Ratiba Ya Mkutano Wa Utumishi
Juma Linaloanza Oktoba 11
Dak. 10: Matangazo ya kwenu. Matangazo yaliyoteuliwa kutoka katika Huduma Yetu ya Ufalme. Watie wote moyo watumie maswali yaliyo katika ukurasa wa kwanza kujikumbusha mambo waliyoandika kusanyikoni wanapojitayarisha kwa ajili ya mazungumzo kwenye Mkutano wa Utumishi wa juma lijalo kuhusu programu ya Kusanyiko la Wilaya la “Tembea Pamoja na Mungu.” Tumia mapendekezo yaliyo katika ukurasa wa 8 (ikiwa yanafaa eneo lenu) kuonyesha jinsi ya kutoa Mnara wa Mlinzi la Septemba 15 na Amkeni! la Septemba 22. Watie moyo wahubiri watumie andiko katika maonyesho yao. Maonyesho mengine yanayofaa eneo lenu yanaweza kutolewa.
Dak. 15: Furahia Kuwasaidia Wengine. (Yoh. 4:34) Mahojiano. Inafurahisha kuona mtu akichangamka anapojifunza kweli kutoka kwa Neno la Mungu. (w94 3/1 uku. 29 fu. 6-7) Hoji wahubiri wawili au watatu au mapainia wanaotumia Biblia kwa matokeo katika huduma na katika kuanzisha na kuongoza mafunzo ya Biblia. Wanaendelezaje upendezi wanaopata? Kufanya hivyo kunawaleteaje shangwe? Panga wasimulie au kuigiza mambo waliyojionea katika huduma yao.
Dak. 20: “Kampeni ya Pekee ya Kugawa Broshua Mpya.”a Itolewe na mwangalizi wa utumishi. Panga kuwe na maonyesho yaliyopendekezwa. Katika onyesho moja, mwenye nyumba hapendezwi sana na mazungumzo ya Biblia na hivyo anaachiwa trakti badala ya broshua.
Wimbo 69 na sala ya kumalizia.
Juma Linaloanza Oktoba 18
Dak. 5: Matangazo ya kwenu. Zungumzia kifupi mipango ya kampeni ya pekee ya kugawa broshua mpya.
Dak. 40: “Kusanyiko la Wilaya Latuchochea Kutembea Pamoja na Mungu.” Itolewe na mzee. Toa utangulizi usiozidi dakika moja, kisha ufuatishe mazungumzo pamoja na wasikilizaji kuhusu programu ya kusanyiko ukitumia maswali yaliyo katika makala. Ratibu wakati ili kila swali lizungumziwe ifaavyo. Huenda jibu moja tu likatosha kwa baadhi ya maswali. Haiwezekani kusoma maandiko yote yaliyoonyeshwa katika muda uliotajwa; maandiko hayo yanakusudiwa kutusaidia kupata majibu kwa urahisi. Maelezo yanapaswa kukazia faida za kutumia mambo tuliyojifunza.
Wimbo 165 na sala ya kumalizia.
Juma Linaloanza Oktoba 25
Dak. 10: Matangazo ya kwenu. Ripoti ya hesabu. Panga onyesho la njia ambayo imekuwa na matokeo ya kutoa broshua mpya katika eneo lenu. Wakati ukiruhusu, simulia mambo yaliyoonwa katika kampeni hiyo ya pekee.
Dak. 15: Mahitaji ya kwenu.
Dak. 20: Toa Uthibitisho Unaounga Mkono Neno la Mungu. Mazungumzo pamoja na wasikilizaji yakitegemea kitabu Shule ya Huduma, ukurasa 256-257. Tunawezaje kutumia uthibitisho kutoka vyanzo vingine kuwasaidia watu wathamini hekima ya Maandiko? Waombe wasikilizaji watoe maelezo kwa maswali yafuatayo: Ni mambo gani katika ulimwengu unaoonekana tunayoweza kutumia kuonyesha kwamba kuna Muumba? (rs 397-398) Tunawezaje kutumia maelezo ya wasomi au wataalamu kuwasaidia wengine kujua kwamba Biblia ni Neno la Mungu? (rs 44-46) Tunaweza kutumia kielezi au mfano gani ili kuwasaidia wengine waelewe kwa nini Mungu anaruhusu uovu? (rs 371) Ni mambo gani yaliyoonwa au mifano ambayo umetumia kuwasaidia wengine wathamini hekima ya kufuata ushauri wa Biblia?
Wimbo 62 na sala ya kumalizia.
Juma Linaloanza Novemba 1
Dak. 10: Matangazo ya kwenu na Habari za Kitheokrasi. Wakumbushe wote watoe ripoti za utumishi wa shambani.
Dak. 20: Jinsi ya Kuwasaidia Watu Wanaozungumza Lugha Nyingine. Hotuba na mazungumzo pamoja na wasikilizaji yakitegemea utangulizi katika kijitabu Good News for People of All Nations. Kazia mambo makuu katika kijitabu hicho kipya. Zungumzia njia tatu tunazoweza kutumia kuwasaidia watu wanaozungumza lugha tusiyoelewa. Husisha maelezo kutoka Huduma Yetu ya Ufalme ya Julai 2003, ukurasa wa 4. Taja kwamba fomu ya Tafadhali Fuatia Upendezi (S-43) inapaswa kujazwa hata ikiwa mtu haonyeshi kwamba anapendezwa sana na ujumbe wa Ufalme. Panga onyesho la jinsi ya kutumia kijitabu hicho kipya.
Dak. 15: Mambo Yaliyoonwa. Simulia mambo yaliyoonwa wakati wa kampeni ya pekee ya kugawa broshua mpya. Mnaweza kuigiza mambo yaliyoonwa yenye kupendeza. Kazia mambo yaliyotimizwa na uwapongeze wote kwa sababu ya jitihada zao. Mkutano wa Utumishi wa juma lijalo utaonyesha jinsi ya kusitawisha upendezi kwa kutumia broshua hiyo mpya.
Wimbo 175 na sala ya kumalizia.
[Maelezo ya Chini]
a Toa utangulizi usiozidi dakika moja, na ufuatishe kwa mazungumzo ya maswali na majibu.