Uwe Tayari kwa Kampeni ya Uandikishaji wa Mnara wa Mlinzi

Kwa kutazamia kampeni yenye kutokeza sana ya uandikishaji wa Mnara wa Mlinzi wakati wa Aprili na Mei, Sosaiti inatayarisha matoleo yenye upendezi wa pekee ya magazeti yote mawili Mnara wa Mlinzi na Amkeni! Makala kuu zitazungumzia vichwa vya habari mbalimbali ambavyo watu wanafikiria sana kila mahali.

Mnara wa Mlinzi litazungumzia vichwa vya habari vifuatavyo: “Je! Wakati Umeenda Sana Kuliko Unavyofikiri?” (Aprili 1), “Amani Itakuja Wakati Gani Hasa?” (Aprili 15), “Kuwezana na Uhalifu Katika Ulimwengu Wenye Machafuko” (Mei 1), na “Tanguliza Mungu Katika Maisha ya Familia Yako!” (Mei 15). Makala za Amkeni! (Kiingereza) Zitashughulikia vichwa vya habari vifuatavyo: “Wakati Wanadamu na Wanyama Waishipo kwa Amani” (Aprili 8), “Msaada kwa Watoto wa Talaka” (Aprili 22), “Harara ya Kucheza Kamari—Nani Hushinda? Nani Hupoteza?” (Mei 8), “Televisheni—Lile Sanduku Lililobadili Ulimwengu.” (Mei 22).

Wahubiri wote, hasa mapainia, wapaswa kufikiria mahitaji yao mmoja mmoja kwa utendaji ulioongezeka katika kutoa maandikisho na kugawanya magazeti moja moja. Ingawa katika maeneo fulani huenda makundi yasipokee matoleo hayo yote kwa wakati wake ili yatumiwe wakati wa kampeni ya uandikishaji, yaelekea sana kwamba baadhi ya matoleo hayo yatapatikana wakati wa miezi hiyo miwili ya kampeni. Hakikisha kwamba agizo lako la kibinafsi litakuandalia nakala za kutosha za matoleo ya Machi, Aprili na Mei kukuruhusu uwe na kiasi cha kutosha cha magazeti tangu mwanzo wenyewe wa kampeni ya Mnara wa Mlinzi.