-
Kumbukumbu la Torati 28:49-51Biblia Takatifu—Tafsiri ya Ulimwengu Mpya
-
-
49 “Yehova ataleta dhidi yenu taifa la mbali,+ kutoka mwisho wa dunia; litawarukia kama tai,+ taifa ambalo hamtaelewa lugha yake,+ 50 taifa lenye uso mkali ambalo haliwajali wazee wala kuwahurumia vijana.+ 51 Watu hao watawala watoto wa mifugo yenu na mazao ya ardhi yenu mpaka mtakapokuwa mmeangamizwa. Hawatawaachia nafaka yoyote, divai mpya wala mafuta, ng’ombe mchanga wala mwanakondoo mpaka watakapokuwa wamewaangamiza.+
-
-
Yeremia 5:15-17Biblia Takatifu—Tafsiri ya Ulimwengu Mpya
-
-
15 “Tazameni, ninaleta dhidi yenu taifa kutoka mbali, Enyi watu wa nyumba ya Israeli,”+ asema Yehova.
“Ni taifa linalodumu.
16 Podo lao ni kama kaburi lililo wazi;
Wote ni mashujaa.
17 Watakula mavuno yenu na mkate wenu.+
Watawala wana wenu na mabinti wenu.
Watayala makundi yenu na mifugo yenu.
Wataila mizabibu yenu na mitini yenu.
Watayaangamiza kwa upanga majiji yenu yenye ngome mnayoyatumaini.”
-
-
Yeremia 6:22, 23Biblia Takatifu—Tafsiri ya Ulimwengu Mpya
-
-
22 Yehova anasema hivi:
“Tazama! Watu wanakuja kutoka nchi ya kaskazini,
Na taifa kubwa litaamshwa kutoka sehemu za mbali zaidi za dunia.+
23 Watashika upinde na mkuki.
Ni wakatili na hawatakuwa na huruma.
Sauti yao itanguruma kama bahari,
Nao wanapanda farasi.+
Wanajipanga kivita dhidi yako kama mwanamume wa vita, Ee binti ya Sayuni.”
-
-
Ezekieli 23:22, 23Biblia Takatifu—Tafsiri ya Ulimwengu Mpya
-
-
22 “Kwa hiyo, ewe Oholiba, Bwana Mwenye Enzi Kuu Yehova anasema hivi: ‘Ninawachochea wale waliokupenda+ ambao uliwaacha ukiwa umechukizwa, nami nitawaleta ili wakushambulie kutoka kila upande,+ 23 wana wa Babiloni+ na Wakaldayo+ wote, wanaume wa Pekodi+ na Shoa na Koa, pamoja na wana wote wa Ashuru. Wote ni vijana wanaovutia, magavana na watawala wasaidizi, mashujaa waliochaguliwa moja kwa moja,* wote wakiwa wamepanda farasi.
-