Pata Habari Sahihi

Tatizo

Mara nyingi watu huwabagua wengine kwa sababu ya kutokuwa na habari sahihi. Fikiria mifano ifuatayo:

• Baadhi ya waajiri hufikiri kimakosa kwamba wanawake hawawezi kufanya kazi zinazohusiana na mambo ya kisayansi au teknolojia.

• Huenda wageni wanaohamia nchi fulani wakabaguliwa kwa kudhaniwa watachukua kazi za wenyeji wa nchi hiyo.

• Watu wengi huamini kimakosa kwamba kila mtu mwenye ulemavu ana huzuni au hasira.

Watu wanaoamini mambo hayo wanaweza kutafuta mifano au uthibitisho usiotegemeka ili kuunga mkono maoni yao. Na wanafikiri kwamba mtu yeyote anayepinga maoni hayo ni mjinga.

Kanuni ya Biblia

“Mtu asiye na ujuzi si mtu mzuri.”​—METHALI 19:2.

Kanuni hii inamaanisha nini? Tusipokuwa na habari sahihi tunaweza kufanya maamuzi yasiyofaa. Ikiwa tutaamini tu mambo ambayo wengine wanasema bila kujua ukweli, tutakuwa na maoni yasiyofaa kuhusu watu wengine.

Kujua Ukweli Kunaweza Kutusaidiaje?

Ikiwa tutakuwa na habari sahihi kuhusu watu fulani, inaelekea hatutaamini mambo ya uwongo yanayosemwa kuwahusu. Na tukijua kwamba habari tulizopata kuhusiana na watu fulani ni za uwongo, inaelekea tutafikiria kwa makini na kufanya utafiti kuhusu habari nyingine zozote ambazo tumesikia.

Mambo Unayoweza Kufanya

• Huenda wengine wakasema kwamba watu wa jamii fulani wana sifa mbaya, lakini kumbuka si wote katika jamii hiyo wana sifa mbaya.

• Kumbuka kwamba huenda usiwe na habari kamili.

• Jaribu kutafuta habari sahihi kutoka katika chanzo kinachoaminika.