ho phahamiseng kananelo e eketsehileng bakeng sa tsebeletso. Haeba bahoeletsi ba hloka thuso litšobotsing tse ling tsa tsebeletso, molebeli oa tsebeletso o lokela ho fana ka litlhahiso tse sebetsang bakeng sa ho ntlafatsa. Litlhaloso tsa hae e lokela ho ba tse sebetsang le tse khothatsang e le hore a se ke a soabisa kapa a nyahamisa leha e le mang ka litlhahiso tse sa thabiseng. Sena se ka etsa hore morero oa ketelo ea hae e be oa lefeela. Puo ea hae e lokela ho khothalletsa bohle ho ntlafatsa.

⁵ Molebeli oa tšebeletso o leka ka matla ho fana ka tlhokomeio ea botho ho baena le bokhaitseli ba bangata kamoo kemiso ea hae e ka mo lumellang ka teng. A ka etsa litokisetso tsa ho sebetsa le ba fapa-fapaneng tšebeletsong. Ha a ntse a sebetsa le bahoeletsi ka ntlo le ntlo. a ka ’na a fana ka tlhahiso e le ’ngoe kapa tse peli tse sebetsang ka litsela tsa ho ntlafatsa linehelano tsa bona. Sena ha sea lokela ho etsoa ka tsela ea ho nyatsa-nyatsa empa ka takatso e tiileng ea ho thusa. A ka boetse a ithaopela ho ea le bahoeletsi maetong a ho boela le lithutong tsa Bibele. Haeba ba bang se-hlopheng ho bonahala hore ba hloka thuso ea botho. a ka ’na a etsa leeto la bolisa bekeng eona eo ho ba thusa. Ka mor’a moo. a ka tsebisa mokhanni ka litlhahiso tseo a faneng ka tsona. Tlhokomelo ena e mofuthu ea botho, e bile tšusumetso ho ba bang ba neng ba khoehlisitse tšebeletsong ea bona ea tšimo.

⁶ Seboka sa Tšebeletso: Liboka tsa tšebeletso ea tšimo bekeng eo li lokela ho khannoa ke molebeli oa tšebeletso. Li lokela ho qala ka nako esita le haeba ho na le ba ’maloa feela. Seboka ha sea lokela ho feta metsotso e 10 ho ea ho e 15. Ho buisana ka temana ea letsatsi e tsoang Lengolong le itseng ha ho tlame. Pele sehlopha se qhalana, e mong le e mong o lokela ho tseba moo a tla sebetsa teng le hore na o tla sebetsa le mang. (1 Ba-Kor. 14:33. 40) Molebeli oa tsebeletso o lokela ho khothalletsa e mong le e mong ho ea tsebeletsong ea tsimo hang-hang.

⁷ Maeto a ka mehla a molebeli oa tsebeletso lihlopheng tsa thuto ea buka e ka ba tlhohonolofatso ea sebele ka phuthehong. Ka hore e mong le e mong oa rōna a sebelisane le eena ha aa etile, tšebeletso ea rōna e tla hlophiseha ’me e atlehe. Ho phaella moo, o tla thabela mosebetsi oa hae. (Ba-Heb. 13:17) Batho ba kang linku ba tla bokelloa, ’me re tla thabela ho tseba hore re phethile thōmo ea rōna ea ho bolella bohle ba tla utloa.—Esa. 61:1. 2: Ezek. 9:11; Joh. 17:26.