Zaburi

114 Israeli alipotoka Misri,+

Nyumba ya Yakobo kutoka kwenye kikundi cha watu wanaosema maneno yasiyoeleweka,+

 2 Yuda ikawa mahali pake patakatifu,+

Israeli miliki yake kuu.+

 3 Bahari iliona na kukimbia;+

Yordani nao ulianza kurudi nyuma.+

 4 Milima ilirukaruka kama kondoo-dume,+

Vilima kama wana-kondoo.

 5 Ulikuwa na nini, Ee bahari, hata ukakimbia,+

Ee Yordani, hata ukaanza kurudi nyuma?+

 6 Enyi milima, hata mkarukaruka kama kondoo-dume;+

Enyi vilima, kama wana-kondoo?+

 7 Kwa sababu ya Bwana uwe na maumivu makali, Ee dunia,+

Kwa sababu ya Mungu wa Yakobo.

 8 Ambaye anabadili mwamba kuwa dimbwi la maji lenye matete,+

Jiwe gumu kuwa bubujiko la maji.+