Kusimama Imara Tukiwa Kundi Moja

¹ Siku ya kusanyiko la pekee kwa ajili ya mwaka wa utumishi wa 1990 itakuwa na kichwa “Kusimama Imara Tukiwa Kundi Moja.” Kichwa hicho kinategemea Wafilipi 1:27. Programu ya asubuhi itatia ndani habari juu ya uhitaji wa kusimama imara, maandalizi ya kutusaidia tusimame imara, vielelezo vya kusimama imara, na jinsi tunavyoweza kulinda dhidi ya mavutano yenye kudhoofisha. Kutakuwako mipango kwa ajili ya ubatizo mwishoni mwa kipindi cha asubuhi. Wowote wanaofikiria kubatizwa wapaswa kumjulisha mwangalizi-msimamizi kimbele vya kutosha ili mipango ifanywe ya kupitia maswali katika Tumefanywa Tengenezo Tutimize Huduma Yetu.

² Katika alasiri kutakuwako muhtasari wa Mnara wa Mlinzi ukifuatwa na kitia-moyo cha kuwa chanya katika huduma yetu, maagizo juu ya kusaidia wengine katika huduma, na mashauri yenye kutumika ya kutusaidia tusimame imara katika roho moja. Sasa zaidi ya nyakati zote, ni lazima tusimame imara tukiwa kundi moja mbele ya Yehova. Msimamo wetu wa umoja kwa ajili ya ibada ya kweli hutulinda sisi kutokana na kani zenye kugawanya zilizoujaa ulimwengu wa Shetani, na hutuweka katika kikao chenye nguvu cha kusaidia wengine wajiunge nasi katika ibada ya kweli.

³ Programu hiyo itakuwa yenye kujenga kiroho, na sisi sote tutataka kufanya mipango ya kuwapo siku yote. Mwangalizi wa mzunguko atawajulisha wakati ambao mmeratibiwa kuwa na programu ya kusanyiko la siku ya pekee, ikiwa angali hajafanya hivyo bado.