Kutimiza Huduma Yetu ya Ufalme kwa Msaada wa Index
1 Tukiwa Wakristo walio wakfu, twajitahidi kwa moyo wote kutimiza huduma yetu. Ili kutusaidia katika hilo, Yehova ameandaa mwongozo tele na kitia-moyo katika maktaba kubwa ya vichapo vyenye thamani kubwa. Je, sisi twaweza kuvitumia vizuri zaidi? Msaada wa kwanza katika kufanya hivyo ni Watch Tower Publications Index, ambayo huendelea kuchapwa kwa lugha mbalimbali tangu 1961.
2 Index yaweza kukusaidiaje utimize huduma yako? Inafanya hivyo kwa kuelekeza njia ya kupata shauri bora kabisa na maelezo yaliyokwisha kuandaliwa. Index imetayarishwa kwa kufikiria ushirika mzima wa ndugu ulimwenguni pote. Kuanzia watoto mpaka akina babu na nyanya, wanafunzi wapya wa Biblia mpaka wazee, wote waweza kupata marejezo wanayohitaji kwa kusudi lolote lenye manufaa.
JINSI YA KUPATA UNAYOHITAJI
3 Ikiwa unapendezwa na maana ya mstari hususa au mfululizo wa mistari, utaona yafaa zaidi kuangalia kwanza fahirisi ya maandiko katika upande wa nyuma. Je, mtu fulani ametaja Yohana 10:30 ili kujaribu kuthibitisha fundisho la Utatu? Fahirisi ya maandiko itakuelekeza kwenye habari ambayo hueleza waziwazi sababu kwa nini Yesu alisema maneno hayo. Fahirisi ya maandiko itatajirisha usomaji wetu wa kibinafsi wa Biblia tutafutapo maelezo ya mistari ambayo huonekana ikitatiza au isiyoeleweka wazi.
4 Fahirisi ya vichwa vya habari huandaa vijia mbalimbali vya kupatia habari iyo hiyo yenye mafaa. Kwa kielelezo, huenda ukahitaji habari juu ya unaloweza kufanya ikiwa mwenzi wa ndoa akukataza kwenda na watoto wako mikutanoni. Ili upate jibu, waweza kuangalia kwenye kichwa “Waume,” “Wake,” “Watoto,” “Upinzani,” au “Mikutano.” Kuhusu kichwa chochote cha habari, ikiwa unayotaka haipatikani katika kichwa cha habari cha kwanza unachoangalia, jaribu kingine. Jiulize: ‘Ni nani anayehusika? Je, mahali hususa ni pa maana? Sifa au ustadi hususa? Hisia-moyo yenye nguvu nyingi? Mradi?’ Ukipata kichwa kikuu kinachoelekea kuwa ndicho kinachofaa, kwanza pitia kwa haraka marejezo yanayohusiana yanayofuata mara tu chini yacho. Mara nyingi hivyo huokoa wakati kwa kutambulisha kichwa kingine kinacholenga zaidi habari hiyo.
5 Ustadi katika kutumia Index waweza kuchangia mengi ili kufanikiwa katika kutimiza madaraka yetu matakatifu. Familia zetu, wanafunzi wetu wa Biblia, na makundi yetu watanufaishwa tupatapo kuwa stadi zaidi katika kutumia kifaa hiki. Matoleo yajayo ya Huduma ya Ufalme Yetu yatachunguza-chunguza maeneo hususa ambamo Watch Tower Publications Index yaweza kuwa msaada wenye thamani isiyokadirika katika kutimiza huduma yetu ya Ufalme.