Mehlala ea Seo U ka se Buang le Batho

Phutuhong ea Limemo Tsa Sehopotso

“Re memela batho ketsahalong ea bohlokoa haholo. Ka la 3 April, batho ba limilione lefatšeng lohle ba tla bokana ho ikhopotsa lefu la Jesu Kreste ’me ba mamele puo ea Bibele e bontšang hore na lefu la hae le re tsoela molemo joang. Ha ho ntšoe koleke. Memo ena e bontša hore na motseng oa rōna seboka sena se tla tšoareloa hokae hona ka nako efe.”

Molula-Qhooa March 1

“Ka la 3 April ho tla be ho ikhopotsoa lefu la Jesu Kreste. Motseng mona batho ba bang ba tla bokana ho ikhopotsa ketsahalo ena, empa ba bang ba nka hore hase ea bohlokoa. Uena u re’ng? Na u nahana hore lefu la Jesu le tsoho ea hae li re tsoela molemo? [Emela karabo.] Hlokomela hore na Lentsoe la Molimo le re’ng tabeng ena. [Bala 1 Bakorinthe 15:22, 26.] Makasineng ena ho tšohloa melemo e tla tlisoa ke sehlabelo sa thekollo sa Jesu, e leng hore ka letsatsi le leng, ha ho motho ea tla shoa.”

Tsoha! March

“Re ntse re etela baahelani ba rōna ka nako e khutšoanyane ho ba bontša Tsoha! ea morao-rao. [Mo bontše leqephe le ka ntle.] Motho e mong le e mong o na le maikutlo a hae ka potso ena ea pele e reng: ‘Na Molimo o Teng?’ U nahana hore ke bo-mang ba nang le tšepo ka bokamoso—ba lumelang ho Molimo kapa ba sa lumeleng ho eena? [Emela karabo.] Batho ba bangata ba hlasimolloa ke tšepiso ena ea Molimo. [Bala Pesaleme ea 37:10, 11.] Makasine ena e fana ka mabaka a mane a ka u kholisang hore Molimo o teng.”