Kujua Yaliyo Katika Habari

Msaada kwa Ndoa

Inaonekana kwamba watu wanazidi kupewa mashauri kabla ya ndoa. “Inaonekana kuna mwelekeo wa kwamba ukiweza kupata msaada kabla matatizo hayajaanza, uko katika hali nzuri zaidi,” anasema Suzanne Prescod, mhariri mkuu wa barua ya taarifa inayoitwa Marriage and Divorce Today. Kwa kweli, baina ya mwaka 1968 na 1978, kati ya waume 90 pamoja na wake zao walioombwa maoni na Dakt. Claude Guldner wa Chuo Kikuu cha Guelph katika Ontario, Kanada, 30 waliopokea mashauri kabla na mara tu baada ya arusi zao ndio waliokuwa wakichukuliana vizuri zaidi.

Kwa kupendeza, mithali ya Kibiblia inahimiza hivi “Sikiliza mashauri, ukapokee mafundisho, upate kuwa na hekima siku zako za mwisho.” (Mithali l9:20) Mashauri mazuri zaidi ambayo mtu anaweza kupokea ni yale yanayotolewa katika Biblia na Yehova Mungu, Mwanzilishi wa ndoa.​—Linganisha Waefeso 5:21-33; 1 Wakorintho 7:3, 4; 2 Wakorintho 6:14, 15.