Kuboresha Ustadi Wetu Katika Huduma—Tumia Video Kufundisha

KWA NINI NI MUHIMU:

Video zinahusisha hisi ya kuona na kusikia na hivyo zinachochea na kugusa mioyo ya watu. Zinamsaidia mtu akaze fikira zaidi na kukumbuka mambo kwa muda mrefu. Yehova alituwekea mfano bora zaidi wa kufundisha kwa kutumia picha.—Mdo 10:9-16; Ufu 1:1.

Video Je, Mungu Ana Jina?, Ni Nani Aliyeitunga Biblia?, na Tunawezaje Kuwa na Hakika Kwamba Yale Yaliyoandikwa Katika Biblia Ni ya Kweli? zinaambatana na somo la 2 na 3 katika broshua Habari Njema. Video Kwa Nini Ujifunze Biblia?, Ni Nini Hutendeka Kwenye Funzo la Biblia?, na Ni Nini Hutendeka Katika Jumba la Ufalme zinawatia watu moyo kujifunza Biblia pamoja nasi au kuhudhuria mikutano yetu. Pia, video zetu nyingine zinaweza kutumiwa kufundisha wanafunzi wetu wa Biblia.—km 5/13 3.

JINSI YA KUFANYA HIVYO:

• Pakua video ambayo ungependa kumwonyesha mwenye nyumba

• Tayarisha swali moja au mawili yanayojibiwa katika video hiyo

• Tazama video pamoja naye

• Zungumzia mambo makuu

JARIBU DOKEZO HILI:

• Tumia ukurasa wa nyuma wa mojawapo ya trakti zetu na umwonyeshe mtu alama inayofungua video Kwa Nini Ujifunze Biblia?

• Onyesha video Tunawezaje Kuwa na Hakika Kwamba Yale Yaliyoandikwa Katika Biblia Ni ya Kweli? na utoe broshua Habari Njema ukikazia somo la 3