Leka Nehelano e Tenyetsehang — Watchtower ONLINE LIBRARY

Leka Nehelano e Tenyetsehang

Ho thahasella batho e le kannete ho tla re susumelletsa ho leka ho hlokomela seo ba se hlokang le ho ba bontša kamoo ’Muso o tla fana ka tharollo e feletseng mathateng ao ba talimanang le ’ona. (Bafil. 2:4) Nehelano e tenyetsehang eo bahoeletsi ba bangata ba bonang e atleha ke ea ho memela mong’a ntlo ho hlalosa litšoantšo tse bontšang Paradeise ka har’a lingoliloeng tsa rōna, tse kang tse thathamisitsoeng karolong e ka letsohong le letona ea leqephe lena. U ka ’na ua etsa sena ha u sebelisa e ’ngoe ea linehelano tse latelang:

◼ “Na u nahana hore re tla ke re bone lelapa la motho le thabela maemo a setšoantšong see?”

◼ “Kaofela ha rōna re ka rata hore bana ba rōna ba thabele lefatše le setšoantšong sena. U nahana hore ho hlokahala eng hore see se etsahale?”

◼ “Sena ke setšoantšo sa kamoo lefatše le tla shebahala kateng ha thato ea Molimo e etsoa lefatšeng joalokaha e etsoa leholimong. Na ho na le seo u se hlokomelang se fapaneng le bophelo ba kajeno?”

◼ “Na u ka thabela ho phela tlas’a maemo a setšoantšong see? [Emela karabo.] Na u nahana hore see se tla etsahala nakong ea bophelo ba rōna?”

Mamela karabo ea motho eo ka hloko, ’me ka mosa u mo fate maikutlo ka potso e le ’ngoe kapa tse peli. Haeba ba bang ba araba ka hore ba ke ke ba rata ho phela tlas’a maemo a setšoantšong kapa hore ha ba lumele hore ntho e joalo e ka etsahala, u se ke ua potlakela ho etsa qeto ea hore ha ba thahaselle. Botsa ka bohlale hore na ke hobane’ng ha ba ikutloa ka tsela eo. Litlhaloso tsa bona li ka ’na tsa senola hore ba amehile ka ho teba ka mathata ao moloko oa batho o talimaneng le ’ona ao ho bonahalang a se na tharollo.—Ezek. 9:4.

Ha u ntse u hlokomela seo mong’a ntlo a amehileng ka sona, fetola nehelano ea hao ka ho loketseng. Totobatsa ntlha ea molaetsa oa ’Muso e sebetsanang ka ho toba le litlhoko tsa hae. Mo balle lengolo le le leng kapa a mabeli a amanang le taba e mo amang. (Bona litlhahiso tse karolong e ka letsohong le letona.) Mo lumelle ho ipalla Lentsoe la Molimo. Haeba a bontša thahasello, tsamaisa sengoliloeng ’me u lokisetse ho khutlela. Tsoela pele ho haha holim’a moralo o entsoeng ketelong ea pele.

[Lebokose le leqepheng la 6]

Mehlala ea Litšoantšo Tse Bontšang Paradeise

Buka ea Mosuoe: leqepheng la 251-4

Buka ea Tsebo: leqepheng la 4-5 le la 188-9

Bukana ea Seo a se Hlokang: leqepheng la 11, 13

Buka ea Khotso ea ’Nete: leqepheng la 98

Buka ea Rapela Molimo: leqepheng la 92-3

[Lebokose le leqepheng la 6]

Lintho Tseo Batho ba Amehileng ka Tsona

Bobolu, ho hloka toka

Esaia 9:6, 7;

2 Petrose 3:13