Ushirikiano wa Jamaa Waleta Manufaa
1 Muungano wa jamaa ndilo shirika la kibinadamu lililo la kale zaidi ya yote. Ni lenye thamani kwa Yehova, kwa kuwa ni kwake yeye kwamba “ubaba wote wa mbinguni na wa duniani unaitwa.”—Efe. 3:15.
2 Katika nyakati za Kibiblia, baba alikuwa na daraka la kwanza kuhakikisha kwamba jamaa ilikuwa ya kitheokrasi kikamili. Ndivyo ilivyo leo. (Yos. 24:15; Efe. 6:1-4) Kushughulikia mambo yote yanayohitajiwa ya jamaa ni wito wenye ushindani. Jambo hili linaweza kutimizwaje? Kwa ushirikiano wa jamaa na kupanga mambo kitengenezo.—1 Kor. 14:40.
UKIWA KICHWA, TOA UONGOZI
3 Hali ya kiroho ya wote ni hangaiko kubwa. Funzo la jamaa lapasa kuongozwa kwa ukawaida na lifanywe katika njia ya kwamba linatimiza mahitaji ya jamaa. Yapaswa kuwa hivyo pia kuhusiana na zungumzo la andiko la siku. Ni jambo zuri kama nini kuanza siku kwa kuzungumza Neno la Mungu! Kulitafakari wakati wa mchana kutatusaidia ‘tuendelee kufikiria mambo yaliyo safi, yenye kupendeka, na yenye kunenewa vizuri.’ (Flp. 4:8, NW) Je! mnaweza kufanya maendeleo katika jambo hili?
4 Zaidi ya funzo la jamaa, programu ya funzo la kibinafsi ni ya maana. Maneno ya Yoshua 1:8, (NW) yanatumika kwa kani ile ile kwetu tukiwa watu mmoja mmoja: “Kitabu hiki cha sheria hakipaswi kuondoka katika kinywa chako, nawe inakupasa ukisome kwa sauti ndogo mchana na usiku, kusudi upate kuangalia kutenda kulingana na yote yaliyoandikwa ndani yacho; kwa maana ndipo utakapoifanikisha njia yako kisha utatenda kwa hekima.”
5 Ni wito wenye ushindani kufika kwenye mikutano kwa wakati. Jambo hili pia lataka ushirikiano. Mwongozo kutoka kwa kichwa cha jamaa utahakikisha kwamba msaada unaandaliwa unapohitajiwa. Hili litawawezesha wote wafike kwa wakati ili washiriki katika wimbo wa kufungua na sala.
6 Kukiwa na mambo mengi yanayotenda kazi dhidi ya umoja wa mpango wa jamaa, ni jambo la muhimu kwamba vichwa vya jamaa watoe uongozi katika sala. (2 Tim. 3:1-5) “Dumuni katika sala” ndiyo mawaidha ya Paulo kwenye Warumi 12:12, (NW). Kufanya hivyo kwa ukawaida kunaweza kusaidia kuunganisha jamaa kwa uthabiti sana. Sala hii inapasa kuwa ya kuongezea kwa sala moja moja za washiriki wa jamaa.
TAYARISHA
7 Linalotiwa ndani katika ibada yetu kwa Yehova ni kujulisha jina lake. Vipindi vya kufanya mazoezi vya jamaa vitasaidia wote wajitayarishe kwa ajili ya huduma. Chombo kizuri ambacho tunaweza kutumia ni kitabu Reasoning. Matangulizi yanaweza kuchaguliwa kutoka kurasa 9-15 kukamilisha Kichwa cha Mazungumzo. Madokezo yanayofaa kuhusu kufanya maendeleo yanaweza kutolewa na kichwa cha jamaa.
8 Je! inawezekana mshiriki mmoja wa jamaa awe katika utumishi wa wakati wote? (1 Kor. 16:9) Hili litataka ushirikiano mwema na kupanga mambo kitengenezo kwa upande wa wote katika jamaa. Jamaa nyingi zinapata shangwe hii na pendeleo kwa kufanya mtindo-maisha wao uwe sahili na kuwa wenye busara.
9 Ingawa baba au kichwa cha jamaa anapaswa kutoa uongozi, kila mshiriki anahitaji kukumbuka kwamba yeye ana daraka akiwa mtu mmoja mmoja kusaidia jamaa katika ibada ya Yehova. Kuangalia masilahi ya wote kutafanya jamaa iwe yenye furaha na yenye umoja.