Mapendekezo kwa Ajili ya Utumishi

Tutapata Wapi Majibu ya Maswali Muhimu Maishani?

Mpe mwenye nyumba trakti ili aweze kuona kichwa na useme: “Habari. Tunashiriki katika kampeni ya ulimwenguni pote ya kusambaza ujumbe huu muhimu. Hii ni nakala yako.”

Ikiwa unaacha trakti katika nyumba ambazo hujapata watu, iweke mahali ambapo wapita njia hawataiona na usiikunje-kunje.

Ikiwa mwenye nyumba anapendezwa au anataka mazungumzo zaidi, unaweza kumwuliza maoni yake kuhusu swali lenye majibu kadhaa ya kuchagua lililo katika ukurasa wa mbele wa trakti. Fungua trakti, na umwonyeshe Zaburi 119:144, 160 inavyosema. Mweleze kwamba trakti ina habari zinazohusu Tovuti inayoweza kumsaidia kupata majibu yenye kuridhisha katika Biblia. Unaweza kumwonyesha video “Kwa Nini Ujifunze Biblia?” Kabla hujaondoka, mwonyeshe maswali matatu yaliyo nyuma ya trakti na umwulize kuhusu swali linalomhangaisha zaidi. Fanya mipango ya kurudi ili umwonyeshe jinsi ya kupata jibu la Biblia la swali hilo kwa kutumia Tovuti ya jw.org/sw. Unaporudi, zungumzia jibu kwa kuangalia chini ya MAFUNDISHO YA BIBLIA > MAJIBU YA MASWALI YA BIBLIA.

Pia, ikiwa unasambaza mialiko ya kusanyiko, mpe mwenye nyumba mwaliko wakati uleule unapompa trakti na useme hivi: “Kwa kuongezea, tumekupa mwaliko wa tukio kubwa tutakalofanya hivi karibuni bila malipo.”

Mnara wa Mlinzi Agosti 1

Inapofaa, katika miisho juma unaweza kusema hivi unapotoa gazeti la Mnara wa Mlinzi: “Pia, tungependa kukupa magazeti yetu ya karibuni. Makala hii ya gazeti la Mnara wa Mlinzi inajibu swali, Je, Mungu anapendezwa na wewe?”

Amkeni Agosti

Inapofaa, katika miisho juma unaweza kusema hivi unapotoa gazeti la Amkeni!: “Pia, tungependa kukupa magazeti yetu ya karibuni. Makala hii ya gazeti la Amkeni! inajibu swali, Watu wanawezaje kuishi kwa amani?”