Mohlala oa Seo U ka se Buang le Batho

Phutuhong ea Limemo Tsa Sehopotso

“Re memela batho ketsahalong ea bohlokoa haholo. Ka la 14 April, batho ba limilione lefatšeng lohle ba tla bokana ho ikhopotsa lefu la Jesu Kreste ’me ba mamele puo ea Bibele e bontšang hore na lefu la hae le re tsoela molemo joang. Ha ho ntšoe koleke. Memo ena e bontša hore na motseng oa rōna seboka sena se tla tšoareloa hokae hona ka nako efe.”

Molula-Qhooa April 1

“Re le etetse hakhutšoanyane ho tla buisana le lōna ka ntho eo batho bohle ba e etsang. Hoo e ka bang motho e mong le e mong, ho sa tsotellehe bolumeli ba hae, o kile a rapela. Na Molimo o araba lithapelo, kapa u bona eka li mpa li etsa hore mathata a rōna a se ke a re imela? [Emela karabo.] Hlokomela hore na Bibele e re’ng ka thapelo. [Bala 1 Johanne 5:14.] Makasine ena e bontša hore na thapelo e re ruisa molemo joang.”

Tsoha! April

“Re u etetse ho tla buisana le uena ka bothata bo ntseng bo ata. Batho ba bang ba ikutloa ba tsielehile bophelong hoo ba nahanang ho ipolaea. Ha motho a hatellehile hakaalo, na u bona eka o hlile o lakatsa ho shoa, kapa o mpa a batla ho lokoloha mahlomoleng a hae? [Emela karabo.] Batho ba bangata ba thusitsoe ke tšepiso ena ea Bibele hore ba talime litaba ka tsela e nepahetseng. [Bala Tšenolo 21:3, 4.] Makasine ena e bontša mabaka a mararo a thusang motho hore a tsoele pele ho phela le hoja a e-na le mathata.”