Sanduku La Swali

◼ Tunapaswa kukumbuka nini tunapoandikia barua wenye nyumba ambao hatukuweza kuwapata nyumbani?

Kwa sababu tofauti-tofauti, tunaona ikizidi kuwa vigumu kupata watu tunapozuru nyumba zao. Watangazaji kadhaa wameona uandikaji wa barua kuwa njia yenye kutumika ya kuwafikia. Ingawa jambo hili linaweza kutokeza matokeo mazuri, kuna uhitaji wa kufikiria baadhi ya vikumbusha vinavyoweza kutusaidia kuepuka magumu fulani:

Usitumie anwani ya Sosaiti. Kufanya hivyo kutaonyesha isivyofaa kwamba barua ilitumwa kutoka ofisi zetu, kukisababisha matatizo yasiyo ya lazima na nyakati nyingine gharama za ziada.

Hakikisha kwamba una anwani sahihi na stampu za kutosha.

Usiandike barua kwa “Mkazi”; tumia jina hususa.

Usiache barua mlangoni wakati ambapo hakuna mtu nyumbani.

Barua fupi ndizo bora zaidi. Weka ndani trakti au gazeti badala ya kujaribu kuandika ujumbe mrefu.

Barua zilizoandikwa kwa chapa ni zenye kusomeka kwa urahisi sana nazo hupendeza.

Barua hazihesabiwi kuwa ziara za kurudia isipokuwa umemtolea ushahidi kibinafsi mtu huyo mbeleni.

Ikiwa unamwandikia mtu ambaye hapo kwanza alionyesha kupendezwa, unapaswa kutoa anwani au namba ya simu ili aweze kuwasiliana nawe. Eleza juu ya programu yetu ya funzo la Biblia.

Toa mwaliko wa mikutano ya kutaniko la kwenu. Onyesha anwani na saa za mikutano.

Usiendelee kutuma barua kwa wasiokuwako nyumbani baada ya kurudisha eneo; mtangazaji aliye na eneo hilo wakati huu ana daraka la kulihubiri.